Дарбыз. Архив

Оштун базарынан алынган резинадай чоюлчаак, сүйрү дарбыз. Видеонун чоо-жайы

1773
(жаңыланган 18:57 26.06.2019)
Интернеттеги видеодон колдогу дарбыз эзилбей эле килкилдеп чоюлуп жатканын көрүүгө болот.

БИШКЕК, 26-июн. — Sputnik. Социалдык тармактарда ырчы, тамада Кутман Султановдун Ош шаарындагы базардан сатып алган ичи кочкул кызыл, чоюлчаак дарбызынын видеосу тараган.

Кутман Султановдун өзү менен байланышып, тасманын чоо-жайын сураштырдык. Ырчы дарбыздын видеосун жөнөтүп, комментарий берди.

Анын айтымында, 22-июнда Ош шаарындагы базарлардан сырттан келген үч дарбыз сатып алган.

"Дарбызды кескенибизде ичи бир башкача кызыл, кочкул экен. Жегенде даамы жок, кычкыл тартып турду. Дарбызды мыжыкканыбызда эзилип калбай, килкилдеп, резинкага окшоп чоюлганын көрдүк. Майдаланып калган жок. Жарым сааттан кийин дарбыз кан куюп койгондон кыпкызыл болуп калды. Тасмалга мөмөнүн суусу боёк сыяктуу сиңип кетти. Үч дарбыздын экөө тең ушундай болду. Базардагы дарбыздардын бардыгы сүйрү келип, өңү, көлөмү бири-бирине окшош эле", — деди Султанов.

Ал видеону социалдык тармактарга "дарбыз дарыга бышышы мүмкүн, этияттагыла" деп элди саксактоо максатта жүктөгөнүн белгиледи. Эртеси дарбыздын сатуучусуна барып ордунан таппай койгонун, бирок тиешелүү органдарга кайрылбаганын кошумчалады.

Ош шаардык ветеринардык жана фитосанитардык коопсуздук боюнча инспекциянын жетекчиси Сүйүнбай Абдуллаев үч жума мурда эле базардагы жер-жемиштердин нитраты (туз жана азот кислотасынын эфири — ред.) текшерилгенин айтып берди.

"Түштүктүн климатында дарбыз, коондун быша турчу убагы келе элек. Алар шаарга сырттан алып келиниши мүмкүн. Бирок башка жактан алып келинген деген документти азыр көрө элекпиз. Үч жумадан бери жер-жемиштердин нитраты текшерилип жатат. Видеодогу дарбыздын дагы нитраты, тагыраагы, бат бышыруу үчүн колдонулган дарылары көп болушу мүмкүн. Мындай жемиштер көпкө сакталбайт", — деди Абдуллаев.

Ал учурда сатуучуларга жана ишкерлердин үстүнөн тамак-аш коопсуздугун сактоо боюнча көзөмөл иштери жүргүзүлүп жатканын белгиледи. Ошондой керектөөчүлөргө дагы этияттыкты сактоо боюнча түшүндүрүү аракеттери болуп жатканын кошумчалады.

Мындан тышкары, Ош шаардык ветеринардык инспекциянын жетекчиси сатып алуучуларга Кыргызстандын коон, дарбызы бышкыча бир ай күтө турууну сунуштады. Анын айтымында, бул, биринчиден, үнөмдүү, экинчиден, ден соолукка зыянын тийгизбейт.

1773
Белгилер:
нитрат, сатуучу, тургун, дарбыз, Ош
Тема боюнча
Жаңы чыккан дарбыздарды жей берсе болобу? Адистердин жообу
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

365
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

365
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда
Лыжа базасында эс алуучу. Архив

Дүйшөмбүгө карата аба ырайы

66
30-ноябрга караган түнү өлкө аймагында абанын температурасы төмөндөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 29-ноя. — Sputnik. 30-ноябрь, дүйшөмбүдө, күндүз республиканын кээ бир райондорунда кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас, Нарын облустарында -3…-8, Ош, Жалал-Абад, Баткен аймактарында -4 …-9, Ысык-Көлдө -4…+1 градус болот.

Ош жана Бишкек шаарларында жаан-чачын жаабайт. Күндүн табы борбор калаада -4…-6, Ош шаарында -1…+1 градуска жетет.

66
Белгилер:
Кыргызстан, ноябрь, аба ырайы
Тема боюнча
Декабрга карата аба ырайы. Тоолуу жерлерде суук 34 градуска жетет