Жолдогу автоунаалар. Архив

"Коопсуз шаар": эми өлкөнүн кайсы жолдоруна камера орнотулары айтылды

1866
(жаңыланган 13:14 05.07.2019)
Жалпысынан 306 камера коюлмакчы.

БИШКЕК, 5-июл. — Sputnik. "Коопсуз шаар" долбоорунун экинчи этабында 306 стационардык жана көчмө көзөмөл камералары орнотулат. Бул туурасында Жол кыймылы коопсуздугун камсыздоо башкы башкармалыгынын орун басары Ыманалы Саркулов маалымат жыйында билдирди.

Анын айтымында, учурда долбоорду ишке ашыруу үчүн тендер өтүп жатат. Ага төрт компания катышууда, арасында биринчи этапты ишке ашырган "Вега" компаниясы да бар.

"2020-жылдан тарта "Коопсуз шаардын" экинчи этабын ишке киргизүү пландалууда. Камералар өлкөнүн негизги шаарларына жана башкы трассаларына орнотулат", — деди Саркулов.

Камера коюла турчу аймактардын тизмеси:

  • Бишкек — Балыкчы — Торугарт жолу;
  • Кара-Балта — Жалал-Абад жолу;
  • Жалал-Абад — Өзгөн — Ош жолу;
  • Ош — Сары-Таш — Эркечтам жолу;
  • Ош шаары.
1866
Белгилер:
Кыргызстан, камера, Коопсуз шаар
Тема боюнча
Жол эрежесин бузгандардын айып пулу азаябы? Саркуловдун жообу
ЖКККББ: камера бар жерлерде унаа кырсыгынан бир да адам каза болгон жок
Детская соска на национальной валюте. Архивное фото

ӨА учурунда жетишпей калдыңызбы? "Балага сүйүнчүнү" азыр да сураса болот

4
(жаңыланган 15:37 29.05.2020)
2018-жылдын 1-январынан тарта "Мамлекеттик жөлөк пулдар жөнүндө" мыйзамдын "Балага сүйүнчү" пункту ишке кирген. Ага ылайык, төрөлгөн бардык ымыркайга 4000 сом өлчөмүндө акча берилип баштаган.

БИШКЕК, 29-май — Sputnik. Өлкөнүн айрым аймактарында өзгөчө абал жарыяланган учурда "балага сүйүнчү" сурап кайрыла албай калган ата-энелер бир жолку бул төлөмдү эми деле ала берсе болот. Бул тууралуу Мамлекеттик каттоо кызматынан билдиришти.

Эскерте кетсек, 2018-жылдын 1-январынан тарта "Мамлекеттик жөлөк пулдар жөнүндө" мыйзамдын "Балага сүйүнчү" пункту ишке кирген. Ага ылайык, төрөлгөн бардык ымыркайга 4000 сом өлчөмүндө акча берилип баштаган. Ата-энелер бала алты айга толгуча арыз менен кайрыла алат.

"Өзгөчө абал режими учурунда Мамлекеттик каттоо кызматынын алдындагы Калкты жана жарандык абалдын актыларын каттоо департаменти убактылуу иштебей турду. Бул аралыкта балдарына алты айдан ашып кеткен ата-энелер эми дагы кайрылса болот", — деп айтылат билдирүүдө.

Кайрылуу үчүн атанын же эненин паспорту, баланын туулгандыгы тууралуу күбөлүгү жана банктык реквизиттер талап кылынат.

4
Белгилер:
балага сүйүнчү, мөөнөт, документ, Кыргызстан
Тема боюнча
Кыргызстанда кызмат көрсөтүү боюнча эки уникалдуу тиркеме иштелип чыкты
10 объектини кыдырсаң, ардактуу турист болосуң! Өлкөдөгү өзгөчө сынак
Жалал-Абад облусунун Сары-Челек көлү. Архив

10 объектини кыдырсаң, ардактуу турист болосуң! Өлкөдөгү өзгөчө сынак

6
(жаңыланган 15:34 29.05.2020)
Конкурска катышчулар министрлик көрсөткөн 10 объектиге барып, алардын жанынан сүрөткө түшүп, аны ведомствонун электрондук дарегине же "Уникалдуу Кыргызстан" хэштеги менен соцтармакка жүктөшү керек.

БИШКЕК, 29-май — Sputnik. Өлкөдө ички туризмди өнүктүрүү максатында кыргызстандыктарга өзгөчө сынак жарыяланды. Бул тууралуу маданият, маалымат жана туризм министри Азамат Жаманкулов брифинг учурунда билдирди.

Анын айтымында, өлкөдөгү тарыхый, жаратылышы кооз 10 объектини кыдырган жарандарга "Ардактуу турист" деген наам ыйгарылат.

Сынакка катышуу үчүн жарандар төмөнкү 10 жерге барышы керек:

  • "Бурана" комплекси;
  • "Өзгөн" мунарасы
  • "Таш-Рабат" тарыхый комплекси;
  • "Сары-Челек" коругу;
  • "Манас" күмбөзү;
  • Сан-Таш;
  • "Сказка" каньону;
  • "Арстанбап" жаңгак токою;
  • Сулайман-Тоо;
  • "Шах-Фазиль" комплекси.
"Бул комплексти кыдырып келгендер "Ардактуу турист" наамына ээ болот. Алар аталган объектилерге барып жанынан сүрөткө түшүп, министрликтин электрондук дарегине же "Уникалдуу Кыргызстан" хэштеги менен соцтармакка жүктөшү керек", — деди Жаманкулов.

Министр бул сынак быйыл эле эмес, жыл сайын уюштурулуп турарын кошумчалады.

6
Белгилер:
туризм, жаратылыш, сынак, Кыргызстан
Тема боюнча
Өкмөт: музей кызматкерлеринин эмгек акысы 80%га көбөйдү
1-июндан баштап иштечү тармактардын тизмеси айтылды