Газ плита. Архив

Бишкектин тургундары жапырт газсыз калат. Аймактардын тизмеси

81
Газ борбор калаанын батышында, түштүк батышында жана чыгышында өчүрүлөт.

БИШКЕК, 20-июн. — Sputnik. Бишкекте жакынкы аралыкта миңдеген абонент газсыз калат. Бул тууралуу мэриядан билдиришти.

24-июндан 28-июнга чейин Садырбаев, Гагарин көчөлөрү, Чыңгыз Айтматов проспектиси, Пожарский, Медеров, Абай, Ахунбаев, Таш-Көмүр, Ажыбек баатыр көчөлөрү, "Теплоэнергоремонт" буу казаны жана Жал кичи районунун аймагында жашаган 11 108 абонент газсыз калат. Себеби — жер алдындагы түтүктөр оңдолот.

24-июндан 26-июнга чейин Чүй проспектиси, Достоевский, Веселый, Салиева жана Буденный көчөлөрү менен чектешкен аймакта газ жок болот. Себеби — жабдыктар алмаштырылат.

25-июндан 26-июнга чейин "Тунгуч" кичи районундагы 4 053 абонент газсыз калат.

26-июндан 27-июнга чейин Рыбинский туюк көчөсүндөгү 10 абоненттин газы өчүрүлөт.

81
Белгилер:
Бишкек мэриясы, газ, Бишкек
Тема боюнча
Мэрия сатылып кеткен 5 гектар жерди Бишкектин менчигине кайтарып алды
Ооруканадагы дарыгерлер. Архив

COVID-19га күзүндө кабылгандар дартты оор көтөрүшү мүмкүн. Эксперттин пикири

30
SARS-CoV-2 күзүндө грипп, парагрипп жана буга чейин салыштырмалуу зыянсыз деп айтылган коронавирустар менен айкалышса кандай натыйжа болору азырынча белгисиз.

БИШКЕК, 10-авг. — Sputnik. Санкт-Петербургдагы Пастер атындагы Эпидемиология жана микробиология илим-изилдөө институтунун директору, академик Арег Тотолян коронавируска күзүндө кабылгандар буга чейин ооруп айыккандарга караганда бир топ кыйналышы мүмкүн экенин "Известия" басылмасына маек куруп жатып айтты.

Анын пикиринде, вирус жайылган маалда катуу обочолонгондор инфекцияны кандай кабыл аларын айтуу кыйын. Анын үстүнө SARS-CoV-2 күзүндө грипп, парагрипп жана буга чейин белгилүү болгон жана салыштырмалуу зыянсыз делген коронавирустар менен айкалышса кандай натыйжа болору да белгисиз.

Тыным албай көзөмөлдөгүлө. ДССУ эксперттери пандемия дагы көпкө созуларын айтты

"Сезондук инфекциялык илдеттер COVID-19 менен айкалышканда эмне болорун, абал курчуйбу, же тескерисинче антитело кадимки коронавирустан жакшы коргоно алабы, азырынча биз буга илимий негизде жооп берүүгө даяр эмеспиз", — деди академик.

Тотолян ошондой эле Роспотребнадзордун башчысы Анна Попованын сөздөрүн мисал келтирип, ал мурдагы жылдарга караганда эмдөө жүргүзүлбөгөн тумоонун башка түрлөрү таралышы мүмкүн экендигин эскертти.

Муну менен академик өлкө боюнча обочолонуу режимин киргизүү зарылдыгын айтууда. Ал илдет катталган гана аймакта жерди чектөө чарасын колдонуу жетиштүү болорун белгиледи.

30
Белгилер:
инфекциялык оору, күз, бейтап, оору, агым, коронавирус
Тема:
Дүйнөгө жайылган коронавирус
Тема боюнча
Россияга Кыргызстандан жөнөтүлгөн вирустар изилденип бүттү. Күтүүсүз жыйынтык
Ооруканадагы медицина кызматкери. Архив

Өткөн суткада коронавирустан 6 киши каза тапты

64
(жаңыланган 11:35 10.08.2020)
Бийлик вирус дагы деле кооптуу экенин айтып жатат. Ал эми күзүндө илдет күчөшү мүмкүн деген божомол дагы бар.

БИШКЕК, 10-авг. — Sputnik. Акыркы суткада Кыргызстан боюнча коронавирустан алты адам каза болду. Бул тууралуу Республикалык штаб билдирди.

"Бишкек шаарында үч, Ысык-Көл, Жалал-Абад жана Баткен облустарында бирден бейтап көз жумду", — деп айтылат маалыматта

Кыргызстанда 407 бейтап ооруну жеңип, үйүнө чыкты

Пандемия башталгандан бери каза болгондордун жалпы саны 1 474кө жетти.

64
Белгилер:
оору, бейтап, өлүм, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
Бүгүн өлкөдө 258 кишиден коронавирус чыкты