Балык. Архив

Форель, судак, сом, карп... Балыктардын кыргызча аталышын билип алыңыз

6483
(жаңыланган 09:34 12.06.2019)
Дүйнө жүзүндө балыктын жүздөгөн түрү бар. Айрымдарын өз көзүбүз менен көрбөсөк дагы интернеттен же теледен кездештирип, бирок кыргызча аталышын так билбешибиз мүмкүн. Бул макаладан кийин ар бир балыктын атын жазып, сүрөтүн издесеңиз керек.

Sputnik Кыргызстан маалымат агенттиги "Тибиртке" рубрикасынын алкагында кээ бир балыктардын кыргызча аталышын тапканга аракет кылды.

Бул үчүн Константин Юдахиндин орусча-кыргызча сөздүгү жана Абдулхай Алдашевдин "Биология терминдеринин жана айбанат аттарынын орусча-кыргызча сөздүгү" китеби пайдаланылды.

Окунь — алабуга;

Форель — жилингир;

Комета — алтын балык;

Белуга — кертме;

Форелеокунь — жилингир алабугасы;

Флоридка — флорида каңылтыр сөрөйү;

Чебак — чабак;

Голец — ит чабак;

Долгопер — сүйрү канат балык;

Осман — көкчаар;

Клювач — куштумшук;

Сом — жаян балык;

Лосось — сом балык;

Минога — жылан балык;

Пелядь — момун балык;

Макрурус — субагай куйруктуу балык;

Судак — көксерке;

Горчак — ачуу каңылтыр;

Круглопер — тегерек канаттуу балык;

Летрин — чочкотумшук;

Гнюс — электрдүү көөкөрчөк балык;

Щука – чортон;

Желтопер — сары сүзгүч;

Карп, сазан — каңылтыр;

Лещ — тыран;

Глосса — Кара деңиз камбаласы;

Пескарь — итмурут;

Жерех — койбалык;

Толстолобик — макоо балык;

Брызгун — бүрккүч балык;

Ильная рыба — балчыкчыл балык;

Клыкач — азуучан балык;

Живоглот — сугалак;

Горбуша — бүкүр сом;

Карась — таманбалык;

Линь — кубулма;

Палтус — камбала;

Меч — селебе балык, селебе тумшук;

Голавль — дуңгул чабак;

Краснопер — кызыл канат;

Стерлядь — жоко;

Зубан — арсак тиш;

Веслонос — калак тумшук;

Сига — май канат.

6483
Белгилер:
кыргыз тили, балык, сөз, тибиртке
Тема:
Тибиртке — кыргызча туура сүйлөйбүз (75)
Тема боюнча
Эрешен, от май, мартуу, каркыт... Кепти байыткан бөтөнчө сөздөрдүн тизмеги
Көкүрөгүңүз абалкы кептерге чаңкап, сөзүңүз мокоп турабы? Архаизмдер топтому
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

52
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

52
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео