Бетин жаап турган кыз. Архив

Москвада күчкө салып кармап турушат! Апасын алдаган кыргызстандык кыз табылды

3726
Кыз 2018-жылдын октябрь айында Москвага иш издеп кетип, ушул жылдын март айынан баштап туугандары менен такыр эле байланышпай калган.

БИШКЕК, 20-июн. — Sputnik. Москвада дайынсыз жоголгон Кыргызстандын тургуну, 18 жаштагы кыз табылды. Бул тууралуу ИИМдин маалымат кызматы кабарлады.

Ушул жылдын июнь айында КРдин Россиядагы ИИМ өкүлчүлүгүнө 18 жаштагы кызын таап берүүнү өтүнүп 53 жаштагы кыргызстандык аял кайрылган. Кыз 2018-жылдын октябрь айында Москвага иш издеп кетип, ушул жылдын март айынан баштап туугандары менен такыр эле байланышкан эмес.

11-июнда кыздын апасы ИИМдин Москвадагы өкүлчүлүгүнө барып, укук коргоо органдарына кызы менен соцтармактан жазышкан жазууну көрсөтөт. Анда кызы белгисиз батирде кимдир бирөөлөр аны зордоп кармап турганын, кайда экенин өзү да билбей турганын жазган. Издөө иштери убагында аялды элчиликтин конок үйүндө бекер жашатышкан.

17-июнь күнү изделген кыз Москвадан табылган. Көрсө, кыз 19 жаштагы россиялык бала менен (Кыргызстанда төрөлгөн) жашайт экен. Бул тууралуу өзү айтып берген. Ата-энелери эки жаштын чогуу жашап, баш кошуусуна каршы болгондуктан кыз туугандарына байланышка чыкпай коюуну туура көргөн.

"Табылган кыз кимдир бирөөлөр аны зордоп кармап турган окуяны оюнан чыгарып койгон. Ал ушинтип айтса туугандары тынчып калат деп ойлогон. Бирок апасы Москвага келип каларын күткөн эмес", — деп жазылат маалыматта.

Сүйлөшүүлөрдөн кийин селки чогуу жашап жаткан жигити менен Россияда калган. Ал эми апасы 18-июнда мекендештердин колдоосу менен Кыргызстанга кайткан.

Милиция кызматкерлери табылган кызга калп айтып элди дүрбөлөңгө салбоого чакырып, туугандары менен дайыма байланышып туруу талабын коюшту.

3726
Белгилер:
издөө, кыз, эне, Москва, Кыргызстан
Тема боюнча
Москвада сууга чөгүп кеткен кыргызстандык кыз. Элчиликтин маалыматы