22 жаштагы Акылай Батырбекова Кыргызстандын жаштарынын атынан Бириккен Улуттар Уюмунун отурумуна катышат

4 тил билгениме сыймыктанбайм деле. КРдин атынан БУУга бараткан Батырбекова менен маек

5795
(жаңыланган 11:48 10.06.2019)
Быйыл 22 жаштагы Акылай Батырбекова Кыргызстандын жаштарынын атынан Бириккен Улуттар Уюмунун отурумуна катышат. Төрт тилде эркин сүйлөгөн студент кыз азыр Москва мамлекеттик эл аралык мамилелер институтунда магистратурада билим алып келет.

Sputnik Кыргызстан агенттиги өлкө атынан бара турган ал өкүл кандай маселелерди көтөрө тургандыгына кызыгып, маек курду.

— Кыргызстандын жаштарынын атынан Бириккен Улуттар Уюмуна өкүл болуп барганы жатыпсыз. Ага сынак менен тандалган турбайсызбы? Кандай сезим болду?

— Сынактын жыйынтыгын өтө кубануу менен кабыл алдым. Анткени Кыргызстандын атынан Нью-Йорк шаарындагы Бириккен Улуттар Уюмунун Башкы ассамблеясынын отурумуна барам. Мен ага чейин БУУнун башка моделдерине катышып келгем. Ал иш-чараларга салыштырмалуу мындай мүмкүнчүлүк мен үчүн чоң кубаныч жана сыймык.

— Ал жактан сиз доклад окуп, Кыргызстандын атынан сүйлөйсүз. Даярдыктар кандай болуп жатат?

— Акырындап даярданып, керектүү маалыматтарды чогулта баштадым. 

Студентка Акылай Батырбекова, которая будет представлять Кыргызстан на сессии ООН
© Фото / предоставлено Акылай Батырбековой
Бир нече тилде эркин сүйлөгөн студент Акылай Батырбекова азыр Москва мамлекеттик эл аралык мамилелер институтунда магистратурада билим алып келет

— Эмне жөнүндө кеп козгоюн деп жатасыз?

— Албетте, ар бир катышуучу өз өлкөсүнүн атынан барат. Ар бири өзүнүн жаштарга, билим берүүсүнө байланыштуу көйгөйлөрүн айтат. Мен ага биринчи жолу катышып жаткандыктан башкалардын билдирүүлөрүн тыңдайм. Анан сөзсүз жаштардын өкүлү болуп катышып жаткандыктан кыргызстандык жаштардын көйгөйлөрү, аларды чечүү жолдору жөнүндө сөз кылам. Канткенде келечек муун өз максаттарына жетип, кантип мамлекетти жакшы жагына өзгөртө алат деген маселелерге басым жасайм.

— Сиз буга чейин эле бир топ эл аралык конференцияларга катышып калган экенсиз.  Америка, Швеция, Швецарияга чейин барыптырсыз...

— Окуудан сырткары эл аралык иш-чараларга колдон келишинче катышууга аракет кылам. Кээде мени чакырса, дагы бирин өзүм таап өтүнмө жиберем. Болушунча активдүү болууга аракет кылам.

— БУУнун отурумуна барууда каржы маселеси кандай чечилет экен?

— Негизи Жаштар иши, дене тарбия жана спорт агенттиги донор издөөгө көмөктөшөт. Бирок азырынча ал маселе так белгисиз. Кыргызстандын атынан барып жаткандыктан мамлекеттик органдар жардам берет деп ойлойм.

— Азыркы билим алып жаткан жериңиз жөнүндө сөз кылалы. Москва мамлекеттик эл аралык мамилелер институтуна кантип өтүп кеттиңиз эле? Көптөр ал ЖОЖдо байдын уул-кыздары гана окушат деп ойлошот...

— Чындыгында Москва мамлекеттик эл аралык мамилелер институту престиждүү окуу жайлардын бири жана ага өтүү оңой эмес. Азыр эл аралык финансылык укук адистиги боюнча магистратураны окуп жатам. Ага чейин ошол эле ЖОЖдо эл аралык экономикалык мамиле багыты боюнча бакалавриатты аяктагам. Ар жыл сайын Россия Федерациясы алты квоталык орунду Кыргызстандын жарандары үчүн берет. Мен Бишкекте ошол орундарга жарыяланган сынакка катышып, ийгиликтүү тапшырып өтүп кеткем. Ата-энем анчалык деле бай адамдар эмес, орто жашашат. 

Студентка Акылай Батырбекова, которая будет представлять Кыргызстан на сессии ООН
© Фото / предоставлено Акылай Батырбековой
"Бишкекте жарыяланган сынакка катышып, азыркы окуу жайга өтүп кеткем. Ата-энем анчалык деле бай адамдар эмес, орто жашайт", — деди Акылай Батырбекова.

— Үч чет тилде эркин сүйлөйт экенсиз, ушул деңгээлге кантип жеттиңиз?

— Түрк тилин түрк лицейде окуп жүргөндө, англис тилин мектепте, кийин жогорку окуу жайда үйрөнгөм. Немис тилин Москва мамлекеттик эл аралык мамилелер институтунда жүргөндө тандагам.

— Чет тилдерде эркин сүйлөп, учурда дүйнөдөгү күчтүү жогорку окуу жайлардын биринде билим алып жатасыз. Студенттер менен мектеп бүтүрүүчүлөрүнө кандай кеңеш бересиз?

— Менимче, азыр үч-төрт чет тилде эркин сүйлөйм деп мактанып, кыйын боло албайсың. Студенттер, бүтүрүүчүлөр, чет тилдерге катуу басым жасап үйрөнгүлө. Анткени азыр жер бетинде ааламдашуу болуп өлкөлөр бири-бири менен тыгыз байланышта. Менин оюмча, чет тилдерди билүү адамдын өсүп-өнүгүүсүнө өтө чоң таасир этет. Анан ар тараптан алдыга жылып, туура максат коюп ага жете билүү абзел. Жашоодо ар бир адам жаңылат, кыйынчылыктарга учурайт. Ошол тоскоолдуктарда токтоп калбай, талыкпай эмгектенип, көп китеп окуу керек.

— Окууну аяктагандан кийин Кыргызстанга эле кайтып келип иштейсизби?

— Кыргызстанга кайтууга болгон аракетимди жумшап, чет жакта топтогон билимимди өз өлкөмдө колдонгум келет. Буюрса, мамлекетибиздин өнүгүүсүнө өз салымымды кошом.

5795
Белгилер:
маек, жаштар, БУУ, Кыргызстан
Тема боюнча
Миллиондор айланган бизнес түптөдүм. Сейрек кесип ээси Бактыгүлдүн ийгилиги
Жаңы нерсе үйрөнбөсөң ишсиз каласың! Кувейттеги кыргыз режиссёру менен маек
Газ өндүрүү. Архивдик сүрөт

Атаандаштыкка чыдабай... Европа менен Азия АКШнын суюлтулган газынан баш тартууда

152
(жаңыланган 21:50 09.07.2020)
Европа жана Азияда көгүлтүр оттун баасы көп жылдык төмөнкү чекке жетти. Ушул тапта америкалык суюлтулган газды сатып алуу кажетсиз. Ал түгүл муну АКШнын Энергетика министрлиги да моюнга алды.

Кардарлар бул жайга пландалган жүздөн ашуун газ ташуудан баш тартты. Натыйжада экспорт 63,6 пайызга кулады. Эмнеге океан ар жагындагы газдын эч кимге кереги жок болуп калышынын себебин биздин өнөктөш – РИА Новости агенттиги тактап көргөн.

Баа түштү

Былтыр АКШда жаратылыш газынын нетто-экспорту 54,7 миллиард куб метрге жеткен, бул 2018-жылдагыга караганда 20,7 миллиардга көбүрөөк. Эң ири суюлтулган газ өндүрүүчү Cheniere Energy компаниясынын маалыматына таянсак, биринчи кварталда дүйнөлүк рыноктогу соода көлөмү 100 миллион тоннага чыккан, бул 2019-жылга салыштырмалуу он миллион тоннага көп. Мындай өсүштү негизинен америкалыктар камсыз кылган.

Пландар да абдан дымактуу эле: 2020-жылы — 67,2 миллиард кубометр, 2021-жылы — 79,5... Мындай көрсөткүчтөрдү АКШнын Энергетика министрлигинин Энергетикалык маалымат башкармалыгы (EIA) жар салган. Бирок алар болжогондой болбой турганы анык болуп калбадыбы.

Жаңы кооптуулук: Катар газ "согушуна" кирүүгө ниеттенип жатат

Кыштын жылуу болуп калышынан улам сунуштун көп болушу, коронавирус пандемиясынын айынан суроо-талаптын чектелиши Европа жана Азиянын газ рыногун кыйратты. Ошентип, Европадагы TTF голландиялык хабында жылдын биринчи төрт айындагы орточо баа былтыркы жылдын ушул маалына караганда эки эсе ылдыйлады. Японияга споттук ташуулар 44 пайызга кыскарган.

Апрелде эле америкалык суюлтулган газдын Европага экспорттолушу экономикалык жактан жөнсүз болуп калган. Ири европалык жана азиялык компаниялар июнь-июль айларына келишимдерин жокко чыгарган.

Bloomberg маалыматына таянсак, АКШда суюлтулган газ заводдорундагы жүктөө апрелде 30 пайызга азайган. Май айына карата экспорт үчтөн бирге кыскарган. Буга коронавирустан улам киргизилген чектөөлөр да себеп болгон.

Экономикалык жактан жөндөмсүз

АКШнын Энергетика министрлигинин Энергетикалык маалымат башкармалыгы (EIA) июндагы божомолу алда канча жагымсыз эле. Европалык жана азиялык сатып алуучулар суюлтулган газдын 110 партиясынан баш тарткан: июнь-июль айларына – 70, ал эми августта 40 партияны алышпайт.

Биринен сала бири банкрот болуп... АКШ сланец туңгуюгунан чыга албай калабы

Америкалык деңиз терминалына газ ташуу март айынын аягынан бери эки эсеге азайган, тагыраагы, суткасына 277 миллион кубометрлик рекорддук көрсөткүчкө түшкөн.

"Европа жана Азиядагы жаратылыш газына болгон төмөн споттук баа АКШдан экспорттоонун экономикалык жөндөмүн чабалдаткан. Ал мындай баага өтө сезимтал", — дейт EIA талдоочулары.

Алардын баамында, АКШдан июнда Европа жана Азияга суткасына орточо 101 миллион кубометр жөнөтүлгөн, ал эми бул жана келерки айда 62 миллион кубометрди түзөт. Бул экспорттук потенциалдын 25 пайызынан ашпайт.

Төмөндөй берет

Океан ар жагындагы газдан кардарлардын баш тартышы кеминде эле жайдын аягына чейин уланары, АКШдагы фьючерстик баалар Европадагыдан сентябрга дейре жогору кармалып турары боюнча серепчилердин божомолдору чын чыкты.

Ансыз да илең-салаң иштеп жаткан суюлтулган газ өндүрүүчү америкалык алты завод январь-апрель аралыгында, май айында кубаттуулугун 65 пайызга ылдыйлаткан. Platts Analytics өткөн айдагы түрмөгүндө июлдун башында 50% болорун жазган.

АКШнын Кытайга карата кытмыр планы: пандемиядан улам ачылган көшөгөлөр

"Анткени баа артыкчылыгы дээрлик жоголду, америкалык ташуулардан баш тартуу мезгилдин гана маселеси болгон", — дейт америкалык Стратегиялык жана эл аралык изилдөөлөр борборунун серепчиси Никос Цафос.

Улуттук энергетикалык коопсуздук фондунун улук талдоочусу Игорь Юшков түшүндүргөндөй, ушул тапта сатып алуучулар америкалык суюлтулган газга төлөп берчү баа суюлтуу жана жеткирүүгө сарпталган операциялык чыгымдарды да жаппайт.

Баарынан да америкалык тун жана ири Sabine Pass терминалы көп жабыркады, кубаттуулукту баа кымбат убакта сатып алышкан, ал эми ишке киргизилген 2016-жылы кырдаал өзгөрүп кеткен. Андан бери завод чыгым эле тартып келген.

Энергетика министрлигинин маалыматы боюнча, 2020-жылдын алгачкы төрт айында АКШдан суюлтулган газды экспорттоо орточо суткасына 218 миллион кубометрди түздү, бирок апрелден майга чейинки аралыкта 17%га кыскарды.

EIA башкармалыгындагылар сентябрда газ ташый башташат, себеби жаратылыш газына дүйнөлүк суроо-талап акырындап калыптанууда.

Рынокту газ "каптады"

Анткен менен ири инвестбанктардын жагдайы анчалык эмес. Аналитиктер көгүлтүр оттун кору дүйнөдө толуп калганын айтышат. Суюлтулган газдын эл аралык соодасы кыйрап, америкалык сланецчилердин бардык сатуу каналдарын бүтөп койду.

Мунайдын баррели кайра 40 долларга көтөрүлгөнү мунайчылар казууну кайра жандандырып, кыйыр өндүрүм катары рынокко арзан газды арбын чыгарууда.

"Баррели миң доллардан": америкалык план мунай рыногун "муңайтышы" ыктымал

Европадагы баанын төмөндөшүнөн улам BofA Securities аналитиктери белгилегендей, ага суроо-талап жок. Азыр аны сыртка сатуунун ордуна резервуар жана сактагычтарга кайра куюштуруп жатышат.

Goldman Sachs эсеби боюнча экспорттун жоюлушунан улам америкалык запас 21,52 миллиард кубометрге көбөйөт. Бир жыл мурун катталган деңгээлдин үчтөн бирине, беш жыл аралыгындагы орточо көрсөткүч 18 пайызга өскөн.

Октябрга карата аталган өлкөнүн газды сактоо шарты бүтөт, бул суюлтулган газды казуунун жана өндүрүүнүн кескин кыскарышына кептейт.

152
Белгилер:
божомол, соода, рынок, атаандаштык, Азия, Европа, АКШ, нефть, Мунай, газ
Тема боюнча
"Тезинен аткаруу зарыл": АКШ Россияны эмнеге жазалагысы бар?
Жамгырду аба-ырайы. Архивдик сүрөт

Жумага карата аба ырайы

75
(жаңыланган 21:02 09.07.2020)
10-июлда түнкүсүн тоолуу өрөөндөрдө жамгыр жаап, күн күркүрөп, бийик тоолуу райондордо кар жаайт, ал эми дыйканчылык аймактарда жаан-чачын күтүлбөйт.

БИШКЕК, 10-июл. — Sputnik. Жума күнү, 10-июлда, күндүз көпчүлүк аймактарда мезгил-мезгили менен жаан жаап, күн күркүрөп, бийик тоолуу райондордо кар жаайт. Бул тууралуу Кыргызгидромет билдирди.

Маалыматка ылайык, өлкөнүн кээ бир жерлеринде жаан-чачын катуу жаашы күтүлөт. Айрым аймактарда мөндүр жаай турганы айтылды. Ал эми батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Жамгыр, добул жана кар жаайт. Кыргызгидромет шашылыш билдирүү таратты

Абанын температурасы Чүйдө +26...+31, Талас аймагында +25...+30, Ош, Жалал-Абад, Баткен облустарында +28...+33, Ысык-Көлдө +21...+26 жана Нарын жергесинде +20...+25 градус болору болжолдонду.

Бишкек жана Ош шаарларында жамгыр жаап, күн күркүрөйт. Күндүн табы борборубуз Бишкекте +29...+31, Ошто +31...+33 градуска чейин көтөрүлсө, Чолпон-Атада термометрдин көрсөткүчү +21...+23 градуска жетет.

75
Белгилер:
Кыргызстан, аба ырайы
Тема боюнча
Алдыда аптаптуу ысык болбойбу? Бир жумага карата аба ырайы