Блокнотко жазып жаткан адам. Архив

Опера жана балет театрын гүлдөткөн! Марклен Баялиновдун жасаган иштери

63
(жаңыланган 15:54 07.07.2019)
Опера жана балет театрынын жетекчиси болуп турганда ал жактан СССРдин эл артисттери - Болот Миңжылкыев, Кайыргүл Сартбаева, Хусейин Мухтаров, Токтонаалы Сейталиев, Айсулуу Токомбаева, Чолпонбек Базарбаев сыяктуу опера жана балет искусствосунун чыгаан жылдыздары өсүп чыккан.

БИШКЕК, 7-июн. — Sputnik. Маданияттын эмгек сиңирген ишмери Марклен Баялинов Кыргызстандын өсүп-өнүгүшүнө зор салым кошкон. Бул тууралуу президенттин аппараты тараткан көңүл айтуу катында белгиленет.

Эске салсак, кыргыздын белгилүү жазуучусу Касымалы Баялиновдун уулу Марклен Баялинов 5-июлда узакка созулган оорудан 86 жашында дүйнөдөн кайткан.

Марклен Баялинов 1933-жылы 15-декабрда Фрунзе шаарында төрөлгөн.

Ал Кыргыз мамлекеттик университетин аяктагандан кийин 1955-жылдан баштап, Кыргыз ССРинин Маданият министрлигинде инспектор, начальниктин орун басары, искусство иштери боюнча башкармалыктын жетекчиси катары эмгек жолун баштаган.

1970-1972-жылдары Кыргыз ССРинин маданият министринин биринчи орун басары, 1972-жылдан 1984-жылга чейин Кыргыз ССРинин Мамлекеттик кинематография комитетинин төрагасы болуп иштеген.

1965-жылдан 1970-жылга чейин, кийинчерээк 1984-жылдан 1985-жылга чейин Абдылас Малдыбаев атындагы Опера жана балет театрынын башкы директору кызматын аркалаган. 1985-1989-жылдары Кыргыз ССРинин Маданият министрлигин жетектеген.

Өчпөс эмгек

"Саманчынын жолу" либреттосун жаратып, 1975-жылы бул эмгеги үчүн СССРдин мамлекеттик сыйлыгына татыктуу болгон. Чыңгыз Айтматовдун "Кылым карытар бир күн" чыгармасынын негизинде "Манкурт" балети Марклен Баялиновдун жазылган либреттосунун негизинде Улуттук опера жана балет театрында коюлган.

Абдылас Малдыбаев атындагы Кыргыз улуттук опера жана балет театрын жетектеген учурда 20дан ашык опера, 25тен ашык балет спектаклдерин жараткан. Опера жана балет театрынын жетекчиси болуп турганда ал жактан СССРдин эл артисттери - Болот Миңжылкыев, Кайыргүл Сартбаева, Хусейин Мухтаров, Токтонаалы Сейталиев, Айсулуу Токомбаева, Чолпонбек Базарбаев сыяктуу опера жана балет искусствосунун чыгаан жылдыздары өсүп чыккан.

Марклен Баялинов маданият министри кезинде Москва, Ленинград, Тбилиси, Кишинев, Ташкент шаарларындагы чоң театрлардын гастролдук иш-чаралары үзгүлтүксүз уюштурулуп, республика маданий иш-чарага толуп турган. Жазуучунун уулу ардактуу эс алууга чыккан убагында кыргыз элинин макал-лакаптарын чогултуп орус тилине которуп, жыйнак кылып чыгарган.

Марклен Баялинов Кыргыз ССР Жогорку Советинин үч жолку чакырылышына депутат болуп шайланган. Анын мамлекет алдында кылган эмгеги жогору бааланып, Эмгек Кызыл Туу ордени жана бир нече медалдар менен сыйланып, Кыргыз Республикасынын маданиятына эмгек сиңирген ишмери деген ардактуу наамына татыган.

63
Белгилер:
Марклен Баялинов, маданият, Касымалы Баялинов
Тема боюнча
Касымалы Баялиновдун уулу Марклен Баялинов дүйнө салды

Кыргыз жерине апаат алып келген коркунучтуу 8 эпидемия. Видео

53
(жаңыланган 16:23 10.08.2020)
Көчмөндөр башка дүйнө эли сыяктуу эле коронавирустан да коркунучтуу ооруларды баштан кечирген. Деген менен биз бул тандоого коронавирусту да киргиздик.

Бүгүнкү заманбап медицинанын тушунда тарыхта ата-бабаларыбыз эпидемиялардан канчалык жапа чеккендигин көпчүлүк элестете албайт. Көчмөн урууларынын өзүнчө жашоосу, керек болсо, тоонун таза абасы да айрым учурда аларды коркунучтуу оорулардан сактай алган эмес.

Карантинден кийин кыргызстандыктар кандай өзгөрөт. Психологдордун пикири

Кара тумоо, чечек, пес оорусу, сифилис, күйдүргү, кургак учук көчмөн элин кыргынга учураткан оорулардын тизмесин толуктабаса да, дал ушул илдеттер адам өлүмүн арбыткан эпидемиялардан болгон.

Бул айтылгандар тууралуу кененирээк билгиңиз келсе, Sputnik Кыргызстандын видеосун көрүңүз.

53
Белгилер:
коронавирус, эпидемия, эл, көчмөн, Кыргызстан
Тема боюнча
Учурда өлкөдө канча адам ооруканада COVID менен күрөшүп жатат? Статистика
Билл Гейтс: бизди коронавирустан дагы чоң алаамат күтүп турат
Аэропорттогу учак. Архив

Эми Кыргызстанга учак менен келип-кеткендер кандай эрежеге баш иет? Алгоритм

85
(жаңыланган 15:46 10.08.2020)
Саналуу күндөрдө Кыргызстандын жарандары чет өлкөлөргө учуп барып келүүгө мүмкүндүк алат. Тагыраагы, Түркия жана Бириккен Араб Эмирлигине (БАЭ) туруктуу авиакаттамдар жандана баштады.

БИШКЕК, 10-авг. — Sputnik. Республикалык штаб эл аралык жана ички авиакаттамдардын жүргүнчүлөрү үчүн иштелип чыккан алгоритмди жарыялады.

Эске салсак, саналуу күндөрдөн кийин Кыргызстандын жарандары чет өлкөлөргө учуп барып келүүгө мүмкүндүк алат. Тагыраагы, Түркия жана Бириккен Араб Эмирлигине (БАЭ) туруктуу авиакаттамдар жандана баштады.

Алардын кызматын пайдаланууда төмөнкү эрежелер сакталышы керек:

  • учуу алдындагы процедуралардын бардык этаптарында жана жүргүнчүлөрдү отургузууга чейин бет кап тагынуу, аралыкты сактоо зарыл;
  • аба кемесинде, аэробекеттик комплекстердин учуп келүү залдарында жүргүнчүлөрдүн термометриясын текшерүү;
  • жүргүнчүлөрдө коронавирус инфекциясына шектенүү болгон учурда анын жанында жайгашкан 6-8 орундагылар обсервацияга жатышат. Андан ары медиктердин байкоосунда болот;
  • байланышта болгон адамдардын чөйрөсүн аныктоо зарыл болгон учурда "Манас" ААК эл аралык аэропорту санитардык-карантиндик пункттардын кызматкерлерине жүргүнчүлөрдүн тизмесин берет;
  • клиникалык белгилери жок жүргүнчүлөр андан ары маршрут боюнча жүрө алышат.

Эл аралык каттамдар жанданууда. Эми кыргызстандыктар сыртка чыга алабы?

Чет элдик жарандар же жарандыгы жок жактар (адистер) КР аймагына иштөөгө келгенде:

  • мамлекеттик чек арадан өтүп жатканда термометриядан өткөрүлөт;
  • клиникалык белгилер байкалган учурда ПЦР-тест алынып, ооруканага жаткырылат;
  • клиникалык белгилери жок адамдар ПЦР-анализ жүргүзүүнүн жыйынтыгын алганга чейин чакырган адамдар тарабынан алдын ала даярдалган жерге барып туруулары керек;
  • ПЦР-анализдери терс чыккан учурда аларга жумушка чыгууга уруксат берилет;
  • чет өлкөлүк жарандардын, жарандыгы жок адамдардын (адистердин) обсервациядан өтүүсү, ПЦР-анализ тапшыруусу жана транспорт чыгымы чакырган тараптын эсебинен жүзөгө ашырылат.
85
Белгилер:
коронавирус, эреже, алгоритм, каттам, жаран, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Кыргызстан Түркия менен туруктуу аба каттамдарын жандантты
Кыргызстандан Россияга кетчү каттамдар. Күнү жана шарты
Белоруссияда нааразычылык акциясынын катышуучулары

Лукашенко: митингге чыккандарды чет мамлекеттен туруп көзөмөлдөшкөн

0
(жаңыланган 16:39 10.08.2020)
Түндө президенттик шайлоодон кийин Минскиде башаламандык болуп, кишилер жабыркаган. Айрымдарын күч түзүмдөрү кармап кеткен.

БИШКЕК, 10-авг. — Sputnik. Александр Лукашенко Белоруссияда нааразычылыкка чыккандарды Польша, Британия жана Чехиядагылар башкарып жатканын билдирди. Бул тууралуу Sputnik Белоруссия агенттигинин Telegram-каналы жазды.

Анын айтымында, чет мамлекеттен чалуулар катталган, бирок аларга карабастан шайлоо жогорку деңгээлде өттү.

"Бул майрам да, аны бузгусу келгендер болду. Биз аларды байкадык, көрүнүп эле турду. Чет мамлекеттеги чалууларды каттадык. Польша, Улуу Британия жана Чехиядан чалуулар болгон, алар биздикилерди, кечиресиздер, койлорду башкарышкан. Алар өздөрү эмне кылып жатканын түшүнүшкөн жок, ошон үчүн башкарып алышты да", — деген Лукашенко КМШнын байкоочулар миссиясынын башчысы Сергей Лебедев менен болгон жолугушуусунда.

Эске сала кетсек, Белоруссиядагы президенттик шайлоонун алдын ала жыйынтыгы менен учурдагы президент Александр Лукашенко атаандаштарын жеңип чыкты.

Минск: ОМОН жоокерлери менен митингчилердин кагылышкан учуру. Видео

Түндө шайлоодон кийин Минскиде башаламандык болуп, кишилер жабыркап, кармалгандар болгон.

Президент аталган өлкөдө беш жылдык мөөнөткө шайланат. Бул сапар өлкө жетекчиси болгон адам 2025-жылга чейин бийлик башында турмакчы. Бул эгемендүүлүк алгандан тарта Белоруссияда өткөн президенттик алтынчы шайлоо.

0
Белгилер:
нааразычылык акциясы, шайлоо, президент, Александр Лукашенко, Белоруссия
Тема боюнча
38 жашта. Лукашенкодон тизгин талашкан Тихановскаянын таржымалы