Милиция кызматкери. Архив

Акыйкатчы: милиционерлер шектүүлөрдү кыйнаганын улантууда

75
(жаңыланган 11:23 21.06.2019)
Учурда катталган фактылар, сабоолор, кыйноолор боюнча дагы ирет текшерүү жүргүзүлүп жатат жана прокуратура органдарына тиешелүү арыздар жөнөтүлдү.

БИШКЕК, 21-июн. — Sputnik. Милиционерлер борбор калаадагы убактылуу кармоо жайларына киргизилгендерди кыйноосун улантып жатат. Бул туурасында Акыйкатчы институтунан кабарлашты.

Май айында алардын кызматкерлери бул жаатта сегиз арызды кабыл алган.

Омбудсмендин аппаратынын кызматкерлери прокуратура өкүлдөрү, эксперттер жана медиктер менен биргеликте Бишкек шаарынын Ички иштер башкы башкармалыгынын убактылуу кармоо жайларына барып, мониторинг жүргүзүү иштерин улантууда. Буга борбор калаанын милиция бөлүмдөрү да камтылган.

Максат —  аталган жайда кармалып отургандарды кыйнап жана аларга катаал мамиле жасаган фактыларды табуу.

Эске салсак, алар 2019-жылдын жылдын апрель айынан тарта милиция кызматкерлерине, жетекчилерине алдын ала айтпай капыстан текшерип келишет. Маалыматта убактылуу кармоо жайлары эле эмес, тергөө кабинеттери, ыкчам кызматкерлердин отурган кабинеттери да каралары айтылган.

Өткөн айда аталган топ эскертүүсүз текшерүүгө 19 ирет чыккан. Бишкектеги убактылуу кармоочу жайга 7, райондук ички иштер бөлүмүнө 5, шаардык милиция бөлүмдөрүнө 7 жолу барышкан. Мунун жыйынтыгында кармалгандардын ичинен 20 жаранга юридикалык тиешелүү кеп-кеңештер берилип, 8 киши милиция кызматкерлери кыйнаганы боюнча арыз жазып берген. Алардын бирине дарыгер чакырылып, эл аралык укуктук документтердин негизинде абалы кагазга түшүрүлгөн.

Акыйкатчы институту бул боюнча бир нече фактыларды санап берди. Алардын бири — 25-майда Биринчи Май райондук милициясынын кызматкерлери уурулук кылды деп шектелген жаранды кармаган. Андан көрсөтмө алуу үчүн тартип сакчылар 25 жаштагы жигитти уруп-сабаган. Бул факты боюнча соттук-медициналык экспертизанын справкасы бар экени, анын жаагы жабыркап, денесинде сабалгандан кийинки тактары калгандыгы кагазга түшүрүлгөнү айтылды.

Андан беш күн өткөндөн кийин ушул эле райондук милиция бөлүмүнүн кызматкерлери кеч курун бир аялды кармашкан. Аны кабинетине киргизгенден кийин тергөөчү (аты Эржан) келекелеп-мазактап, андан соң көрсөтмө алыш үчүн түртүп жиберип жана уруп-сабаган деген маалымат айтылды. Бул факты боюнча жабырлануучунун травматология бөлүмүнөн алган справкасы бар. Анда оң кабыргасынын төмөн жагындагы эттери жанчылып калганы айтылган.

Мындан бир күн өткөндөн кийин, 31-майда, кечки саат сегиздерде Октябрь райондук тергөө кызматынын өкүлдөрү 23 жаштагы жаранды кармап, милиция бөлүмүнө алып келишкен. Андан көрсөтмө алыш үчүн сабашкан. Травматология бөлүмүнөн токмоктун изи бар экендиги туурасында справка берилген. Медициналык эксперт Стамбул протоколунун негизинде кыйноонун, жасалган катаал мамиленин белгилери байкалганы боюнча документ толтурган. Акыйкатчы институтунун кызматкерлери да анын денесинде сабалгандан кийинки тактар калгандыгын сүрөткө тартып алышкан.

Маалыматта учурда катталган фактылар, сабоолор, кыйноолор боюнча дагы ирет текшерүү жүрүп жаткандыгы жана прокуратура органдарына тиешелүү арыздар жөнөтүлгөнү айтылды.

75
Белгилер:
көрсөтмө, кыйноо, милиционер, убактылуу кармоочу жай, Акыйкатчы институту, Бишкек, Кыргызстан
Тема боюнча
430 доллар тонолгон. Бишкек милиционерлери карактоого шектелип кармалды
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

133
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

133
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

130
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

130
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео