Милиция кызматкерлери. Архивдик сүрөт

Чүй милициясы башаламандыкка даярданып жатабы? Расмий жооп

2250
(жаңыланган 18:55 27.06.2019)
Мурунку президент Алмазбек Атамбаевдин Кой-Таш айылындагы үйүнүн жанында тарапташтары чогулганы айтылган.

БИШКЕК, 27-июн. — Sputnik. Чүй облусунун ички иштер органдарынын өздүк курамы штаттык режимде иштеп жатат. Бул тууралуу облустук милиция билдирди.

ОИИБ айрым ЖМКларга чыккан "милиционерлер боло турчу башаламандыкка даярданып жатат" деген маалыматты төгүнгө чыгарды.

"Аламүдүн районунун Кой-Таш айылынын аймагында жайгашкан Беш-Күнгөйдөгү милиция бөлүмү да кадимки тартипте иштөөдө", — деп айтылат билдирүүдө.

Эскерте кетсек, мурунку президент Алмазбек Атамбаевдин Кой-Таш айылындагы үйүнүн жанында тарапташтары чогулганы айтылган.

2250
Белгилер:
милиция, Чүй облусу, Кой-Таш, Алмазбек Атамбаев
Тема:
Алмазбек Атамбаев статусунан ажыратылды (34)
Тема боюнча
Кремль Атамбаевдин "экс" макамынан ажыратылышы боюнча үн катты
Жан сакчы, VIP-зал, пенсия... Атамбаев кандай артыкчылыктардан кол жууду
Алмазбек Атамбаев азыр кайда? Кеңешчисинин жообу
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

95
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

95
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди
Чүй өрөөнү. Архивдик сүрөт

Жекшембиге карата аба ырайы

29
Түнкүсүн Чүй, Жалал-Абад, Ош облустарынын тоолуу райондорунда жана Ысык-Көл менен Нарын жергесинин кээ бир өрөөндөрүндө өткүн өтүп, күн күркүрөйт.

БИШКЕК, 30-май — Sputnik. 31-майда Жалал-Абад, Ош жана Баткен облустарынын тоо этектеринде жана тоолуу райондорунда өткүн өтүп, күн күркүрөшү күтүлөт. Ал эми калган аймактарда күн ачык болот. Бул тууралуу Кыргызгидромет маалымдады.

Түндүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге чейин жетет.

Абанын температурасы Талас менен Чүй өрөөнүндө +28…+33 градус, Ош, Баткен, Жалал-Абад облустарында +30…+35 жана Ысык-Көл менен Нарын жергесинде +23…+28 градус ысык болору айтылды.

Ал эми күндүн табы Бишкек шаарында +30…+32 градуска чейин көтөрүлсө, Ошто +33…+35 градуска дейре жогорулайт.

29
Белгилер:
май, аба ырайы, Кыргызстан
Тема боюнча
Аптанын соңунда жаан жаайт. Бир жумага карата аба ырайы
Министр: туристтер Ысык-Көлгө эч тоскоолдуксуз кире алат