Йогурт. Архивдик сүрөт

Аденомадан оолак болуу үчүн эркектер кайсы азыкты жеши керек? Иликтөө

1345
Йогурт көп жеген эркектер аденома гана эмес, ичеги-карын рагынын дагы алдын алары айтылды.

БИШКЕК, 20-июн. — Sputnik. Жумасына жок дегенде эки ирет йогурт жеген эркектер аденома илдетинен оолак болот. Бул тууралуу АКШлык жана кытайлык окумуштуулар иликтөө жасаганын Medicalxpress басылмасы жазды.

"Мындай аракет эркек ичеги-карын рагынын дагы алдын алат дегенди түшүндүрөт. Анткени аденома бара-бара дал ушул ооруга алып келиши мүмкүн", — дешти окумуштуулар.

1986-жылдан 2013-жылга чейин жүргүзүлгөн изилдөөгө 32 миң эркек катышкан. Бул аралыкта йогуртту аз пайдаланган 5811 эркек аденома илдетине чалдыккан. Ал эми апта ичинде эки же андан көп жолу аталган азыкты жегендер мындай илдеттен алыс болгон.

Окумуштуулар муну йогурттун курамындагы Lactobacillus bulgaricus жана Streptococcus thermophilus бактериялары аденома жана рак илдеттерин чакырган инфекцияны жеп салат деп түшүндүрүүдө.

Аденома — эмчек, боор, бөйрөк, жыныс бездери сыяктуу ар кандай органдарда без эпителийинен пайда болуучу анча кооптуулук жаратпаган шишик.

1345
Белгилер:
йогурт, рак, эркек
Тема боюнча
Окумуштуулар кайсы көнүгүүлөр ден соолукка зыян экенин айтышты
Окумуштуулар күзгүгө тынбай карануу ден соолукка пайдалуу экенин аныкташты
Туула элек баланын ден соолугун кантип бекемдесе болот. Окумуштуулардын жообу
Борбордук клиникалык оорукананын дарыгери. Архив

Коронавирустан улам Октябрь акимиатынын кызматкерлери имараттан чыга албай калышты

70
(жаңыланган 19:27 26.05.2020)
Райондук администрациянын имараты жабылды. Учурда бардык кызматкерлерден анализ алынууда.

БИШКЕК, 26-май — Sputnik. Октябрь райондук администрациясынын кызматкеринен коронавирус табылды. Бул тууралуу аталган мекеменин бир жумушчусу өз ысымын атабастан билдирди.

Анын айтымында, учурда мекеме жабылып, ал жакта иштегендерден анализ алынууда.

Азырынча окуя боюнча Бишкек мэриясы, Саламаттык сактоо министрлиги жана Республикалык штаб расмий маалымат бере элек.

Кыргызстанда өткөн суткада 35 кишиден COVID-19 аныкталды. Жалпы вирусту жугузуп алгандардын саны 1468ге жетти.

Акыркы маалыматтарды Sputnik Кыргызстан агенттиги жүргүзгөн тексттик баяндамасынан окуңуздар.

70
Белгилер:
кызматкер, Бишкек, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавирус чымын-чиркей аркылуу жугушу мүмкүнбү? Адистердин пикири
Бишкекте муниципалдык унаа токтотуучу жайлар иштей баштады. Тизме
Москвадагы Жеңиш аба парады

Россияда Жеңиш парады 24-июнда өтмөй болду

38
(жаңыланган 18:41 26.05.2020)
Мамлекеттин коргоо министри Сергей Шойгуга коопсуздукту камсыздап, тобокелдиктерди азайтуу тапшырылган.

БИШКЕК, 26-май — Sputnik. Россиянын президенти Владимир Путин Жеңиш парады 24-июнда өтөрүн билдирди. Бул тууралуу РИА Новости жазды.

Ага ылайык, мамлекет башчы иш-чарага даярдык көрүүнү баштоого буйрук берген. Коргоо министри Сергей Шойгуга коопсуздукту камсыздап, тобокелдиктерди азайтуу тапшырылган.

Путин ошондой эле "Өлбөс полктун" жүрүшүндө аралыкты сактоо мүмкүн эмес экендигин айтып, аны 26-июлда, тагыраагы, Аскер-деңиз флотунун парадынан кийин өткөрүү пландалып жатканын белгилеген.

Эскерте кетсек, 9-майга пландалган парад жана "Өлбөс полктун" жүрүшү быйыл коронавирус эпидемиясынан улам өтпөй калган.

38
Белгилер:
иш-чара, Жеңиш парады, Владимир Путин, Россия
Тема:
Улуу Ата Мекендик согуштагы Жеңиштин 75 жылдыгы
Тема боюнча
"Өлбөс полктун" онлайн түрүн 20 миллион адам көрдү