Зыяратчылар. Архив

Муфтият ажылык сапар башталчу так күндү айтты

773
Быйыл Сауд Аравиясы Кыргызстанга 5510 квота бөлгөн.

БИШКЕК, 30-июн. — Sputnik. Биринчи топ ушул жылдын 17-июлуна караган түнү саат 3.45те Бишкектен Мекке шаарына учуп кетет. Жалпы жонунан 18 каттам каралган. Бул тууралуу муфтияттан кабарлашты.

Маалыматка ылайык, Бишкек шаардык борбордук мечитинде муфтий Максатбек ажы Токтомушев Меккеге бара турган зыяратчыларды коштоп жүрүүчү 109 ажыга лицензия тапшырды. Ал алгач Мина, Арафат тоосунда жана Муздалифа өрөөнүндө аткарыла турган амалдар, ыйык Каабаны айлануу эрежеси тууралуу баяндама жасады. Анда ар бир ажы башчы өзүнө бөлүнгөн 49 адамга жооптуу экендиги белгиленип, Сауд Аравиянын мыйзамдарын, ал жакта жүрүүнүн эрежелерин түшүндүрүү керектиги эскертилди.

"Ажылык оңой-олтоң сапар эмес. 30 күн ичинде өмүрүндө биринчи жолу ажылык сапарга чыккан зыяратчылар ар кандай кыйынчылыкка кабылышы мүмкүн. Алардын көңүлүн оорутпай, бардыгына чыдап, ак ниетиңиздерден кызмат кылыңыздар. Сиздер баргандан келгенге чейин болочок ажылардын өмүрүнө, коопсуздугуна, саламаттыгына жооптуусуздар. Андыктан алардын ден соолугун карап, биримдикте болуп, бири-бириңиздерге жардам бериңиздер", — деди муфтий.

Ал ошондой эле ажы башчыларды штабга баш ийип, алардын тапшырмаларын өз убагында аткарууну милдеттендирди.

Эскерте кетсек, быйыл Сауд Аравиясы Кыргызстанга 5510 квота бөлгөн.

773
Белгилер:
Максатбек ажы Токтомушев, Муфтий, зыярат, Мекке, ажылык сапар
Тема:
Ажылык — 2019 (13)
Тема боюнча
Ажыга барчуларды эмдөө маалы белгилүү болду
Быйылкы ажылык сапардын баасы бычылды