Жалпы билим алганын тастыктаган аттестат. Архив

Бүтүрүүчүлөр аттестат албай калабы? Министрликтин жообу

596
(жаңыланган 10:55 21.06.2019)
Кечээ, 20-июнда, социалдык тармактарда "Эртең бүтүрүү кечеси, аттестаттар болсо даяр эмес" деген маалыматтар тараган.

БИШКЕК, 21-июн. — Sputnik. Жалпы билим алганын тастыктаган (9-классты бүткөндө тапшырылат) аттестат жана күбөлүк даяр эмес деген маалымат чындыкка дал келбейт. Бул тууралуу Sputnik Кыргызстан маалымат агенттигине билим берүү жана илим министринин орун басары Надира Жусупбекова кабарлады.

Эске сала кетсек, кечээ, 20-июнда, социалдык тармактарда "Эртең бүтүрүү кечеси, аттестаттар болсо даяр эмес" деген маалыматтар тараган.

Жусупбекова бул фейк кабар экендигин белгиледи.

"Күбөлүктү мектептин бардыгы алды. Бүгүн 9-классты аяктап жаткандарга тапшырылат. 11-классты бүткөндөрдүн аттестаты мектептерге жиберилген. Тиркемеси толукталып, 24-июнда таратылат", — деди ал.

Билим берүү жана илим министрлигинин маалымат кызматынын билдиришинче, быйыл 9-классты 96 миң окуучу аяктап, буйрутма менен керектүү күбөлүктөрүн алышууда.

Мындан тышкары, мектептерде ата-энелердин чогулушу, педагогдордун жыйыны, окуучулардын коопсуздугун камсыздоо тренингдерин өткөрүү боюнча профилактикалык иш-чаралар жүргүзүлгөнү айтылат.

Бүтүрүү кечесинде күнү-түнү нөөмөт уюштурулуп, директор менен мугалимдер коллективи окуучулардын өмүрүнө, коопсуздугуна жоопкерчиликтүү болору белгиленген.

596
Белгилер:
аттестат, бүтүрүүчү, мектеп, Билим берүү жана илим министрлиги, Кыргызстан
Тема боюнча
Бишкекте бүтүрүүчүлөргө аттестат качан тапшырылары айтылды
ЖРТдан эң көп балл алган Элдияр: жарым жылдай телефон колдонгон жокмун
Тоолуу Маевка айылына жакын унаа жолу

Шейшембиге карата аба ырайы

24
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

24
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы
Почтада посылкалар. Архив

Бишкекте почта түйүндөрү бир жума иштебейт

67
(жаңыланган 20:03 06.07.2020)
Бишкек шаарындагы почталар 13-июлдан тарта иштеп баштайт. Ушул эле күнү социалдык төлөмдөрдү жеткирүү да башталат.

БИШКЕК, 6-июл. — Sputnik. "Кыргыз почтасы" ишканасынын Бишкектеги бөлүмдөрү калаада вирустук инфекцияны жайылтып жиберүүнүн алдын алуу максатында 7-13-июль күндөрү профилактика иштерине жабылат. Бул тууралуу мэриянын маалымат кызматынан кабарлашты.

"Абалдын кескин курчуп кетишинен улам аталган ишкананын филиалы болгон "Бишкек почтамт" бир апта бою өз бөлүмдөрүндө санитардык-эпидемиологиялык коопсуздукту камсыздоо боюнча иш-чараларды өткөрөт", —  деп айтылат таратылган кабарда.

Каттоо кызматынын Архив агенттиги карантинге жабылды

Ал эми 13-июлдан тарта Бишкек шаарындагы почталар иштеп, ушул эле күнү социалдык төлөмдөрдү жеткирүү да башталат.

"Кыргыз почтасы" мамлекеттик ишканасы почта түйүндөрүндө төмөнкү эрежелерди сактоону өтүнөт:

  • Почта бөлүмүнүн имаратынын ичине аз сандагы кишилер кириши керек жана 1,5 метр бири-биринен обочо турушу шарт. Калгандары коопсуздук үчүн көчөдө күтүп турат;
  • Бөлүмдө жана анын жанында жарандар 1,5 метрлик аралыкты сактап турушу керек;
  • Почтага кирер алдында бет кап кийгенди унутпагыла. Эгерде ансыз келсеңиз, ичине кире албайсыз;
  • "Кыргыз почтасы" ишканасы азыркы абалдан улам бардык түйүндөрүндө келгендерге ыңгайлуу жана коопсуз шарт түзүп бергенге аракет кылат.
67
Белгилер:
почта, коронавирус, эпидемия, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыйын кырдаалдан кантип чыгабыз? Жээнбеков берген тапшырмалардын тизмеси
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

0
(жаңыланган 23:08 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

0
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда