Фастфуд эркектерди тукумсуздукка кептейт. Окумуштуулардын тыянагы
Адистер изилдөө учурунда үч миң адамдын медициналык маалыматтарын текшерген.
БИШКЕК, 28-июн. — Sputnik. Өспүрүм куракта фастфудду көп жеген адам тукумсуздукка кабылышы мүмкүн. Бул тууралуу "Лайфхакер" Гарвард университетинин окумуштууларына шилтеме берип жазды.
Окумуштуулар үч миң адамдын (орточо курагы 19 жаш) медициналык маалыматтарын иликтеген. Алардын ар бири эмне менен азыктанарын айтып берген. Өспүрүмдөргө болгону төрт варианттын бирин тандоо сунушталган:
- Кайра иштетилген азык жана майлуу тамактар;
- Вегетариандардын тамагы;
- Тоок, балык, жашылча жана жемиш;
- Кайра иштетилген эт, дан азыктары, балык жана сүт азыктары.
Натыйжада окумуштуулар биринчи вариантты тандагандардын абалы өтө оор экенин байкашкан. Аларда уруктун көлөмү жана кыймылдуулугу начар болору аныкталган.
"Мындай режим менен жашагандардын сперманы иштеп чыгарган сертоли клеткалары алсыз келет", — дешти окумуштуулар.
Илимпоздордун айтымында, туура тамактанууга өтүү менен үч айдын ичинде сперманын көлөмүн көбөйтүүгө болот, бирок сертоли клеткалары калыбына келбейт.
Кытайда төөлөр үчүн өзгөчө жол чырак орнотулду. Сүрөт
Мындай жол чырак азырынча дүйнөнүн бир да жеринде жок экени айтылды. Ал Кытайдын туристтер көп барган шаарына коюлган.
БИШКЕК, 19-апр.— Sputnik. Кытайда төөлөр үчүн өзгөчө жол чырак орнотулганын China News басылмасына таянып Sputnik Өзбекстан кабарлады.
World's first traffic light for camels debuted at the scenic spot of Mingsha Mountain and Crescent Spring in China's Gansu on Sunday.
— China News 中国新闻网 (@Echinanews) April 12, 2021
When the traffic signal turns green, camels can cross the road, while tourists cross when the signal turns red, greatly ensuring traffic safety. pic.twitter.com/JZ7VkLDMQx
Маалыматка ылайык, жабдуу туристтер көп барган Дуньхуан шаарына орнотулган.
"Чет элдик саякатчылар Минша тоосуна, Могао чөлүндөгү храмдарга, Юмэнь жана Янгуань ашууларына көп барат. Бирок ал жакта төөлөр да арбын. Мындан улам эки жак бири-бирине тоскоолдук жаратпаш үчүн жол чырак коюлган", — деп жазылат билдирмеде.
Жергиликтүү бийлик белгилегендей, жол чырак кыймылдын коопсуздугун камсыз кылат жана дүйнөдө мындай жабдуулар азырынча жок.
Жол чыракта төөнүн сүрөтү жашыл болуп күйгөндө төөлөр өтөт, бул учурда туристтер токтоп турушу шарт. Төөнүн сүрөтү кызыл болгондо жаныбарлар токтоп, элди өткөрө турганы айтылды.
Белгилер:
Дүйшөмбүгө карата аба ырайы
19-апрелге караган түнү өлкөнүн көпчүлүк аймактарында жаан, тоолуу райондордо кар жаашы ыктымал. Ысык-Көл облусунда жаан-чачын күтүлбөйт.
БИШКЕК, 18-апр. — Sputnik. Дүйшөмбү, 19-апрелде, күндүз республиканын дээрлик бардык аймактарында күн ачык болот. Бир гана Нарын облусунун кээ бир жерлеринде жаан, тоолуу райондорунда кар жаашы ыктымал. Бул тууралуу Кыргызгидромет кабарлады.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Абанын температурасы Чүй өрөөнүндө +18...+23, Талас жергесинде +16...+21, Ош, Жалал-Абад, Баткен облустарында +20...+25, Ысык-Көл, Нарын аймактарында +12...+17 градус болору айтылды.
Күндүн табы Бишкекте +21...+23, ал эми Ошто +23...+25 градусту көрсөтөт.
Белгилер:
Россия тик учактын ордун баса турчу чакан аэромобилдерди чыгарат. Видео
Россиянын Перспективдүү изилдөөлөр фонду "Циклон" долбоорунун алкагында "Циклокар" деп аталган инновациялык аэромобиль чыгаруу иштерин баштады.
Бул машина 600 килограммдык жүк көтөрүүгө ылайыкталып, ичине алты адам батат. Муну жүзөгө ашыруу иштерин Россия Илимдер академиясынын Сибирдеги бөлүмүнүн Теплофизиктер институту аткарары айтылды.
Биринчи этапта машинанын алдын ала долбоору даярдалган. Ошондой эле диаметри 1,5 метрлик циклдүү кыймылдаткычын жерден сынап көрүшкөн. "Циклокардын" жалпы көлөмү (узун-туурасы) 6,2 жана 6 метрди түзөт, саатына 250 чакырымга чейинки ылдамдыкта жүрөт. Ал эми тыным албай 500 чакырымга чейин жетсе болору белгиленген.
Аэромобиль тик учакка салыштырмалуу чакан эмес, ал имараттардын четине токтоп ичиндеги адамдарды түшүрүүгө да ылайыкташкан.
Белгилер: