БИШКЕК, 28-июн. — Sputnik. Кыргызстандын Улуу Британиядагы элчиси Эдил Байсалов социалдык тармактан бөлүшкөн маалыматы боюнча Sputnik Кыргызстан агенттигинин жазган кабарына өзүнүн пикирин билдирди.
28-июнда элчи Twitter баракчасына мурдагы президент Алмазбек Атамбаевден мамлекеттик күзөт алынганы боюнча super.kg порталынын жазган маалыматын бөлүшкөн.
"Саат 4:30да Атамбаевден мамлекеттик күзөт алынды. Ал кечээ мындай аракеттер соттун чечиминен кийин ишке ашарын айткан. Бирок ал эми экс-президент эмес да, коргоого алынбайт", — деп жазган.
в 4:30 утра от Атамбаева снята госохрана. вчера он утверждал, что это произойдёт после решения суда. но он уже не экс-президент и не находится под защитой. https://t.co/6Y3FHN6qMe
— Edil Baisalov (@baisalov) 28 июня 2019 г.
Улуттук коопсуздук мамлекеттик комитети Байсаловдун жазгандарын төгүнгө чыгарган.
Sputnik агенттигинин Twitter баракчасына жарыяланган маалыматка Байсалов төмөндөгүдөй билдирүү калтырган. "Силер эмне??? Маалыматты @superkg2006 Атамбаевдин штабынын активисти Алга Кылычевге таянып жазган".
вы чего??? новость была @superkg2006 со ссылкой на активиста атамбаевского штаба - Алга Кылычева
— Edil Baisalov (@baisalov) 28 июня 2019 г.
27-июнда Жогорку Кеңеш Алмазбек Атамбаевдин экс-президент статусунан ажыраткан болчу. Анын тарапташтары Кой-Таштагы үйүнүн жанына чогулушкан. Ал эми Атамбаев күч органдары аны кармоого даярданып жатканын билдирген.
Sputnik Кыргызстан агенттиги Атамбаевдин Кой-Таштагы үйүнөн тексттик трансляция жүргүзүүдө.
