Ойноп жаткан балдар. Архив

Ысык-Көлдө үч өлкөнүн таланттуу балдары чогулду

59
Сары-Ой айылындагы иш-чарага 400 бала катышууда.

БИШКЕК, 5-июл. — Sputnik. Ысык-Көлдө Кыргызстан, Өзбекстан жана Казакстандын лидер-окуучулары жана сүрөтчү балдары чогулган "Ысык-Көл балдардын көзү менен" аттуу жолугушуу өтүп жатат. Бул тууралуу Билим берүү жана илим министрлигинин маалымат кызматынан билдиришти.

Сары-Ой айылында өтүп жаткан иш-чарага 400 бала катышууда. Программа боюнча алар бизнес-оюндарга, "Бирге кадам таштоо", "Биз дүйнөнү жакшыртабыз" социалдык долбоорлоруна жана ыр, бий сынактарына катышат.

Быйыл төртүнчү жолу өтүп жаткан жолугушууга алгачкы жолу "Командада иштөө. Лидерлик", "Эмоциялык интеллектти өстүрүү", "Маалыматтык коопсуздук", "Пикир келишпестик жана аны чечүү жолдору" аттуу тренингдер болот.

Ошондой эле балдар Юристанбек Шыгаев, Мухтархан Исанов, Карыпбек Рыскелдиев, Дүйшөнбек Искаков сыяктуу сүрөтчүлөрдүн көргөзмөлөрүнө күбө болот.

59
Белгилер:
жолугушуу, окуучулар, Ысык-Көл облусу
Тема боюнча
Дүйнө элдеринин эпостору даңазаланат! Бишкектеги ири фестиваль