Телефон колдонуп жаткан кыз жана бала. Архив

Чала тааныш адамдын мээсин чакпа! Мессенджер колдонуу этикети

619
(жаңыланган 20:33 06.07.2019)
Бүгүнкү күндө WhatsApp, Telegram, Facebook Messenger, Instagram Direct сыяктуу мессенджерлерди колдонбогон киши чанда кездешет.

Ишибиздин баарын ушулар аркылуу бүтүрөбүз. Атургай орус окумуштуулары адам баласынын тарыхында азыркыдай көп жазуу жана кат алышуу болгон эмес деп жатышат.

Мындан улам мессенджерлер жашообуздун ажырагыс бөлүгү болуп калганын аңдасак болот. Демек, аны колдонуу боюнча өз тариби, эрежеси дагы калыптанып калган кез.

Интернет аркылуу баарлашуу маданияты боюнча РИА Новости агенттигинин "Үн билдирүүлөр эмнеге кыжырыбызды келтирет?" деп аталган макаласынын негизинде кеңештерди даярдадык. Мындан тышкары, макалага этикет мугалими Нуржан Исмаилованын пикирлери кошулду.

Үн билдирүү

Үн билдирүү айрым адамдардын кыжырын келтирет. Анткени аны угуу дайыма эле ыңгайлуу эмес. Бирок андан дагы чала тааныш адамдар ортосунда "сый" мамилени сактоо деген түшүнүк бар. Тагыраагы, жаңы эле таанышкан, иш боюнча кайрылып жаткан адамга үн билдирүү жөнөтүү туура эмес. Бирок сиз кайрылып жаткан адам өзү сизге алгач үн билдирүү жөнөтсө, анда жолуңуз ачык. Ал эми үй-бүлө мүчөлөрүнө, эң жакын досторго каалаганча жибере бериңиз. Бир гана шарт — үндүн сапатына көңүл буруу керек. Мисалы, катуу музыка жаңырып жаткан жерде же транспорт шуулдап каттаган көчөдө жазылган үн билдирүү кандай угуларын өзүңүз жакшы билесиз.

Билдирүүнүн мындай түрү аны укчу кишиге гана эмес, жиберген адамга дагы терс таасирин тийгизип коюшу мүмкүн. Анткени кээ бир кишилер үн билдирүүнү көргөндө эле анан угам деп кийинкиге калтырып коёт дагы унутуп калат. Демек, маанилүү бир нерсе айткан болсоңуз, аны эч качан билбей дагы калышы мүмкүн.

Тайпа маданияты

Мессенджерлерде тайпалардын түрү болот эмеспи. Туугандар, достор, кесиптештер, коңшулар, айтор, санай берсе түгөнбөйт. Керек болсо бир иш-чараны уюштуруу үчүн дагы атайын тайпа ачып алабыз. Үй-бүлө жана жакын достордун пайдасына эч тийишпейбиз, ал жакта эмне кылсаңар өз эркиңер. Бирок башкаларында кадимкидей эрежелерден чыкпаш керек. Мисалы, бир же эки адам менен гана сүйлөшкүң келсе, алардын жеке өзүнө жазыңыз. Силерден башкага кызыксыз маселе менен тайпадагылардын башы оорубашы керек. Ошондой эле өтө зарыл гана маселе болбосо, дем алыш күндөрү жана жумуштан кийин жазбай эле койгон туура. Баса, тайпага жарнамаларды, фейк жаңылыктарды ыргыта берген адамды эч ким жакшы көрбөйт.

Катасыз жаз

Катасыз жазганга аракет кылгыла. Ал эми жаштар арасында кеңири колдонулган "кандайс", "оа" деген сыяктуу сөздөрдү байтааныш адам менен же жумуш боюнча байланышып жаткан учурда колдонбой эле койгон туура.

Смайлик

Кээ бирөөлөр смайлик колдонууда оголе чектен чыгып кетет. Ар бир сүйлөмдүн аягына коюп, керек болсо сөзү жок эле "эмоцияларын" гана көрсөткөндөр бар. Бул адаттан кичине оолакташ керек. Ал эми кызматтык кат алышууларга смайлик колдонууга негизинен уруксат берилбейт. Качан гана маектешиңиз өзү смайликтерди колдоно баштаганда бул тууралуу сиз дагы ойлонсоңуз болот.

Өзүн тааныштыруу керекпи?

Социалдык тармактардын мессенджерлеринен жазып жатканда профилден көрүп алат деген ой менен кайсы ишканада иштей турганыбызды жазбай калабыз. Ал эми билдирүүнү окуп жаткан адамдын сиздин баракчаңызды карап, кайда иштериңизди көрүп чыгууга убактысы же мүмкүнчүлүгү жок болуп калышы ыктымал. Андыктан алгач өзүн толук тааныштыра кетүү туура.

Бир сөз менен токтоп калбаңыз

Бейтааныш адамга кайрылганда, учурашкандан кийин сөзсүз эмне маселе менен жазып жатканыңызды түшүндүрүү шарт. Анткени айрымдар "Салам!" деген бойдон токтоп калат. Көпчүлүк адамдар, өзгөчө аял киши мындай билдирүүлөргө жооп бергиси келбейт. Себеби түшүнүктүү болсо керек.

619
Белгилер:
жазуу, WhatsApp, этикет, кат
Тема:
Өзүн алып жүрүүнүн эрежеси (41)
Тема боюнча
ИИМ чагымчыл маалыматтарды тараткандарды жазалайт
Албагандан кийин улам бирин кие бербе. Дүкөндө жүрүүнүн 6 эрежеси
Президент Сооронбай Жээнбеков. Архив

Жээнбеков Эгемендүүлүктүн 30 жылдыгын белгилөө жарлыгына кол койду

13
(жаңыланган 14:20 21.09.2020)
КРдин Жогорку Совети 1991-жылдын 31-августунда Кыргызстандын мамлекеттик көз карандысыздыгы жөнүндө декларацияны кабыл алган.

БИШКЕК, 21-сен. — Sputnik. Президент Сооронбай Жээнбеков "Кыргыз Республикасынын көз карандысыздыгынын 30 жылдыгын белгилөөгө даярдык көрүү жөнүндө" жарлыкка кол койду. Бул туурасында мамлекет башчынын маалымат кызматы билдирди.

КРдин Жогорку Совети 1991-жылдын 31-августунда Кыргызстандын мамлекеттик көз карандысыздыгы жөнүндө декларацияны кабыл алган. Ага ылайык, өлкө көз карандысыз, эгемендүү, демократиялык мамлекет деп жарыяланган.

Жарлыктын негизинде токтом кабыл алынды.

Байыркы бабам кандай эле?.. Эл энчисиндеги эгемендик тууралуу эки ооз сөз

Өкмөткө төмөнкүлөр сунушталды:

  • Кыргыз Республикасынын көз карандысыздыгынын 30 жылдыгын белгилөө менен байланышкан иш-чараларды даярдоо жана өткөрүү боюнча уюштуруу комитетин түзүү;
  • Даярдоо жана өткөрүү боюнча иш-чаралардын планын 2020-жылдын 1-декабрына чейин бекитүү;
  • Аталган иш-чараларды даярдоо жана өткөрүү үчүн зарыл болгон финансылык каражаттарды республикалык бюджеттен бөлүүнү кароо;
  • Жарлыктын аткарылышын көзөмөлдөө президенттин аппаратынын жетекчисине жүктөлсүн.
13
Белгилер:
жарлык, майрам, белгилөө, көз карандысыздык, Кыргызстан
Тема боюнча
Си, Трамп жана Испания королу. Кыргызстандыктарды 32 өлкөнүн башчысы куттуктады
Мамлекеттик ипотекалык компаниянын төрайымы Элмира Абжапарова ЕАЭБ

Абжапарова: ипотекалык насыя боюнча Кыргызстан ЕАЭБде үчүнчү орунда

6
(жаңыланган 14:01 21.09.2020)
Мамлекеттик ипотекалык компаниянын төрайымы Элмира Абжапарова ЕАЭБ өлкөлөрүндөгү турак жай менен камсыздоо программаларына саресеп салды.
Абжапарова: ипотекалык насыя боюнча Кыргызстан ЕАЭБде үчүнчү орунда

Мамлекет тарабынан калкты үй менен камсыздоо саясаты Кыргызстанда Евразия экономикалык биримдигине кирген өлкөлөр арасында жаман эмес позицияда турат. Мындай иликтөөсү менен Элмира Абжапарова Sputnik Кыргызстан радиосунун "Ачык кеп" программасында бөлүштү.

Абжапарова: 10 пайыз менен каалаган жаран ипотека ала алат

Анын айтымында, ЕАЭБ өлкөлөрүндө ИДП менен алганда Армения биринчи орунга чыгып, жалпы ички дүң продукциясынын 5,5 пайызын ипотека берүүгө жумшайт. Экинчиде 2,7 пайыз менен Россия турса, Кыргызстан жарандарын турак жай менен камсыз кылууга ИДПсынын 1,6 пайызын коротот.

"ЕАЭБ мамлекеттеринин калкты турак жай менен камсыздоо программалары бири-биринен кескин айырмаланып турат. Бул калкынын санынан, географиялык жайгашуусунан жана кардарлардын төлөө мүмкүнчүлүгүнөн, өлкөнүн ички экономикасынан көз каранды. Кыргызстан бул багытта өтө эле артта эмес. Жалпысынан алганда уюмга мүчө-өлкөлөрдө ипотекалык насыянын орточо пайызы Россия, Казакстанда төрт, Кыргызстанда алты пайыз, Арменияда жети, Беларуста 11 пайызга жакындап барат. Ал эми төлөө мөөнөтү да 10-30 жылды камтып, ар өлкөнүн өзүнө ылайыкташкан программасы бар. Ошондой эле уюмга мүчө бизден башка мамлекеттерде калкты турак жай менен камсыздоо багытында бир гана компания алектенбей, комплекстүү иш алып барышат. Маселен, документтерин чогулткан өзүнчө мекеме болсо, курулуш жагын караган башка ишкана жардамдашат. Кыргызстандан башка өлкөлөрдө мына ушундай системалашкан. Бизде азырынча болгону жалгыз МИК иштеп жатат, себеби өлкөнүн ипотекалык саясатты баштаганына беш гана жыл болду", — деди Абжапарова.

Ал Кыргызстанда МИК тарабынан берилчү ипотеканын мөөнөтүн кийинки беш жылдыктан тарта 20 жылга узартуу сунушу өкмөткө жиберилгендигин кошумчалады.

6
Белгилер:
Элмира Абжапарова, Мамлекеттик ипотекалык компания, Евразиялык экономикалык биримдик, ипотекалык насыя
Тема боюнча
Бизде акча бар! МИК жарандарды мамлекеттик ипотека алууга чакырды