Эңилчекте 2 адамды атты деп изделип жаткан кароолчу тууралуу айылдаштары айтып берди

© Фото / аккаунт С.С. в ok.ruЭңилчек жайлоосунда жайгашкан "Хан-Теңири" аңчылык лагеринде эки адамды атты деп шектелип издөөгө алынган жаран
Эңилчек жайлоосунда жайгашкан Хан-Теңири аңчылык лагеринде эки адамды атты деп шектелип издөөгө алынган жаран - Sputnik Кыргызстан
Жазылуу
Эңилчек жайлоосунда эки адамды өлтүрүп, бирөөнү жарадар кылды деп шектелген жаран изделип жатат.

БИШКЕК, 5-июл. — Sputnik. Эңилчек жайлоосунда жайгашкан "Хан-Теңири" аңчылык лагеринде эки адамды атты деп шектелип издөөгө алынган жаран Түп районунун Тогуз-Булак айылында чоң энесинин колунда өскөн. Бул тууралуу өзүн анын бала кездеги досумун деп тааныштырган Элдос Молдакунов Sputnik агенттигинин аймактагы кабарчысына билдирди.

“Анын апасы тууралуу эч бир маалыматым жок, бала кезден чоң энесинин колунда чоңойгон. Кийин 5-6-класс окуп жатканда чоң энеси каза болгон. Ошондо Түптүн райондук борборунда жашаган атасы келип, чоң энеси менен жашаган үйдү сатып, баласын алып кеткен. Атасы көп ичкен киши болчу. С.С. өзү мектептен жакшы окуганга аракет кылчу”, — дейт Молдакунов.

Анын айтымында, бала кездеги досуна акыркы ирет эки жыл мурда ал айылга келгенде жолуккан.

“Аны көрүп аябай таң калгам. Толуп калыптырсың десем, жашоом жакшы деп жооп берген. Кебетеси көчөдөн келген баладай эмес, жакшынакай, кийим-кечеги дагы зыңкыйган болчу. Негизи мүнөзү токтоо, бир калыпта жүргөн бала эле. Мындай жолго эмне себептен барышы мүмкүн деп таң калып жатам”, — деди ал.

Ошондой эле кабарчы Тогуз-Булак айылынын тургуну, шектүүнүн алыс тууганы Павел Смирнов менен дагы сүйлөштү.

Пляж пансионата Аврора на Озере Иссык-Куль - Sputnik Кыргызстан
Ысык-Көлдө туристтердин коопсуздугуна коркунуч жок. ИИМдин билдирүүсү
"Биз менен көп катышчу эмес. Эки жыл мурун келгенде үйдөгүлөр менен учурашып кеткен. Кандай жүргөнүн айткан эмес, болгону баары жакшы деген болчу”, — Смирнов.

Эске салсак, 4-июлда Ак-Суу райондук нөөмөт бөлүмүнө Сырт өрөөнүндөгү Эңилчек жайлоосунда жайгашкан "Хан-Теңири" аңчылык лагердин башчысынын 49 жаштагы орун басарын жана 31 жаштагы кызматкерин атып кетишкени боюнча маалымат түшкөн. Экөөнөн тышкары ошол эле жердеги дагы бир кызматкер ок чыгарган адамдын колунан бычак жегени жана 48 жаштагы аял барымтага алынганы айтылган. Бирок аял аман-эсен бошонуп чыккан.

Кийин бул иштерге шектүү делип лагердин кароолчусу, Түп айылынын 29 жаштагы тургуну изделе баштаган. Учурда бул иш менен Ысык-Көл облусунун ИИБинин атайын даярдыктагы аскерлери алек болууда.

Жаңылыктар түрмөгү
0