Крандан агып жаткан суу. Архив

Ысык суунун тарифи өзүн-өзү актабайт

96
Жетекчинин айтымында, гелиоколлекторлорду орнотуу менен атмосферага зыяндуу заттардын бөлүнүшү жана чыгымдар азаят.

БИШКЕК, 8-июл. — Sputnik. Ысык суунун тарифи өзүн-өзү актабайт, башкача айтканда, белгиленген сумма кеткен чыгымдын 30 пайызын гана жабат. Бул тууралуу Sputnik Кыргызстан агенттигине мэриянын алдындагы "Бишкекжылуулукэнерго" коммуналдык ишканасынын жетекчиси Виктория Мозгачева билдирди.

Мозгачева жылуулук түйүндөрдүн кышка даярдыгы тууралуу кеп кылып, ысык суу берген заманбап гелиоколлектор аттуу жабдуу жөнүндө айтып берди.

Гелиоколлекторду орнотуу аталган ишкананын экологиялык долбоору болуп эсептелет. Бул жабдыктар күндөн алынган энергиянын жардамы менен керектөөчүлөрдү ысык суу менен камсыз кылат. Гелиоколлекторлорду орнотуу менен атмосферага зыяндуу заттардын бөлүнүшү жана чыгымдар азаят.

"Азыр ысык сууга белгиленген тарифтер кеткен чыгымдын 30 пайызын гана жабат. Калганын шаардык бюджет камсыз кылат. Гелиоколлекторлор — экологиялык долбоор. Ал жети айга чейин абаны булгабастан калаа тургундарын ысык суу менен камсыз кыла алат", — деди Мозгачева.

"Бишкекжылуулукэнерго" ишканасынын жетекчиси аталган жабдуулар заманбап экенин айтып, аны оператор смартфон менен эле башкара турганын кошумчалады.

96
Белгилер:
ысык суу, Бишкек мэриясы, Бишкек
Тема боюнча
Байгараев: ысык сууну ар бир үйгө жеткирүүчү насосторго өзгөчө көңүл бурабыз
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

5
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

5
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео
Автобустагы жүргүнчүлөр. Архив

Оренбургдан 20 автобус кыргызстандык келди

18
(жаңыланган 17:52 06.08.2020)
Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды алып өтүү үчүн транзиттик коридор ачтырган.

БИШКЕК, 6-авг. — Sputnik. Россиянын Оренбург шаарынан мекендештерди ташыган автобустардын алгачкы 20сы Кыргызстанга келди. Бул тууралуу Тышкы иштер министрлиги кабарлады. 1100 кыргызстандык менен келген автобустар Казакстандын чек арасы аркылуу өткөн.

"Экинчи топто 23 автобуска сыйган 1356 кыргызстандык азыркы тапта Казакстандын полициясынын коштоосунда казак-кыргыз чек арасын көздөй бет алды", — деп айтылат маалыматта.

Пандемияда ЕАЭБ өлкөлөрү бири-бирине кантип колдоо көрсөтүп жатканы айтылды

Бул үчүн Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды алып өтүү үчүн транзиттик коридор ачтырган.

Министрлик Россия Федерациясынын аймагында калган кыргызстандык мигранттарды чек аралар ачылмайынча Россия-Казакстан чек арасына келүүдөн карманууга чакырат.

18
Белгилер:
Тышкы иштер министрлиги, мигранттар, Россия
Тема боюнча
Миңдеген кыргызстандыктар Россия менен каттамдын ачылышын күтүп жатат
Новосибирскидеги кыргызстандыктардан мекенине гуманитардык жардам келди