Намаз кылуу. Архивдик сүрөт

Мал союлбайт! Орозо айтты туура өткөрүүнүн жол-жобосу

9347
(жаңыланган 11:38 04.06.2019)
Быйыл Рамазан айы 4-июнда аяктап, Орозо айт 5-июнда боло тургандыгы кабарланды.

Кыргызстан дин башкармалыгынын фатва бөлүмүнүн башчысы Равшан Эратов Орозо айтты туура өткөрүүнүн жол-жобосу тууралуу айтып берди.

Айт намазга келген мусулмандар. Архивдик сүрөт
© Sputnik / Табылды Кадырбеков
Аялдарды үй жумушунан бошотуу керек. Орозо айт — мусулмандардын майрамы. Бул күнү ар бир мусулман жуунуп-тазаланып, дасторконун колунан келишинче жайып, жакшы маанайда өткөрүшү керек. Тууган, кошуна, дос-тааныштарыныкына барып, мүмкүнчүлүгү болсо белек берсе андан жакшы. Бул күнү аялдарды үй жумушунан бошотуп, үй-бүлө мүчөлөрү чогуу майрамдаганы оң.

Бош болгонго аракет кылгыла! Бул күнү башка жумуштарды кое туруп жакындар менен айтташ керек. Эркектер эртең менен айт намазына барып, эки рекет намаз окуп, андан соң майрамдашат. Айт намазга бара жатканда ооз ачылды деген таризде оозго таттуу бир нерсе салып алса болот.

Кечирим сурашкыла! Араздашып кеткен тууган, теңтуш же башка адамдар болсо, Орозо айтта кечирим сураса сообу көбүрөөк тиет.

Орозо айттын Курман айттан айырмасы. Орозо айтка караганда Курман айт ири майрам болуп эсептелет. Анткени Орозо айт бир эле күн, Курман айт 30 күн белгиленет. Бул айт орозонун аякташы, ооз ачкандын майрамы болсо, Курман айтта курмандык чалынат.

Орозо айтта мал союлбайт. Мал Курман айтта союлат. Атайын кой, уй же эчки курмандыкка чалынып, өтүп кеткендерге куран окулат. Ал эми Орозо айтта мал союу шарт эмес. Көзү өтүп кеткендерге арнап куран окутса болот, бирок муну менен гана чектелип калбастан айтташ керек.

Ичимдик ичилип, шаан-шөкөт кылган болбойт. Орозо айтты аша чаап шаан-шөкөткө айлантпаш керек. Бул күнү ичимдик ичүүгө, бирөө менен араздашууга жана жаман сөздөрдү айтууга тыюу салынат.

9347
Белгилер:
майрам, орозо айт
Тема:
Орозо – 2019 (31)
Тема боюнча
Битир-садаганы мечиттен сырткары кайда берсе болот? Муфтияттан жооп
Эргешов: орозо учурунда түкүрүүгө, шилекей жутканга, тиш жулдурууга болот
Монеты Национального банка Кыргызской Республики на столе

Улуттук банк медиктер менен ыктыярчыларга арналган монетаны жүгүртүүгө чыгарды

0
Улуттук банк "Көз карандысыз мамлекеттердин шериктештигине 30 жыл" жана "Өмүр сакчыларына таазим" деген тыйындарды чыгарды.

БИШКЕК, 1-дек. — Sputnik. Бүгүндөн тарта Улуттук банк эки коллекциялык монетаны жүгүртүүгө киргизди.

"1-декабрда "Көз карандысыз мамлекеттердин шериктештигине 30 жыл" аталышындагы күмүш монета менен, саламаттык сактоо тармагынын кызматкерлерине, укук коргоо органдарына, ыктыярчыларга жана башка бардык COVID-19га каршы күрөшкөндөргө ыраазычылык иретинде "Өмүр сакчыларына таазим" тыйыны чыгарылды", — деп айтылат маалыматта.

Монеталардын сүрөттөлүшү

КМШнын эмблемасы "Көз карандысыз мамлекеттердин шериктештигине 30 жыл" коллекциялык күмүш монетасынын алдыңкы бетинин негизги сюжети болуп эсептелет. Монетанын төмөн жагында номиналы "10 сом" көрсөтүлгөн. "Көз карандысыз мамлекеттердин шериктештигине 30 жыл / Содружеству Независимых Государств – 30 лет" деген жазуу монетанын четине тегерете жайгаштырылган.

© Фото / пресс-служба НБКР
КМШнын эмблемасы "Көз карандысыз мамлекеттердин шериктештигине 30 жыл" коллекциялык күмүш монетасынын алдыңкы бетинин негизги сюжети болуп эсептелет

Тыйындын арткы бетинин негизги сюжети катары кызматташуу, өз ара иш алып баруу жана өнүгүү жолдорунун символу катары чиеленген сызыктардын сүрөтү берилген. Монетанын борборунда Кыргызстандын герби түшүрүлгөн. Төмөн жагында металлдын сапат белгиси (Ag 925), салмагы (28,28 g) жана чыгарылган жылы (2021) көрсөтүлгөн. "Кыргыз Республикасынын Улуттук банкы/Национальный банк Кыргызской Республики" деген жазуу монетанын четине тегерете жайгаштырылган.

© Фото / пресс-служба НБКР
Тыйындын арткы бетинин негизги сюжети катары кызматташуу, өз ара иш алып баруу жана өнүгүү жолдорунун символу катары чиеленген сызыктардын сүрөтү берилген

"Өмүр сакчыларына таазим!" коллекциялык жез-никель монетасынын алдыңкы бетинин негизги сюжети катары коронавирус инфекциясынын пандемиясын жеңүү үчүн өз жанын аябастан эмгектенген ар кандай кесиптин ээлери менен ыктыярчылардын өкүлдөрүнүн элестери берилген. Монетанын жогору жагында табияттын ойгонуп келе жаткандыгын көрсөткөн таңкы шүүдүрүм менен жаңы жашоону түшүндүргөн таңдын жаңыдан атышын элестеткен абстрактуу сүрөт чагылдырылган. "Өмүр сакчыларына таазим! / Спасибо за жизнь!" деген жазуу тыйындын четине тегерете жайгаштырылган. Төмөн жагында номиналы "1 с" көрсөтүлгөн.

© Фото / пресс-служба НБКР
Коллекционные монеты НБКР

Жаратылыш мыйзамы менен адам өмүрү бир бүтүн жашоо булагы экендигин билдирген, адамдардын биримдигин өсүп турган дарак катары чагылдырган сүрөт монетанын арткы бетинин негизги сюжети болуп саналат. Тыйындын борборунда Кыргызстандын герби түшүрүлгөн. "Кыргыз Республикасынын Улуттук банкы / Национальный банк Кыргызской Республики" деген жазуу монетанын четине тегерете жайгаштырылган. Төмөн жагында чыгарылган жылы (2021) көрсөтүлгөн.

© Фото / пресс-служба НБКР
Коллекционные монеты НБКР

Коллекциялык монеталарды Улуттук банктын мекемелеринин кассаларынан иш күндөрү эртең мененки саат 9:00дөн түшкү 15:00гө чейин жана www.numizmat.nbkr.kg веб-сайтынан алууга болот.

0
Белгилер:
Кыргызстан, Улуттук банк, монета, ыктыярчылар, дарыгер, КМШ
Саламаттык сактоо министрлигинин штаттан тышкаркы башкы фармакологу Жылдыз Жумагулова

Жумагулова: онкологияга чалдыккандарга кан тапшырып жардам кылса болот