Дарыгерлер. Архивдик сүрөт

Дарынын жытын сагынам... Доктурлар кесибин эмнеге сүйөт

613
(жаңыланган 17:53 15.06.2019)
Ар бир адамдын жумушунда кетирбей, "кармап" турган нерсе болсо керек. Кээде ишиңден чарчап, басып кетип калгың келгенде ошол нерселер стимул бергендей болот.

Sputnik Кыргызстан маалымат агенттиги буга чейин кесип ээлеринин кыжырына тийген учурларды тизмектеп келген, эми, тескерисинче, иши эмнеси менен жагарын айтып берүүнү чечти.

Алгач миңдеген бейтаптардын илдетин дарылап, өмүр берген дарыгерлерди алдык. Материалды даярдоого бир нече ак халатчан үн кошту.

Кесипке болгон берилгендик

Башкаларды айта албайбыз, бирок дарыгерлик менен мугалимдик — ыйык кесип. Булар эзелтеден бери калыптанып, аны аркалагандарга өзгөчө мамиле кылышкан. Азыр да "жерде калбаган" иш деп баалашат. Дарыгерликти жөн жерден аркалап калуу мүмкүн эмес. Турмушта сөзсүз бир нерселер таасир этет. Жашыңда жакының ооруп, "кийин мен доктур болом" дейсиң, же кимдир бирөөнү көрүп шыктанасың дагы, көкүрөгүңдө кесипке болгон аруу сүйүү жаралат. Эгерде кокусунан же кимдир бирөөнүн сунушу менен тандап калсаңыз дагы кесип өзүнө арбап алат.

Бейтаптын сакайганы — бакыт

Күн сайын ишибизде көптөгөн адамды кабыл алып, оорусун аныктап, дарылап, дартына шыпаа болобуз. Биз үчүн бейтаптар үйүнө жакшынакай чыгып кетсе эле болду. Ыраазычылыгын айтып, бата берсе ого бетер сүйүнөсүң. Бейтаптардын ден соолугу калыбына келбесе, кошо кайгырабыз. Кээде көзгө жаш алган учурлар да болот.

Дарынын жытын сагынам...

Ак халат, чепчик, дары-дармек — ишибиздин ажырагыс бөлүгү. Азыр заман талабына ылайык, дарыгерлер түстүү формаларды деле кийип калышты. Анткен менен ар бир адамдын идеалында биз ак халатчанбыз. Жумушка киргенде аңкыган гүл сымал мурунга дарынын жыты урунат. Иштебей калганда дарынын жытын кадимкидей сагынабыз... Баса, дарыгерлер таза, тыкан келет. Бул да болсо иштин таасиринен деп ойлойбуз.

Бардык жерде доктурбуз

Дарыгер болгондон кийин ден соолугуңа кам көргөндү билесиң. Кээде "өтүкчүнүн өтүгү жок" дегендей, өзүбүз ооруп калган учурлар болот. Бейтапканада эле адамдарга жардам көрсөтпөстөн, тууган-туушкан, тааныш, кошуна-колоңдорду да карайбыз. Айрым учурда турмуштук себептерден бейтааныш адамдарга да жардам көрсөтүп калабыз. Керегиң жарап турганга эмне жетсин!

Тааныштар курчаганда

Дарыгер — коомдун кадыр-барктуу адамы. Иш менен жүрүп бир топ адам менен көрүшөсүң. Айрым бейтаптар көп кайрылгандыктан, тааныш деле болуп каласың. Кайсы жакка барба "биздин дарыгер" деп турушат. Көп жыл эмгектенип калган ак халатчандар коомдун сый-урматтуу адамына айланат.

613
Белгилер:
оору, бейтап, дарыгер, кесип
Тема боюнча
Мамакеев, Жумабеков эмне менен ооруйт? Атактуу дарыгерлердин эл билбеген дарты
Чаалыкпаган хирург 91 жашта! Күн сайын операция жасаган Мамакеев видеодо
Жансыз бейтапты кучактап ыйлап, кечирим сурадым... Хирургдун маеги
Жайлоодо мал кайтарып жүргөн киши. Архивдик сүрөт

Ишембиге карата аба ырайы

49
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

49
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

90
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

90
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды