Нигматулин менен Турсунбаеванын "кырчын өмүрү, кыйылган сүйүүсү". Таберик сүрөт

3130
(жаңыланган 13:01 07.06.2019)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.
Белгилүү киноактер Талгат Нигматулин менен актриса Таттыбүбү Турсунбаеванын сүрөтү 1981-жылы Фрунзе (азыркы Бишкек) шаарында тартылган
© Фото / Александр Федоров

Белгилүү киноактер Талгат Нигматулин менен актриса Таттыбүбү Турсунбаеванын сүрөтү 1981-жылы Фрунзе (азыркы Бишкек) шаарында тартылган.

Ал жылы режиссер Мелис Убукеев "Кырчын өмүр, кыйылган сүйүү" тасмасын тарта баштаган.

Сүрөттүн автору Александр Федоровдун айтымында, чыгармачыл инсандар ал киного актерлорду тандап жатканда (кинопроба) тартылган.

Нигматулин менен Турсунбаеванын ошол кездеги ишмердүүлүгүн режиссер Болот Шамшиев мындайча эскерет.

"Мелис Убукеевдин тасмасы тартылгандан кийин мага Талгат өзү келип "Бөрү зынданга" тартылууну суранган. Башкы ролду берип чогуу иштешип калганбыз. Ошол аткарган образынан кийин ал атак-даңкка жеткен. Таланттуу актер бир сектанын курмандыгына айланып эрте кайтыш болду. Ал эми Таттыбүбү Турсунбаева да кайталангыс талант эле. Азыркыга чейин аныкындай сулуулугу менен таланты айкалышкан актриса жарала элек. Чыныгы элдин сүймөнчүлүгү болгон Таттыбүбү чыгармачылыгы оргуштап турган кезинде бул дүйнө менен кош айтышты. Мен режиссер катары экөө менен тең иштешип калдым. Биз чындыгында Турсунбаева жөнүндө татыктуу тасма тарта албай жатабыз", — деди Шамшиев.

Сүйүү, жагынуу, адамдардын тагдырын чагылдырган тасма тартылып жаткан маалда Нигматулин 32, Турсунбаева 37 жашта болгон.

3130
Белгилер:
таберик сүрөт, тасма, Таттыбүбү Турсунбаева, Кыргызстан
Тема:
"Таберик сүрөт" — сейрек кездешкен ирмемдер (107)
Тема боюнча
Усубалиевдин 70 жылдыгына барган Айтматов. Таберик сүрөт
Тешилбеген кулакка сөйкө тагып... "Көчөдөгү" таберик сүрөт
Бишкек шаары. Архив

Жекшембиге карата аба ырайы

8
(жаңыланган 21:03 04.07.2020)
Түнкүсүн Чүй облусунун тоолуу райондорунда өткүн өтүп, күн күркүрөп, бийик тоолуу райондордо кар жаайт. Калган аймактарда жаан-чачын болбойт.

БИШКЕК, 4-июл. — Sputnik. Эртең күндүз республика боюнча көпчүлүк аймактарда жамгыр жаап, бийик тоолуу райондорго кар түшүшү күтүлөт. Бул тууралуу Кыргызгидромет билдирди.

Абанын температурасы Чүйдө +24...+29, Талас жергесинде +23...+28, Ош, Жалал-Абад жана Баткен облустарында +30...+35, Ысык-Көл, Нарын аймактарында +22...+27 градус жылуу болот.

Борбор калаада күндүн табы +27...+29, Ошто +33...+35, Чолпон-Атада +22...+24 градус болору маалымдалды.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

8
Белгилер:
аба ырайы, Кыргызстан
Тема боюнча
Жаанчыл болот. Бир жумага карата аба ырайы
Аэропорттогу дарыгерлер. Архив

Мекенге жардамга баратабыз! Эртең Россиядан биздин медиктер учуп келет

40
(жаңыланган 21:12 04.07.2020)
Дарыгерлер мурдараак кыргызстандыктарга жардам бериш үчүн дары-дармекке жана меджабдууларга каражат чогултууга чакырык таштаган.

БИШКЕК, 4-июл. — Sputnik. Эртең, 5-июлда, мекенине жардам бериш үчүн Бишкекке Россияда иштеп жүргөн кыргызстандык дарыгерлер учуп келет. Бул тууралуу Sputnik Кыргызстан агенттигине алардын бири Нурлис Токебаев билдирди.

Токебаев медицина кызматкерлеринин Кыргызстанда жетишсиз болуп жаткандыгын көргөндөн кийин жардам берүү үчүн келүүнү чечишкендигин айтып берди. Аны менен катар эле Россияда атайын акция жарыяланып, 2 миллион рубль акча чогултулган.

Өзбекстан Кыргызстанга учак менен 8 тонна гуманитардык жардам алып келди. Сүрөт

"Аларды жөнөкөй мигранттар: таксисттер, ашпозчулар, базарда соода кылгандар чогултту. Бул акчага канча экенин билбейм, бирок кычкылтек концентраттары, коронавирусту дарылоодо пайдаланыла турган препараттар алынды", — деди Токебаев.

Анын айтымында, кыргызстандыктардын бири ИВЛ аппаратын сатып берди. Аны бир аптадан соң, кийинки каттам менен алып келишет.

"Бүгүн саат 1:00дө элчиликтин алдына чогулуп, андан ары аэропортко жөнөйбүз. Бара тургандар 30га чукул дарыгерлер менен медайымдар. Демилгени Facebook тармагында көтөрүп чыктык, бизди бийлик колдоду", — деп кошумчалады ал.

Боронов: Россияда иштеген кыргыз дарыгерлер жардамга даяр, учак менен алып келебиз

Өлкө боюнча COVID илештирип алгандардын жалпы саны 7094. Анын 2714ү айыгып, тилекке каршы, 78 киши көз жумду.

Коронавирустун кесепетинен келип чыккан пневмония оорусуна март айынан бери 3009 адам чалдыкты. Бүгүнкү күндө анын 736сы айыгып чыкты. Ал эми 496 адамдын абалы оор, 153 бейтап жандандыруу бөлүмүндө жатат.

Өлкө аймагындагы соңку кабарлар менен биздин Telegram-каналдан таанышып туруңуз.

40
Белгилер:
Кыргызстан, жардам, мекен, дарыгерлер, Россия
Тема:
Коронавируска байланыштуу Кыргызстандагы кырдаал
Тема боюнча
Өкмөт ыктыярчы медиктер кайрыла турган номерлерди жарыялады
Имарат берип, жабдуу таап, медик чогултуп... Эл ооруга каршы бир муштумга түйүлгөндө