Ысык-Көлдүн жээгинде эс алуу. Архивдик сүрөт

Көл жээгинде эс алуу жүрөккө кандай таасир этет? Окумуштуулардын иликтөөсү

626
Мындай бүтүмгө келүү үчүн окумуштуулар бир нече жыл бою 3 миңге жакын адамдын жүрөгүн текшерип турушкан.

БИШКЕК, 23-июн. — Sputnik. Көл жээгинде эс алуу жүрөк ооруларын алдын алууга жардам берет. Бул тууралуу Сиракьюс университетинин (АКШ) окумуштууларынын иликтөөсүнө таянып, Daily Mail басылмасы жазды.

Адам канчалык көп эс алса, анын зат алмашуу процесси ошончолук жакшы болот. Өз кезегинде бул кан басымын, организмдеги канттын деңгээлин нормага алып келет.

"Жүрөк ооруларына негизинен кан басымы менен организмде канттын деңгээли көтөрүлүп кетиши себеп болот. Тагыраагы, бул экөө дайыма нормасында болсо, жүрөктүн абалы жакшы бойдон сакталат. Ал эми суу жээгинде, нымдуу аба менен дем алуу жүрөктүн ишин эки эсе жакшыртат", — деп айтылат макалада.

Мындай бүтүмгө келүү үчүн окумуштуулар бир нече жыл бою үч миңге жакын адамдын жүрөгүн текшерип турушкан. Жыйынтыгында 12 ай бою эс албай иштеген адамдарга караганда, маал-маалы менен эс алып тургандардын жүрөгү алда канча жакшы иштээри аныкталган.

626
Белгилер:
эмгек өргүү, жүрөк
Тема боюнча
Күнүнө 10 саат иштеген киши кандай ооруга чалдыгары белгилүү болду
Ысык-Көлдө быйыл эс алуу канча турат? Пансионаттардын баасы жана картасы
Алма сатуу. Архивдик сүрөт

Шерипов: көлдүктөр жаңгакка кызыкдар эмес, алма-өрүккө көнүп алышкан

12
(жаңыланган 16:19 03.06.2020)
Учурда Жогорку Кеңеште "Жаңгак плантацияларын өндүрүү жөнүндө Кыргыз Республикасынын мыйзам долбоору" экинчи окууда каралып жатат.

БИШКЕК, 3-июн. — Sputnik. Ысык-Көл облусунда жаңгак бышат, бирок көлдүктөр жаңгак өстүрүүгө кызыкдар эмес. Мындай пикирин парламентте Курчап турган чөйрөнү коргоо жана токой чарбасы мамлекеттик агенттигинин директорунун орун басары Элдияр Шерипов билдирди. 

Заместитель директора Государственного агентства охраны окружающей среды и лесного хозяйства Элдияр Шерипов на заседании Жогорку Кенеша. 3 июня 2020 года
© Фото / пресс-служба Жогорку Кенеша
Курчап турган чөйрөнү коргоо жана токой чарбасы мамлекеттик агенттигинин директорунун орун басары Элдияр Шерипов

Учурда Жогорку Кеңеште "Жаңгак плантацияларын өндүрүү жөнүндө Кыргыз Республикасынын мыйзам долбоору" экинчи окууда каралып жатат.

Депутат Абдыбек Дүйшалиев биосфералык аймак болуп эсептелген Ысык-Көлдө бош жер көп экенин айтып, бул жерде жаңгак бышар-бышпасына кызыкты.

"Көлдө жаңгак бышат жана сапатын жоготпойт. Бирок жергиликтүү эл алма жана өрүк өстүрүп, багбанчылыктын бул түрүн жакшы өздөштүргөн. Бул жемиштер коңшу Казакстанга көп сатылып, жакшы баа болуп берет. Ошол себептен көлдүктөр жаңгак өстүрүүгө кызыкдар эмес. Алар өзгөрүүнү каалабайт", — деди Шерипов.

Ошондой эле ал чындап эле көл аймагында бош жерлер көп экенин айтып, аларды мамлекеттик-жеке өнөктөштүк формасында иштетүүгө кызыкдар экенин кошумчалады.

12
Белгилер:
түшүм, алма, жаңгак, Ысык-Көл, Кыргызстан
Тема боюнча
Адис: быйыл Кыргызстанда жаңгакты үшүк алып кетти
Ат-Башыдагы мал базарга башка облус, район соодагерлери киргизилбей турган болду
Ат-Башыдагы мал базар

Ат-Башыдагы мал базарга башка облус, район соодагерлери киргизилбей турган болду

90
(жаңыланган 16:00 03.06.2020)
Райондогу мал базар иштегени менен ал жакта бир топ чектөө чаралары болот. Ошондой эле башка район, облустун соодагерлери киргизилбей турганы айтылды.

БИШКЕК, 3-июн. — Sputnik. Нарын облусунун Ат-Башы районунда мал базар 7-июндан тарта иштейт. Бул тууралуу район башчысы Нурбек Сатаров брифинг учурунда билдирди.

Анын айтымында, өлкөдө мал базарлардын ишмердүүлүгүнө 21-майдан тарта уруксат берилген. Бирок райондогу мал базар эпидемиологиялык абалдан улам иштей элек болчу.

"7-июнь күнү Ат-Башы мал базары иштеп баштайт, бирок ал жерде чектөөлөр болот. Базарга райондо жашагандар гана бара алат. Башкача айтканда, Нарындан же башка райондон келчү соодагерлер киргизилбейт. Азыр эл жайлоого көчүп, айдап-себүү иштери жүрүүдө. Мындан улам район тургундары, фермерлер малын сатып алсын деп эле базарды ачып жатабыз. Кийим, буюм, тамак-аш азырынча сатылбайт. Базар 14:00гө чейин эле иштеп, анын тегерегине посттор коюлат", — деди Сатаров.

Өкмөттүн Жалал-Абад облусундагы өкүлү Нурболот Мирзахмедов
© Фото / Республиканский штаб КР по борьбе с COVID-19
Район башчысы буга чейин Ат-Башы коронавирустан тазаланганын маалымдаган. Ал жакта жалпы 77 киши вирус илештирип алган.

Аким акыркы 20 күндүн ичинде Ат-Башыда коронавирус жуктургандар катталбаганын айтып, санитардык нормаларды, эрежелерди сактап жаткан район элине ыраазычылык билдирди.

Кыргызстанда жалпысынан алганда коронавирус 1871 адамдан табылды. Алардын арасынан 1265и айыгып, 20 бейтап көз жумду.

90
Белгилер:
эреже, тартип, коронавирус, базар, мал, Ат-Башы, Нарын
Тема:
Коронавируска байланыштуу Кыргызстандагы кырдаал
Тема боюнча
Коронавирустан көз жумган үч бейтап. Министрлик чоо-жайы тууралуу