Бишкекте технология, инженерия тармагындагы аялдардын форуму өтөт

© Sputnik / Жоомарт УраимовРабота за компьютером
Работа за компьютером - Sputnik Кыргызстан
Жазылуу
Форумдун жүрүшүндө "Кыргызстандын илимдеги жана техникадагы айымдары" китебинин бет ачары болот.

БИШКЕК, 4-июн. — Sputnik. Бүгүн борбор калаада "STEM тармагындагы аялдар — келечектеги Кыргызстандын образы" аттуу форуму өтөт. Бул туурасында "Роза Отунбаеванын демилгеси" эл аралык коомдук фондусунан кабарлашты.

Форумдун жүрүшүндө "Кыргызстандын илимдеги жана техникадагы айымдары" китебинин бет ачары болот.

Программист Айнура Сагын кызы - Sputnik Кыргызстан
Радио
Программист: бир-эки күндө мобилдик тиркеменин прототибин даярдаса болот
STEM (табигый илимдер, технология, инженерия жана математика) тармагы боюнча акыркы учурда кыргызстандык адис кыз-келиндер чогулуп, топ түзгөн. Алар тармакты алдыга жылдыруу, тажрыйба алмашуу боюнча иш-чараларды өткөрүп жүрөт.

Исхак Раззаков атындагы Кыргыз мамлекеттик техникалык университетинде болчу форумга Кыргызстандын STEM чөйрөсүндөгү көрүнүктүү илимпоз айымдары, республиканын ЖОЖдорунун жетекчилери катышат. Андан сырткары, мамлекеттик мекемелердин, бизнес-сектордун, робот техникасы жана программа түзүү боюнча уюмдардын өкүлдөрү, студенттер, аталган тармактын мүчөлөрү катышмакчы.

Отунбаеванын ишке ашырып жаткан "STEM тармагындагы айымдардын мүмкүнчүлүктөрүн кеңейтүү жана ролун жогорулатуу" долбоорунун жыйынтыгы чыгарылат.

Жаңылыктар түрмөгү
0