Эмгек жана социалдык өнүктүрүү министри Улукбек Кочкоров. Архивдик сүрөт

Тамеки терип чоңойгон полковник. Улукбек Кочкоров тууралуу 9 факты

2971
(жаңыланган 19:40 24.06.2019)
Бүгүн Эмгек жана социалдык өнүктүрүү министри Улукбек Кочкоровдун туулган күнү. Мамлекеттик жана саясий ишмер 45 жашка чыкты.

Саясатта өз орду бар, УКМКдан тарта Жогорку Кеңешке чейин иштеп, кезинде президенттикке талапкерлигин койгон министр тууралуу Sputnik Кыргызстан маалымат агенттиги кызыктуу фактыларды топтоду.

Тамеки терип өткөн балалык. Улукбек Кочкоров 1974-жылы 24-июнда Баткен облусунун Кара-Бак айылында туулган. Министрдин бала кези элетте, тамеки, өрүк терип өткөндүгү тууралуу өзүнүн айтканы бар.

"Мен чоңойгон Кара-Бак айылы азыр район болуп шаарга айланды. Биз менен тең өскөн теректер кыйылып, ээн талаа таптакыр башкача болуп өзгөргөн. Ээн талаада мал кайтарып, сууга түшүп, ылай кечип жүрүп эле чоңойдук. Үйдүн улуусу болгондуктан 6-7 жашымда эле тамекиге чыга баштадым. Ата-энем алып келген тамекини түнкү саат он эки, бирге чейин тизип чыкчубуз. Аны түнкү 2-3кө чейин атам менен апам жайып, кайра таң атпай тамеки тергени кетишчү. Азыр ойлосом аябай эмгекчил кишилер экен. Тамекинин бир чыбыгын бүтүрсөңөр паркка алып барып келебиз дегенде кантип баарын жасап салганыбызды билбей калчу элек. 5-10 күн керелди кечке тамекиде иштеп, анан бир күн паркка барып, эки-үч аттракционго түшүп, балмуздак жегенге ыраазы болуп кайра келчүбүз", — деген Кочкоров. 

Экс-депутат парламента Улукбек Кочкоров во время заседания ЖК
© Фото / пресс-служба ЖК КР
Улукбек Кочкоров 1974-жылы 24-июнда Баткен облусунун Кара-Бак айылында туулган

Жумушчунун үй-бүлөсүндө төрөлгөн. Улукбек Кочкоровдун атасы айыл чарба инженери болуп эмгектенген, азыр пенсияда. Энеси болсо эсепчи болуп иштеген. Эмгекчил ата-энесин Кочкоров дайыма үлгү катары көрөт.

"Атам да, апам да пенсияга кеткиче бир орунда иштешти. Жумуш дегенде ичкен ашын жерге койгон адамдар. Атам биз тура электе эле таң атпай жумушка кетип комбайн, тракторлордун ары-бери жагын карап керели-кечке талаада жүрчү. Кайра үйгө биз уктап калганда, түн киргенде келчү. Атамдын көз карашынан эле баарыбыз сестенчүбүз. Азыр кээде балдарым бейбаштык кылып баратканда атамдын ыкмаларын колдоном", — деген министр.

Улукбек Кочкоров алты бир туугандын улуусу. Баары тең жогорку билим алып, өз ордуларын табышкан. Иниси Алмазбек Кочкоров Финансы министрлигинде иштейт.

Жашоосун өзгөрткөн мактоо баракчасы. Кочкоровдун бала кезинде эсинде калган окуяларынын бирин да жаза кетели. Ал — мактоо баракчасы.

"4-классты аяктап жатканда линейкадан кокустан эле жакшы окуган балдар менен катар мактоо баракчасын алып калдым. Жалаң төрткө окусам мындай алкоого татыйм деп ойлогон эмесмин. Үйгө барып атама "мага татыксыз берип коюшту" деп ыйлаганым да эсимде. Бирок бул мактоо баракчасы менин окууга болгон мамилемди түп тамыры менен өзгөртүп, шыктандырган", — деп айтып берген Кочкоров. 

Министр труда и социального развития КР Улукбек Кочкоров с семьей
© Фото / из личного архива Улукбека Кочкорова
Улукбек Кочкоровдун алты баласы бар. Анын төртөө — уул, экөө — кыз

Экономист-финансист. Кыргыз мамлекеттик университетинин "Финансы жана кредит" бөлүмүн аяктаган. Эмгек жолун Финансы жана экономика министрлигинде башкы адис болуп баштаган. Экинчи адистиги — укук таануучу.

Полковник наамын алган. Кочкоров УКМКда экономикалык коопсуздукту камсыз кылуу боюнча иш алып барган. Ал жактан экономикалык жаатта кандай коркунучтар бар экенине анализ жасап, президент, өкмөт башчыга маалымат беришчү. Аталган тармакта 13 жыл иштеп, катардагы кызматкерден баштап, башкармалык жетекчилигине чейин жетип, полковник наамына ээ болгон.

Депутат. Кочкоров 2011-жылы Жогорку Кеңештин 5-чакырылышына депутат болуп шайланган. Парламентте экономикалык жана фискалдык саясат комитетинин жетекчисинин орун басары болгон. Мамлекеттик кызматтын III класстагы мамлекеттик кеңешчиси.

Президенттик үчүн ат салышып... Кочкоров 2017-жылкы президенттик шайлоого ат салышып, талапкерликке өзүн-өзү көрсөткөн. Анда ал 11 талапкердин ичинен алтынчы сапка илинип, 8 498 добуш топтогон. Баса, Кочкоровдун бою 185 сантиметр. Ошол учурдагы президенттикке талапкерлердин сындууларынын бири болгон

Экс-депутат Жогорку Кенеша Улукбек Кочкоров и Кандидат в президенты КР на теледебатах на канале КТРК
© Sputnik / Табылды Кадырбеков
Кочкоров 2011-жылы Жогорку Кеңештин 5-чакырылышына депутат болуп шайланган. Парламентте экономикалык жана фискалдык саясат комитетинин жетекчисинин орун басары болгон.

Министр болуу шыбагасы буюруп... 2018-жылдын күзүндө Эмгек жана социалдык өнүктүрүү министрлигинде бир топ ызы-чуу иштер болуп, министр Таалайкүл Исакунова баш болгон анын үч орун басары кызматтан кетет. Көп өтпөй өкмөт бул кызматты Кочкоровго сунуштап, ноябрь айында эмгек жана социалдык өнүктүрүү министри болуп дайындалган. Мекеменин иши тууралуу буга чейин Sputnik Кыргызстан маалымат агенттиги менен маек курган.

Үй-бүлөсү. Улукбек Кочкоровдун алты баласы бар. Анын төртөө — уул, экөө — кыз. Келинчеги Саламаттык сактоо министрлигине караштуу Улуттук госпиталда дарыгер болуп эмгектенет. Министр бош убактысын балдары менен паркка же кинотеатрга барып өткөрөт. Ошондой эле лыжа тээп, жаратылышка чыгып эс алганды жакшы көрөрүн айткан. Балдары менен кечкисин бир же эки саат "үй-бүлөлүк саат" өткөрүп, шахмат, шашки ойноп, чакан чемпионат уюштура калышат экен.

2971
Белгилер:
өмүр баян, факты, балалык, Улукбек Кочкоров
Тема боюнча
Искендер Матраимовдун ишкер жубайы Минавар Жумаева тууралуу 5 факты
Министрликте бош орун көп, жаштарды жумушка чакырам! Улукбек Кочкоров менен маек
Министр Кочкоров Бишкек менен аймактардагы тарифтердин бирдейлигине нааразы болду
Жогорку категориядагы өпкө дарыгери Бермет Естебесова. Архив

Естебесова: койдун майын сыйпоону физиотерапиялык дарылоо десек болот

13
(жаңыланган 18:43 05.08.2020)
Жогорку категориядагы өпкө дарыгери Бермет Естебесова коронавируска чалдыккан учурда койдун майын же башка майларды сыйпоо же ичүү тууралуу медициналык көз карашын билдирди.
Естебесова: койдун майын сыйпоону физиотерапиялык дарылоо десек болот

Койдун майын же башка майларды сыйпоо физиотерапиялык натыйжа берет десек болот. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, койдун, кашкулактын же башка жаныбарлардын майын дарылануу үчүн колдонсо болот, бирок айрым маанилүү делген эрежелерди сактоо керек.

Россиялык дарыгерлер: кыргыз медиктери COVID-19ду дарылоону жакшы өздөштүргөн

"Илгертен эле апаларыбыз жөтөлүп калса көкүрөгүнө, далысына койдун майын сыйпаган. Бул ошол сыйпалган жерди жылуу кармап физиотерапиялык натыйжа берет десек болот. Эгерде жабыркаган органга суук өтүп ооруп жатса гана мындай ыкма пайдалуу. Кеселдеген  органды сыртынан ысытып, кан айланууну жакшыртып турат. Негизи эле койдун майынан башка да элдик медицинада колдонулуп келген майлар ушундай иш аткарат. Бирок аларды сүткө кошуп же башка бир суюктуктарга кошуп ичүү кооптуу. Биринчиден, ооруп турган адамдын бооруна күч келтирет. Мунун кесепети кийин жаман аякташы да ыктымал", — деди Естебесова.

Дарыгер адамда холецистит, панкреатит, гепатит болсо мындай ыкма менен дарыланбай эле койгону туура болорун кошумчалады.

13
Белгилер:
пневмония, коронавирус, Бермет Естебесова
Тема боюнча
Естебесова: коронавирустан айыккан адам элге качан аралашса болору белгисиз
 Премьер-министр Кубатбек Боронов брифинг учурунда. Архив

Боронов эмдөө жана аймактарда ооруканаларды кеңейтүү боюнча тапшырма берди

25
(жаңыланган 17:50 05.08.2020)
Отурумдун жүрүшүндө Баткен жана Талас облустарын медициналык жабдуулар, дары-дармектер жана жеке коргонуу каражаттары менен камсыз кылуу маселелери да талкууланды.

БИШКЕК, 5-авг. — Sputnik. Тиешелүү органдар калкты убагында эмдөө үчүн бардык шарттарды түзүшү керек. Бул тууралуу премьер-министр Кубатбек Боронов Республикалык ыкчам штабдын жыйынында айтты.

Боронов жарандардын аяр катмарына мезгилдик сасык тумоого каршы өз убагында эмдөө жүргүзүүнүн маанилүүлүгүн белгиледи.

"Адистештирилген түзүмдөр калкты эмдөө үчүн бардык шарттарды түзүшү керек. Бул күз-кыш мезгилинен өтүү үчүн абдан зарыл иш-чара", — деди премьер-министр.

Отурумдун жүрүшүндө Баткен жана Талас облустарын медициналык жабдуулар, дары-дармектер жана жеке коргонуу каражаттары менен камсыз кылуу маселелери да талкууланды.

Өкмөт 145 миллион сомго 40 Тез жардам автоунаасын сатып алууну пландап жатат

Жыйында облустардын жетекчилери докладдары менен маалымат беришти.

Өкмөт башчы региондордо, зарылчылык келип чыкса, кошумча бөлмөлөрдү жана керебеттерди даярдоо ишин улантууну тапшырды.

25
Белгилер:
эмдөө, коронавирус, аймак, өкмөт, Кубатбек Боронов
Тема боюнча
Октябрдан баштап россиялыктар жапырт коронавируска эмделе баштайт