КРдин куралдуу күчтөрүнүн башкы штабынын жетекчиси Райимберди Дүйшөнбиев Ысык-Көлдү айлана чуркаган Улуттук гвардиянын улук сержанты Кайратбек Рапиевди сыйлады

Ысык-Көлдү уктабай айлана чуркап өткөн улук сержант сыйланды

283
(жаңыланган 13:58 01.07.2019)
Улуттук гвардиянын улук сержанты эми 560 чакырымды уктабай чуркап өтүп, дүйнөлүк рекорд коюуну пландап жатат.

БИШКЕК, 1-июл. — Sputnik. КРдин куралдуу күчтөрүнүн башкы штабынын жетекчиси Райимберди Дүйшөнбиев Ысык-Көлдү айлана чуркаган Улуттук гвардиянын улук сержанты Кайратбек Рапиевди сыйлады. Бул тууралуу Генералдык штабдан кабарлашты.

  • Начальник Генерального штаба Вооруженных сил КР генерал-майор Райимберди Дуйшенбиев наградил гвардейца, который пробежал вокруг озера Иссык-Куль за двое суток
    КРдин куралдуу күчтөрүнүн башкы штабынын жетекчиси Райимберди Дүйшөнбиев Ысык-Көлдү айлана чуркаган Улуттук гвардиянын улук сержанты Кайратбек Рапиевди сыйлады
    © Фото / пресс-служба Генерального штаба Вооруженных сил КР
  • Начальник Генерального штаба Вооруженных сил КР генерал-майор Райимберди Дуйшенбиев наградил гвардейца, который пробежал вокруг озера Иссык-Куль за двое суток
    Генералдык штабдын башчысы алгач сержанттын ден соолугун сурап, анын чуркаганына көз салып турганын айтты. Ага экинчи деңгээлдеги "Аскер кызматындагы өзгөчөлүгү үчүн" медаль тапшырылды.
    © Фото / пресс-служба Генерального штаба Вооруженных сил КР
1 / 2
© Фото / пресс-служба Генерального штаба Вооруженных сил КР
КРдин куралдуу күчтөрүнүн башкы штабынын жетекчиси Райимберди Дүйшөнбиев Ысык-Көлдү айлана чуркаган Улуттук гвардиянын улук сержанты Кайратбек Рапиевди сыйлады

26-июнда Улуттук гвардиянын №10121 аскер бөлүгүнүн улук сержанты Рапиев ультрамарафонго чыккан. Ал бул марафонун Улуттук гвардиянын 27 жылдыгына арнаган. Андан сырткары, жаштарды сергек жашоо мүнөзүнө үндөөнү максат кылган.

Жыйынтыгында Рапиев Ысык-Көлду 43 саат 55 мүнөттө уктабай айланып чуркап чыккан.

Генералдык штабдын башчысы алгач сержанттын ден соолугун сурап, анын чуркаганына көз салып турганын айтты. Ага экинчи деңгээлдеги "Аскер кызматындагы өзгөчөлүгү үчүн" медаль тапшырылды.

Рапиев өз кезегинде марафонго болгон даярдыктары жана аскер кызматындагы спортко болгон кызыгуусу тууралуу айтып берди. Аны менен катар ал америкалык Дин Карнасистин рекордун жаңылоону пландап жатат. Карнасис 2005-жылы 560 чакырымды 80 саат 44 мүнөттө уктабай чуркап өткөн.

283
Белгилер:
марафон, сыйлоо, Улуттук Гвардия, Генералдык штаб
Тема боюнча
Улуттук гвардиянын жоокери Ысык-Көлдү айланып чуркап өтөт. Сүрөттөр
Бутум ооруксунду... 44 саатта Ысык-Көлдү айланып чуркап өткөн жоокер. Сүрөт
Бишкек шаары. Архив

Бейшембиге карата аба ырайы

25
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

25
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы
Киши баттирден ключ кармап турат. Иллюстративдик сүрөт

Мэрия аянтта көз жумган Үмүтбек Алтынбек уулунун атасына үй берүүнү пландап жатат

43
(жаңыланган 21:00 25.11.2020)
Белек кылынчу батир Бишкектин Анкара көчөсүндө жайгашкан. Үй Үмүтбектин атасы Алтынбек Жуматаевге акысыз негизде менчиктештирүү жолу менен өткөрүп берилмекчи.

БИШКЕК, 25-ноя. — Sputnik. Мэрия 5-6-октябрь күнү борбордук аянттагы кагылышууда көз жумган Үмүтбек Алтынбек уулунун атасына батир белек кылууну пландап жатат. Бишкек шаардык кеңешинин тийиштүү токтому коомдук талкууга коюлган.

Анда жазылгандай, белек кылынчу батир Бишкектин Анкара көчөсүндө жайгашкан. Үй Үмүтбектин атасы Алтынбек Жуматаевге акысыз негизде менчиктештирүү жолу менен өткөрүп берилмекчи.

Аталган токтом долбоору Турак жай кодексинин 5-13-58-беренелерине, "Мүлккө муниципалдык менчик жөнүндө" мыйзамдын 12-беренесине жана "Жергиликтүү өз алдынча башкаруу жөнүндө" мыйзамдын 18-беренесине ылайык ыйгарылмакчы.

Токтомдо 2020-жылдын 11-ноябрында ошол кездеги президенттин милдетин аткаруучу жана премьер-министр Садыр Жапаров бул боюнча тапшырма берип кеткендиги да белгиленген.

"6-ноябрда Садыр Жапаровдун атына Үмүтбек Алтынбек уулунун үй-бүлөсүнөн турак жай берүүнү суранган кайрылуусу келип түшкөн. Каза болгон бала төрт бир тууган болчу. Эң кичүүсү 7 айлык. Атасы механик болсо, апасы үй кожойкеси", — деп жазылган токтомдо.

Мэрия "Муниципалдык менчик жөнүндө" мыйзамдын 12-беренесинде "өзгөчө учурларда жергиликтүү кеңештин чечими менен муниципалдык менчиктеги турак жай фондунун объектилерин жеке адамдардын менчигине акысыз негизде өткөрүп берүү мүмкүн" деп көрсөтүлгөнүн белгилеп кеткен.

"Ала-Тоо" аянтындагы митингден жабыркагандар

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

43
Белгилер:
үй-бүлө, батир, кагылыш, митинг, Үмүтбек Алтынбек улуу, Бишкек
Тема боюнча
Митингде бир көзүнөн айрылган Уларбектин таежеси: экинчи көзү да коркунучта
Эмгек жана социалдык өнүктүрүү министри Ализа Солтонбекова

Солтонбекова Ализа Карыпбековна өмүр баяны

0
(жаңыланган 22:22 25.11.2020)
Эмгек жана социалдык өнүктүрүү министри Ализа Солтонбекова 1978-жылы 5-апрелде Бишкек шаарында төрөлгөн.
  • Билими:
    1999-жылы Бишкектеги Алиаскар Токтоналиев атындагы финансы экономикалык техникумунун "өндүрүштүк ишканалардын финансысы" адистигин артыкчылык менен аяктаган;
  • 2005-жылы Жусуп Баласагын атындагы Кыргыз улуттук университетинин "финансы жана кредит" адистигин артыкчылык менен аяктаган;
  • 2011-жылы Президенттин алдындагы башкаруу академиясынын "менеджмент" адистигин бүтүргөн;
  • 2016-жылы Тышкы иштер министрлигинин Казы Дикамбаев атындагы дипломатиялык академиянын "эл аралык мамилелер" адистигин аяктаган.

Эмгек жолу:

  • 1995-1998 — Н. Биримкулов атындагы орто мектебинин мугалими;
  • 1999-2003 — Ивановка айылындагы №1 орто мектебинин мугалими;
  • 2003-2004 — Ысык-Ата районуна караштуу Ивановка айыл өкмөтүнүн жаштар комитетинин төрайымы, жашы жете элек өспүрүмдөрдүн иштери боюнча адис;
  • 2004-2008 — Чүй райондук мамлекеттик администрациясынын башкы адиси;
  • 2008-2010 — Чүй райондук мамлекеттик администрациясынын башчысынын орун басары;
  • 2012-2017 — Өкмөттүн аппаратында каттар жана жарандарды кабыл алуу бөлүмүнүн башчысы;
  • 2017-2018 — Өкмөттүн Чүй облусундагы ыйгарым укуктуу өкүлүнүн социалдык суроолор боюнча орун басары;
  • 2018-2020 — Эмгек жана социалдык өнүктүрүү министринин орун басары.
  • 2020-жылдын 25-ноябрынан тарта эмгек жана социалдык өнүктүрүү министри.

Мамлекеттик жарандык кызматтын 1-класстагы кеңешчиси.

0
Белгилер:
справка, таржымал, кызмат, Өмүр баяны, министр, Ализа Солтонбекова
Тема боюнча
Ализа Солтонбекова министрлик ишине расмий киришти
Зулпиев Бектур Рысбаевич — өмүр баяны