Акча санап жаткан адам. Архив

Өкмөттүн 100 миң сом жардам акчасын кимдер кантип ала алат? 7 суроого жооп

2680
(жаңыланган 17:38 25.06.2019)
Эмгек жана социалдык өнүктүрүү министрлиги жакыр жашагандарга көмөк көрсөтүп, жашоосун бир аз да болсо жакшыртууга салым кошуу үчүн атайын токтом долбоорун иштеп чыккан. Аталган документ азыркы учурда өкмөттүн сайтына коомдук талкууга коюлду.

Бул долбоорго кимдер катыша алат, жакыр жашагандар кандай критерийлер менен тандалат жана каражат кандай шарттар менен берилет? Sputnik Кыргызстан агенттигинин ушул жана башка суроолоруна Эмгек жана социалдык өнүктүрүү министрлигинин Иш менен камсыз кылуу башкармалыгынын башкы адиси Асел Кемелова жооп берди.

Токтом долбоору

Социалдык долбоордун максаты — жакыр жашаган жана аз камсыз болгон үй-бүлөлөрдү оор турмуштук кырдаалдан чыгаруу жана алардын өз ишин баштап кетүүсүнө көмөк көрсөтүү. Ошондой эле аларга шарт түзүп берүү менен жөлөк пул алгандардын санын азайтуу. Бул үчүн Эмгек жана социалдык өнүктүрүү министрлиги атайын токтом долбоорун иштеп чыкты. Документте жакыр жашаган үй-бүлөлөргө 100 миң сомго чейин каражат берүү каралган.

Долбоор качан иштеп баштайт

Токтом долбоору 10-июндан 10-июлга чейин өкмөттүн сайтына коомдук талкууга коюлган. Негизи долбоордо бул ишти 1-августтан баштап жүзөгө ашыруу керек деп жазылган. Эгер коомдук талкууда сунуш-пикирлер түшсө, документ кайра толукталат. Андан кийин токтом долбоор өкмөткө көрсөтүлөт. Эгер бардык тараптан макулдук берилсе, ал 1-августтан тарта ишке ашып калат.

Жакыр жашагандар кандай критерий менен тандалат?

Бул каражат айыл өкмөттөн алган социалдык паспорту бар жана "үй-бүлөгө көмөк" жөлөк пулун алган аз камсыз үй-бүлөлөргө берилет. Айыл өкмөтү соцпаспортту аябай жакыр жашагандарга берет, үй-бүлөгө көмөк жөлөк пулун да колунда жок адамдар алышат. Ошол себептен ушул критерийлер каралган.

Жакыр жашагандар акчаны кантип алышат?

Соцпаспорту бар жана үй-бүлөгө көмөк жөлөк пулун алган адамдар алгач жашаган жериндеги айыл өкмөтүнө барып арыз жазат. Алар менен иштешүү үчүн эки комиссия түзүлөт. Биринчиси — айыл өкмөттүн деңгээлинде, экинчиси — райондук комиссия болот.

Арыз жазгандан кийин долбоорго катыша тургандар комиссия мүчөлөрү менен сүйлөшөт. Баса, ал жакка жөн гана акча алам деп барбастан эмне иш баштайт, алган каражатты эмнеге жумшап, чарбасын кантип алып кетери так белгиленген план түзө барышы керек. Эгер план түзгөндү билбесе, жок дегенде идеясы менен барса, комиссия мүчөлөрү аны кагазга түшүрүүгө жардам беришет. Ал жерде комиссия мүчөлөрү да консультация берет.

Комиссия каражат алчулар менен сүйлөшүү жүргүзгөндөн кийин эки тараптын ортосунда социалдык келишим түзүлөт. Дал ошол келишимге акча алган үй-бүлө каражатын кайда жумшап, эмне максатта алып жатканын толугу менен жазат.

Келишим түзүлгөндөн кийин үй-бүлөнүн алган акчасы кайда жумшалып, эмне иш жасалып жатканын комиссия мүчөлөрү менен Эмгек жана социалдык өнүктүрүү министрлигинин кызматкерлери көзөмөлдөп турат. Келишимде көрсөтүлгөн убактысы боюнча акча алган адам отчёт берип турат. Социалдык келишимдин мөөнөтү бүтмөйүнчө комиссия алар менен бирге иштешип, ишин жөнгө салып кетүүгө көмөк көрсөтөт.

Каражат кандай негизде берилет?

100 миң сомго чейин акча — бир гана жолу кайтарымсыз негизде берилет. Башкача айтканда, ал акчаны алган киши кайра өкмөткө акча төлөбөйт.

Долбоор канча убакытка чейин иштейт?

Убактылуу жобо 2019-жылдын 1-августунан 2022-жылдын 31-декабрына чейин иштейт деп пландалган.

Долбоорду ишке ашырууга канча акча каралып жатат?

Убактылуу жобону ишке ашырууга жыл сайын Эмгек жана социалдык өнүктүрүү министрлигинин бюджетинен 300 миллион сом каралууда.

Асел Кемелова бул азырынча коомдук талкуудагы документ экенин баса белгилеп, ал дагы толукталып өзгөрүшү мүмкүн экенин эскертти. "Быша элек" долбоор болгондуктан азырынча кандай документтер керектелери айтылган эмес.

2680
Белгилер:
Кыргызстан, акча, долбоорлор, жакырчылык, жардам
Тема боюнча
Бардарчылыкка умтулуп... Жалал-Абадда жакыр үй-бүлөлөргө күнөскана берилди
Жакыр жашагандарга 100 миң сомго чейин жардам берүү сунушталып жатат
Хирург операция учурунда. Архив

Дарыгерлер уйкусурай берген баланын башынан ок табышты

3
(жаңыланган 12:17 08.08.2020)
Баарынын жүрөгүн түшүргөн компьютердик томографиянын жыйынтыгы — баланын башында ок бар экенин көрсөттү.

БИШКЕК, 8-авг. — Sputnik. Чыгыш Иерусалимде медиктер тогуз жашар баланын башынан ок табышты, анын ата-энеси баласынын дайыма уйкусурап жүрөрүн айтып даттанышканын The Daily Mail жазды.

Баласынын жүрүм-турумуна кабатырланган ата-эне дарыгерлерге кайрылышкан. Алар тогуз жашар баласынын дайыма уйкусурап, шалдырап жүргөнүн байкашкан. Дарыгерлер медициналык кароодо палестиналык өспүрүмдүн башынын арт жагынан карттанып калган анча чоң эмес жараатты көрүшкөн.

АКШда телекөрүүчү алып баруучунун ракка кабылганын аныктоого жардам берген

Компьютердик томографиянын жыйынтыгы менен баланын башында ок бар экендиги баарынын жүрөгүн түшүрдү. Дарыгерлер алгач анын башындагы жараатты достору менен ойноп жүрүп кокустатып алган го деп ойлошкон.

Бейтап дароо операцияга киргизилген. Ийгиликтүү өткөн операциядан кийин бала акырындан өзүнө келүүдө. Нейрохирургдардын бири белгилегендей, эгер ок бир аз башка жагынан киргенде бала каза болуп калмак.

Полиция аталган факт боюнча териштирүү иштерин баштады.

3
Белгилер:
баш, бала, дарыгер, Иерусалим
Тема боюнча
Британия: кош бойлуумун деп жүргөн аял өлүмгө жетелеген оорусун билди
Медициналык кызматкер ооруканада. Архив

Бейтапты дарылайм деп... Дагы 10 ак халатчан вирус жуктуруп алды

12
(жаңыланган 11:56 08.08.2020)
Жалпысынан COVID-19 диагнозу менен медицина кызматкерлери арасында 2938 учур катталып, алардын дээрлик көбү ооруну жеңген.

БИШКЕК, 8-авг. — Sputnik. Өлкө боюнча бир суткада 10 медицина кызматкеринде коронавирус аныкталды. Бул тууралуу Коомдук саламаттык сактоо башкармалыгынын башчысы Айнура Акматова брифинг учурунда билдирди.

Анын айтымында, ооруну бир нече облустагы медиктер жуктурган.

  • Бишкек шаары — 1;
  • Ош шаары — 2;
  • Баткен облусу — 3;
  • Жалал-Абад облусу — 1;
  • Ысык-Көл облусу — 1;
  • Чүй облусу — 1;
  • Нарын облусу — 1.

Ал эми бир суткада 12 медицина кызматкери ооруканадан айыгып чыкты. Мындан сырткары, үй карантининен 60 медик сакайган.

Коронавирустан көз жумган медиктерге эстелик орнотулат. Ал кандай болот?

Жалпысынан республика боюнча COVID-19 диагнозу менен медицина кызматкерлери арасында 2938 учур катталып, алардын 2097си ооруну жеңген.

12
Белгилер:
жуктуруу, айыгуу, медицина, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Кыргызстанда кечээ коронавирустан 517 адам айыкты