Балыкчыда жүк ташып иштеген 50дөй киши тынчтык митингине чыгышты

Балыкчыда жүк ташуучу унаа ээлери митингге чыгышты. Талаптары

493
(жаңыланган 19:39 07.06.2019)
Жүк ташыган айдоочулардын 10-15 күндөн бери чек арада суу, даараткана, тамак-аштан кыйналып жатканы айтылды.

БАЛЫКЧЫ, 7-июн. — Sputnik. Балыкчыда жүк ташып иштеген 50дөй киши тынчтык митингине чыгышты. Бул тууралуу Sputnik агенттигинин аймактык кабарчысы билдирди.

  • Митинг водителей фур в городе Балыкчи
    Балыкчыда жүк ташып иштеген 50дөй киши тынчтык митингине чыгышты
    © Sputnik
  • Митинг водителей фур в городе Балыкчи
    Айдоочулар казак жана кытай чек араларынан жүк ташып келүүгө тоскоолдуктар жаралып жатканын билдирип, нааразы болушууда
    © Sputnik
  • Митинг водителей фур в городе Балыкчи
    Жүк ташуучулар коомунун төрагасы Таалайбек Сугатчиев билдиргендей, чек арадан товар келбей жатканына эки айга чукулдап калды. Анын кесепетинен насыя алып оокат кылгандар кыйналууда.
    © Sputnik
1 / 3
© Sputnik
Балыкчыда жүк ташып иштеген 50дөй киши тынчтык митингине чыгышты

Анын айтымында, айдоочулар казак жана кытай чек араларынан жүк ташып келүүгө тоскоолдуктар жаралып жатканын билдирип, нааразы болушууда.

Жүк ташуучулар коомунун төрагасы Таалайбек Сугатчиев билдиргендей, чек арадан товар келбей жатканына эки айга чукулдап калды. Анын кесепетинен насыя алып оокат кылгандар кыйналууда.

"Түндүк аймактар боюнча чек арада алды 15-20 жыл, аркасы 5-10 жылдан бери эки миңдей адам иштейт. Акыркы күндөрү азык-түлүктөн башка тиричиликке керектүү товарларды алып келе албай жатабыз. Себеби кытай жана казак чек араларындагы текшерүүлөр катаалдады. Мурда тийиштүү кагаздар менен алып өтүп кетсек, азыр товардын ар бирин бирден текшерип жатышат. Мындан улам товарды түшүрүп кайра унаага жүктөгөн жумушчуларды алууга туура келүүдө. Бул кошумча чыгым. Мындан сырткары, текшерүүлөр 10-15 күнгө чейин созулуп кетип жатат", — деди Сугатчиев.

Ал ошондой эле жүк ташыган айдоочулар 10-15 күндөн бери чек арада суу, даараткана, тамак-аштан кыйналып жатканын билдирип, маселе чечилбесе Ак үйдүн алдына унааларды тизип митингге чыгышарын кошумчалады.

Ал эми эл менен жолуккан өкмөттүн Ысык-Көл облусундагы өкүлү Акылбек Осмоналиев маселени чечүү үчүн премьер-министр Мухаммедкалый Абылгазиевге кат жолдонуп, аны менен жолугушууга шарт түзүлөрүн билдирген.

493
Белгилер:
Казакстан, Кытай, Митинг, жүк, Балыкчы
Тема боюнча
Өлкөгө мыйзамсыз товар ташыгандарды көргөндөр үчүн тынымсыз байланыш ишке кирди
Рулду кармаган айдоочу. Архивдик сүрөт

Бишкекте кафеге кирип кеткен жолтандабастын айдоочусу изделүүдө

24
(жаңыланган 23:50 07.07.2020)
Веселая жана Салиева көчөлөрүнүн кесилишинде жолтандабас кафенин ичине кирип кеткен видео жарыяланган.

БИШКЕК, 7-июл. — Sputnik. Борбор калаада дубалды сүзүп, кафеге кирип кеткен жолтандабастын айдоочусу изделүүдө. Бул тууралуу Милициянын кайгуул кызматынан кабарлашты.

Эске салсак, бүгүн саат 15:45терде Веселая жана Салиева көчөлөрүнүн кесилишинде автоунаа кафенин ичине кирип кеткен видео жарыяланган. Алдын ала маалымат боюнча, автоунааны кыз башкарып бараткан.

Ылдамдыгы жүрөк түшүрөт! Жалал-Абадда кафени күү менен келип сүзгөн жолтандабастын видеосу

"Кырсык катталган жерден автоунаа айдоочусу из жашырып кеткен. Буга байланыштуу милициянын кайгуул кызматынын өздүк курамына багыттама берилип, издөө бөлүмүнө айдоочуну табуу тапшырылды", — деп айтылат билдирүүдө.

Кайгуул кызматы из жашырып кеткен айдоочу жоопкерчиликке тартыларын эскертти.

24
Белгилер:
кырсык, милиция, издөө, айдоочу, кафе, Бишкек
Тема боюнча
Бишкекте жөө адамды автоунаа коюп кетип, каза болуп калды
Комада жаткан ырчы Асел Кадырбекова көзүн ачып, эсине келе баштады
Ош аэропорту. Архивдик сүрөт

Ошко Новосибирскиден 173 кыргызстандык учуп келди

12
Министрлик буга чейин дүйнөнүн 57 өлкөсүндөгү кыргызстандыктардан мекенге кайтууга көмөк көрсөтүү өтүнүчү түшкөнүн айткан.

БИШКЕК, 7-июл. — Sputnik. Бүгүн Ошко Новосибирскиден "Сибирь" авиакомпаниясынын борту менен 173 кыргызстандык жаран учуп келди. Алардын арасында кичинекей балдар да бар экенин Тышкы иштер министрлиги билдирди.

Жүргүнчүлөрдүн тизмеси Кыргызстанга кайтуусу зарыл болгондордун берген арызынын негизинде түзүлгөн. Алардын катарында ай-күнүнө жетип калган кош бойлуу келиндер, жаш баласы бар аялдар, кары-картаңдар, операция болгондор жана студенттер бар.

ТИМ: мекенге кайтууну көздөп 57 өлкөдөн КР жарандары кайрылды

Тышкы иштер министрлиги чет жактагы кыргызстандыктарды кайтаруу боюнча аракеттер улана турганын белгиледи.

12
Белгилер:
тизме, мекен, учак, Новосибирск, Ош
Тема боюнча
Ошко Москва шаарынан 148 кыргызстандык учуп келди
Мекенге жардамга баратабыз! Эртең Россиядан биздин медиктер учуп келет
Москвадан Ошко 326 кыргызстандык учуп келди