Экс-президентти кылмыш жоопкерчилигине тартуу. Мыйзам эмне дейт?

Жазылуу
Атамбаевдин ТЭЦти модернизациялоодогу коррупцияга тиешеси болушу мүмкүн деген божомол айтылып, иш өзүнчө өндүрүшкө алынды. Sputnik Кыргызстан редакциясы экс-президентти кылмыш жоопкерчилигине тартуу тартибин эскертет.

БИШКЕК, 18-июн. — Sputnik. Кечээ, 17-июнда, Жогорку Кеңештин атайын комиссиясы Алмазбек Атамбаевди экс-президент макамынан жана кол тийбестиктен ажыратуу боюнча маселени карады. Комиссиянын төрагасы Каныбек Иманалиев Атамбаевдин тиешеси болушу ыктымал делген кылмыштарды тизмектеп берди.

Мурдагы вице-премьер-министр Шамил Атаханов. Архив - Sputnik Кыргызстан
ИИМ: Шамил Атаханов суракта Алмазбек Атамбаевге каршы көрсөтмө берди
УКМКдан билдиришкендей, ТЭЦти модернизациялоодогу коррупциялык иштерге Атамбаевдин тиешеси болушу мүмкүн деген божомол айтылып, өзүнчө өндүрүшкө алынган.

Sputnik Кыргызстан редакциясы экс-президентти кылмыш жоопкерчилигине тартуу тартибин эскертет.

"КР президентинин ишмердүүлүгүнүн кепилдиктери жөнүндө" мыйзамына ылайык, экс-президент кылмыш жоопкерчилигине аталган макамынан ажыратылгандан кийин гана тартылат. Төмөндө процедуранын ырааты келтирилди:

— экс-президент "экс" макамынан парламент тарабынан өтө оор кылмыш жасаганы тууралуу койгон айыбынын негизинде гана ажыратылат. Ал башкы прокурордун корутундусу менен бекитилиши керек;

— Жогорку Кеңештин экс-президентке айып тагуу чечими депутаттардын көпчүлүк добушу менен кабыл алынат. Мында айып тагуу демилгесин парламенттин атайын комиссиясынын корутундусунан кийин депутаттардын үчтөн бир бөлүгү көтөрүп чыгышы шарт;

— экс-президентти макамынан ажыратуу чечими депутаттардын үчтөн эки бөлүгү менен кабыл алынышы керек. Мында чечимди эл өкүлдөрү айып тагылгандан кийин үч айга чейинки убакытта чыгарышы кажет. Эгер өз маалында кабыл алынбаса, айып четке кагылат.

Жаңылыктар түрмөгү
0