Жалал-Абаддагы Курманбек баатыр атындагы кыргыз-түрк лицейинин бүтүрүүчүсү Элдияр Чормонов

ЖРТдан эң көп балл алган Элдияр: жарым жылдай телефон колдонгон жокмун

17044
(жаңыланган 10:27 19.06.2019)
Кечээ Жалпы республикалык тестирлөөнүн жыйынтыгы чыгып, эң жогорку баллды Жалал-Абаддагы Курманбек баатыр атындагы кыргыз-түрк лицейинин бүтүрүүчүсү Элдияр Чормонов алды. Ал 238 упай топтогон.

Sputnik Кыргызстан маалымат агенттиги ЖРТдан көп балл алган Элдияр Чормоновдун өзү менен байланышып, анын тестке кантип даярданганын жана кайсы жогорку окуу жайга тапшыра турганын сурады.

— Элдияр, кандай сезимде болуп жатасыз? Алгач "ЖРТдан эң көп балл алдың" деп ким кабарлады?

— Абдан сүйүнүп жатам. Эмгегим акталды! Үй-бүлөмдүн, эже-агайларымдын салымы чоң. Бүгүн эртең менен класс жетекчим чалып сүйүнчүлөп, лицейге чакыртты. Мен кичи мекеним Токтогул районунун Үч-Терек айылында элем. Борбордогу лицейге чейин беш сааттык жолду арытып бардым.

Ученик кыргызко-турецкого лицея города Джалал-Абад получивший максимальное количество баллов на Общереспубликанском тестировании Элдияр Чормонов
© Фото / Эркин Маматкулов
ЖРТдан озуп чыккан Элдияр Чормонов: алтын сертификат аларыма ишенгем. Тесттеги суроолорду тегеректеп жатканда деле кыйналган жокмун.

— Тестке кантип даярдангансыз?

— Былтыр сентябрдан тарта көңүл коюп, даярданып баштагам. Эже-агайларыбыз абдан жардам берди, лицей уюштурган курстардан өтүп, сынамак тесттерге барып, ЖРТнын китептерин окудум. Алтын сертификат аларыма ишенгем. Тесттеги суроолорду тегеректеп жатканда деле кыйналган жокмун. Предметтик тесттен математика сабагы менен англис тилин тандагам. Экөө тең жүз баллдан ашыптыр.

— Тестирлөөгө былтыртан баштап даярдандым деп калдыңыз. Жашыраак кезде конок-кечелерге баргың келип, интернетке кызыгат эмессиңби. Мындай нерселерге убакыт кандай болуп жатты?

— Андай көңүл ачуулардан баш тартууга туура келди. Телефонду жарым жылдай колдонгон жокмун. Быйыл жаңы смартфон алдым.

Ученик кыргызко-турецкого лицея города Джалал-Абад получивший максимальное количество баллов на Общереспубликанском тестировании Элдияр Чормонов
© Фото / Эркин Маматкулов
Чормонов: университетти тандай элекпиз. Бирок, буюрса, адистигим программист болот.

— Кайсы жогорку окуу жайга тапшырганы жатасыз?

— Университетти тандай элекпиз. Чет мамлекетте да окуп калышым мүмкүн. Бирок, буюрса, адистигим программист болот.

— ЖРТдан озуп чыкканыңызга караганда бешке бүтүп жатсаңыз керек?

— Сабактарымдын бардыгы беш. Бирок күтүүсүз жерден кыргыз тилден төрт болуп калды. Апелляциялык арыз менен кайрылдык эле, бирок майнап чыккан жок. Көк аттестат алмай болдум.

— Жогорку балл алам деген окуучуларга кандай кеп-кеңеш берет элеңиз?

— Алдына так максат коюп, ошого жараша аракет кылса, ар бир окуучу жогорку балл ала алат. Бирок аз калганда тестке даярдануу туура эмес, башынан жакшы окуганга тырышуу керек.

Ученик кыргызко-турецкого лицея города Джалал-Абад получивший максимальное количество баллов на Общереспубликанском тестировании Элдияр Чормонов
© Фото / Эркин Маматкулов
Элдияр Чормонов: так максат коюп, ошого жараша аракет кылса ар бир адам жогорку балл ала алат.

— Соңунда үй-бүлөңүз тууралуу азын-оолак кеп кыла кетсеңиз.

— Өзүм 2001-жылы Токтогул районунун Үч-Терек айылында туулгам. Ошол жактагы мектепте 6-класска чейин окуп, жетинчи класстан тарта Курманбек баатыр лицейинде билим ала баштадым. Үй-бүлөдө беш бир тууганмын. Үч агам жана бир карындашым бар. Апам үч жыл мурда кайтыш болуп кеткен. Атам чакан ишкерлик менен алектенет.

17044
Белгилер:
Элдияр Чормонов, Университет, окуучу, балл, ЖРТ
Тема боюнча
Абитуриент 2019: ЖРТнын талондору качан ташталат. Министрликтин так жообу
Балдар, ЖРТ менен эле жашоо бүтүп калбайт! Өтпөй калгандар кайда барса болот?
Окуучуларым ЖРТдан 200дөн ашык упай алат! Адис тест тапшыруунун сырын ачты
Саргарган дарактар. Архив

Бейшембиге карата аба ырайы

50
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

50
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

313
(жаңыланган 23:47 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда, Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

313
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот