Бишкек шаары. Архив

Миллиондоп киреше таап, "көчөдө жашап"... Бишкек акимдеринин олку-солку байлыгы

(жаңыланган 18:56 02.06.2019)
Бишкектин акимдеринин ичинен эң эле мусапыры Ленин районунун башчысы Нурдин Тынаев экен. Ал бир да мал-мүлккө ээлик кылбайт, жаандан корголоочу алачыгы да жок.

Sputnik Кыргызстан агенттиги өлкөдөгү район жетекчилеринин мал-мүлкүн тизмектөөнү улантат. Бул ирет төрт районду камтыган борбор калаадагы акимдердин мал-мүлкүнө көз жүгүрттүк.

Материал акимдердин 2017-жылга карата тапшырган декларациясынын негизинде даярдалды. Анда район башчысынын өзүнө жана жакын туугандарына тиешелүү мал-мүлкү жазылган. Жакын туугандарына аялы же күйөөсү, жашы жете элек балдары кирет. Эгер камкордугуна алса, бул тизмеге ата-энеси, бир туугандары жана жашы жеткен балдары да кошулуп калат.

Ленин району

Аким Ленинского района столицы Нурдин Тынаев на пресс-конференции в пресс-центре Sputnik Кыргызстан.
© Sputnik / Табылды Кадырбеков
Ленин районунун акими Нурдин Тынаев

Нурдин Тынаев Ленин районуна аким болуп 2016-жылдын апрелинде дайындалган. Ага чейин Бишкек шаардык мэриянын аппаратын жетектеп турган. Аким бир жылда 500 миң сом киреше тапкан. Андан башка бир дагы мал-мүлккө ээ эмес. Элге окшоп автоунаа деле айдабайт экен, "үңкүр да болсо үйүм бар" дегидей турак жайы да жок. Жакын туугандарына да жазылган эч нерсе жок.

Тынаев декларациясына негизги кирешесинен сырткары эч нерсе жазган эмес. Демек ал ижарага батир алып, үй-бүлөсүн 41 600 сомдук (500 миң сомду 12 айга бөлгөндө ушунча чыгат) маянасы менен гана багат деп түшүнүүгө болот.

Октябрь району

Глава муниципальной администрации Октябрьского района Ренат Айтымбетов
© Sputnik / Эркин Алымбеков
Октябрь районунун акими Ренат Айтымбетов

Ренат Айтымбетов 2017-жылдын 4-сентябрында Октябрь районуна аким болуп дайындалган. Ушул жылдын март айында акимдиктен кетип, Коомдук мамлекеттик капиталдык курулуш башкармалыгынын башчылыгына барган.

Айтымбетовдун жылдык кирешеси 660 миң сомду түзөт. Toyota Ipsum үлгүсүндөгү автоунаа айдайт. Декларация кагазынын калган бөлүгүн актай бойдон калтырган. Жакын туугандары да киреше таппайт жана эч кандай мал-мүлккө ээлик кылбайт. Мындан улам бул аким да көчөдө жашайбы деген суроо туулат. Документте турак жайы, мал-жаны жок экенин көрсөткөн.

Свердлов району

Аким Свердловского района Самарбек Болотбеков
© Sputnik / Табылды Кадырбеков
Свердлов районунун акими Самарбек Болотбеков

Самарбек Болотбеков Свердлов районун 2016-жылдын июль айынан үстүбүздөгү жылдын январына чейин башкарган. Жылдык кирешеси 404 миң сомду түзөт.

Бодо малынын баасы 1 миллион 300 миң сомго жетет. Мындан сырткары, 300 миң сомдук майда жандык (кой, эчки) багат. 60-70 миң сомдук турмуш-тиричилик буюмдары бар экенин жазган. Үйгө керектелчү буюм-тайымдарын жазганы менен жеке өзү үйгө жана автоунаага ээлик кылбайт. Ал эми жакын туугандарынын 48 чарчы метрлик болжолдуу түрдө бир бөлмөлүү батири бар.

Биринчи Май району

Глава Муниципальной администрации мэрии Бишкека по Первомайскому району Токтосун Султанов
© Sputnik / Эркин Садыков
Биринчи Май районунун акими Токтосун Султанов

Токтосун Султанов Биринчи Май районун 2017-жылдын ноябрь айынан бери башкарып келет. Ага чейин төрт жыл Октябрь районунун акиминин орун басары болуп иштеген. Документке карап айтканда, Султанов Бишкектин башка акимдерине салыштырмалуу көбүрөөк акча табат. Жылдык кирешеси 1 миллион 303 миң сом. Ошол эле учурда чыгашасы 1 миллион 200 миң сом. Бир аз жер тилкелерге ээлик кылат. Аянты 171 чарчы метрлик адам жашоого ылайыкталган имараты бар. Mercedes-Benz үлгүсүндөгү унаа айдайт. Бирок жакын туугандары бир дагы мүлккө ээ эмес. Алардын киреше булагы да жок экен.

Белгилей кетсек, Жазык кодексинин 323-беренесинин 1-бөлүгүнө ылайык, мамлекеттик кызматкер декларациясында кайсы бир мүлкүн жашырса, кылмыш катары саналат. Мыйзамсыз байыгандар айыпка жыгылат же эки жылга эркинен ажыратылат. Ошондой эле эки жыл мамлекеттик кызматта иштөөсүнө бөгөт коюлат.

Баса, Алмазбек Атамбаевдин экс-жансакчысы Дамир Мусакеевге жана мурдагы вице-премьер Дүйшөнбек Зилалиевге ушул берене боюнча айып тагылып, кылмыш иши козголгон. Кечээ жакында эле Зилалиевдин иши сотко өттү.

Мамлекеттик кызматкер декларацияда кайсы мүлктөрүн көрсөтүүгө тийиш:

  • Кыймылсыз мүлк;
  • Кыймылдуу мүлк;
  • Автотранспорттук каражаттар;
  • Маданий баалуулугу бар менчиктер жана өлкө мыйзамдарына ылайык эски буюм катары таанылган буюмдар;
  • Улуттук жана чет өлкөлүк валютадагы акча каражаттары;
  • Баалуу кагаздар;
  • Мал жана башка жандыктар;
  • Зер буюмдар, асыл жана жарым-жартылай асыл металлдар;
  • Жарандарга жана уюмдарга карата финансылык жана башка мүлктүк талаптар;
  • Уюмдардагы капиталдын аларга таандык үлүшү.
Белгилер:
Нурдин Тынаев, район, декларация, байлык, мүлк, мал, аким, Бишкек
Тема:
Жергиликтүү бийлик башчыларынын байлыгы (8)
Тема боюнча
Бул да "алачыкта" жашайт экен. Таластын акимдеринин болгон байлыгы тизмектелди
Кыргызча ырдаганды жакшы көрөт. Азиз Суракматов тууралуу 7 факты
Үйү жок эмерек алып, короосу жок кой багып... Нарын акимдеринин таңданткан байлыгы
Эт жеп жаткан адам. Архив

Организмди талкалай турчу азык, суусундуктар. Тизме

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

БИШКЕК, 19-апр.— Sputnik. Диетолог Елена Кален тамактануу рационунан азайта турчу, ал тургай таптакыр эле чийип салчу тамак-ашты санап бергенин РИА Новости жазды.

Адистин айтымында, биринчи кезекте конфет менен таттуу суусундуктан баш тартуу кажет. Булар ашыкча салмакка, семирүүгө алып келип, канда канттын деңгээлин көбөйтүшү ыктымал.

Жыйынтыгында адам кант диабетине чалдыгышы толук мүмкүн. Ошондой эле таттууну көп жегенде боор жакшы иштебей, тери бузулат.

Организмди талкалай турчу азыктардын катарына эт дагы кирген. Адистин айтымында, эт белоктун булагы болгону менен аны көп жегенде ашказанга күч келип, аталган органдын иштөөсү начарлайт.

Диетолог ичимдикти да тизмеден чийип салууну сунуштаган.

"Ичимдик ичкен адам тез карып, боор, кан тамыр ооруларына чалдыгат. Ичимдик кант диабети, гипертония жана панкреатит илдеттеринин өрчүү тоболкелчилигин жогорулатат", — деген Кален.

Адис кофени көп ичүү да организмди буза турганын айткан. Көпчүлүктүн сүйүктүү суусундугу кан басымды көбөйтүп, жүрөктүн тез согуусун шартташы ыктымал.

Белгилер:
алдын алуу, дарт, суусундук, азык-түлүк, организм, диетолог
Тема боюнча
Вирусту жолотпойт! С витаминине бай алты азык аталды
Эксперт: туура тамактанган баланын ийгиликке жетүү мүмкүнчүлүгү жогору болот
Төрага Талант Мамытов баштаган Жогорку Кеңештин делегациясы Санкт-Петербург шаарында жашаган мекендештер менен жолугушту

Мамытов Санкт-Петербургда мекендештер менен жолукту. Көтөрүлгөн маселелер

Жолугушууга депутаттар Каныбек Иманалиев, Айнуру Алтыбаева жана Жогорку Кеңештин Парламенттик ассамблеядагы өкүлү Нурбек Сатвалдиев катышты.

БИШКЕК, 19-апр. — Sputnik. Төрага Талант Мамытов баштаган Жогорку Кеңештин делегациясы Санкт-Петербург шаарында жашаган мекендештер менен жолугушту. Бул туурасында парламенттин маалымат кызматы билдирди.

  • Встреча торага Жогорку Кенеша Таланта Мамытова с соотечественниками в Санкт-Петербурге
    Төрага Талант Мамытов баштаган Жогорку Кеңештин делегациясы Санкт-Петербург шаарында жашаган мекендештер менен жолугушту
    © Фото / пресс-служба ЖК
  • Торага Жогорку Кенеша Талант Мамытов во время встречи с соотечественниками, проживающими в городе Санкт-Петербург в рамках рабочего визита в РФ
    Жолугушууга депутаттар Каныбек Иманалиев, Айнуру Алтыбаева, ЖКнын КМШ Парламенттер аралык ассамблеясындагы жана ЖККУнун Парламенттик ассамблеясындагы ыйгарым укуктуу өкүлү Нурбек Сатвалдиев катышты
    © Фото / пресс-служба ЖК
  • Торага Жогорку Кенеша Талант Мамытов во время встречи с соотечественниками, проживающими в городе Санкт-Петербург в рамках рабочего визита в РФ
    Мамытов парламенттер аралык ассамблеянын отурумдарында Россиядагы эмгек мигранттарынын турмушун жакшыртуу багытында кабыл алынуучу чараларга өзгөчө көңүл бурулганын белгилеген.
    © Фото / пресс-служба ЖК
1 / 3
© Фото / пресс-служба ЖК
Төрага Талант Мамытов баштаган Жогорку Кеңештин делегациясы Санкт-Петербург шаарында жашаган мекендештер менен жолугушту

Жолугушууга депутаттар Каныбек Иманалиев, Айнуру Алтыбаева, ЖКнын КМШ Парламенттер аралык ассамблеясындагы жана ЖККУнун Парламенттик ассамблеясындагы ыйгарым укуктуу өкүлү Нурбек Сатвалдиев катышты.

Мамытов парламенттер аралык ассамблеянын отурумдарында Россиядагы эмгек мигранттарынын турмушун жакшыртуу багытында кабыл алынуучу чараларга өзгөчө көңүл бурулганын белгилеген.

"Төрага каза болгондордун сөөгүн Россиядан Кыргызстанга жеткирүүдөгү кыйынчылыктар, эки өлкө ортосундагы авиабилеттердин кымбаттыгы, "Мекен-карт" системасын киргизүү тууралуу суроолорго жооп берди. Ошондой эле Санкт-Петербургдагы Чыңгыз Айтматов атындагы эс алуу жайын өнүктүрүү, Башкы консулдук ачуу, эмгек мигранттарынын үй-бүлө мүчөлөрүн Милдеттүү медициналык камсыздандыруудан өткөрүү жана билим берүү тармагын жакшыртуу сыяктуу маселелер көтөрүлдү", — деп айтылат маалыматта.

Жолугушуу баарлашуу форматында уланып, катышуучулар мигранттардын жашоо шартын жакшыртуу боюнча пикирлерин ортого салган.

Белгилей кетсек, Талант Мамытов Санкт-Петербугда өткөн КМШнын Парламенттер аралык ассамблеясынын (ПАА) жазгы сессиясына катышты.

Белгилер:
жолугушуу, мигранттар, жыйын, Санкт-Петербург
Тема боюнча
Мамытов КМШ парламенттерин коркунучтарга каршы биргеликте күрөшүүгө чакырды
Жеңилдиктердин мөөнөтү бүттү. Россиядагы элчилик эмгек мигранттарына кайрылды