Грузовые автомобили перекрыли дорогу Ош — Чон-Алай, в знак протеста деятельности золотодобывающей компании Кайди ТИК

Чоң-Алайда эл жапкан жол жарым сааттан кийин ачылды

1055
(жаңыланган 11:25 07.07.2019)
Ал жерде милиция кызматкерлери түшүндүрүү иштерин жүргүзгөн. 

ОШ, 7-июл. – Sputnik. Чоң-Алай районунда жергиликтүү жашоочулар алтын өндүрүүчү "Кайди ТИК" компаниясынын ишмердүүлүгүнө нааразычылык билдирип, Ош-Чоң-Алай жолун жапкан. Бул маалыматты облустук милициянын маалымат катчысы  Жеңиш Аширбаев айтты.

Грузовые автомобили перекрыли дорогу Ош — Чон-Алай, в знак протеста деятельности золотодобывающей компании Кайди ТИК
© Sputnik / Зульфия Тургунова
Чоң-Алай районунда жергиликтүү жашоочулар алтын өндүрүүчү "Кайди ТИК" компаниясынын ишмердүүлүгүнө нааразычылык билдирип, Ош-Чоң-Алай жолун жапкан

Анын билдиргенине таянсак, окуя кечээ  саат 11:30 чамасында болгон.

Маалыматка ылайык, буга чейин жергиликтүү жашоочулар аталган компаниянын жетекчилигинен канал куруп берүүнү талап кылган. Мунун себеби калк  "үч айылдын эли ичкен сууну компания  уулуу заттар менен булгап жатат, андыктан ар кандай илдеттерге чалдыгуу кооптуулугу бар" дешкен. Алтын өндүрүүчү компания жетекчилиги жашоочуларга канал салууну убада кылып, 2019-жылдын 5-июлунда канал курулуп бүтүп, пайдаланууга берилген.

"Бирок жашоочулар каналдын астын бетондоп берүүнү талап кылып, жолду жапкан. Милиция кызматкерлери жүргүзгөн түшүндүрүү иштеринен соң жол кайрадан  саат 12:00дө ачылды. Компания жетекчилиги каналдын астын  бетондоп берүүгө убада кылды. Мындан сырткары, компания сууну жеткирүү үчүн лоток орнотууну да ойлонуп жатат", - деди Аширбаев.

Ал кошумчалагандай, нааразычылык акциясында эч кандай мыйзам бузуу катталган эмес.

1055
Белгилер:
Суу, канал, алтын, Чоң-Алай
Тема боюнча
Кыргызстанда уранды иштетүүгө тыюу салынды, бирок бир жагдай бар
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

16
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

16
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео
Автобустагы жүргүнчүлөр. Архив

Оренбургдан 20 автобус кыргызстандык келди

33
(жаңыланган 17:52 06.08.2020)
Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды алып өтүү үчүн транзиттик коридор ачтырган.

БИШКЕК, 6-авг. — Sputnik. Россиянын Оренбург шаарынан мекендештерди ташыган автобустардын алгачкы 20сы Кыргызстанга келди. Бул тууралуу Тышкы иштер министрлиги кабарлады. 1100 кыргызстандык менен келген автобустар Казакстандын чек арасы аркылуу өткөн.

"Экинчи топто 23 автобуска сыйган 1356 кыргызстандык азыркы тапта Казакстандын полициясынын коштоосунда казак-кыргыз чек арасын көздөй бет алды", — деп айтылат маалыматта.

Пандемияда ЕАЭБ өлкөлөрү бири-бирине кантип колдоо көрсөтүп жатканы айтылды

Бул үчүн Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды алып өтүү үчүн транзиттик коридор ачтырган.

Министрлик Россия Федерациясынын аймагында калган кыргызстандык мигранттарды чек аралар ачылмайынча Россия-Казакстан чек арасына келүүдөн карманууга чакырат.

33
Белгилер:
Тышкы иштер министрлиги, мигранттар, Россия
Тема боюнча
Миңдеген кыргызстандыктар Россия менен каттамдын ачылышын күтүп жатат
Новосибирскидеги кыргызстандыктардан мекенине гуманитардык жардам келди