Газ плита. Архивдик сүрөт

Бишкек менен Оштун бир катар көчөлөрүндө газ убактылуу болбойт. Тизме

576
(жаңыланган 16:55 08.07.2019)
Көгүлтүр оттун эки калаада жана эки айылда өчүрүлө тургандыгы кабарланды.

БИШКЕК, 8-июл. — Sputnik. Борбор калаа менен Ош шаарынын аймактарында бир нече күн газ болбой тургандыгын "Газпром Кыргызстан" ишканасынан кабарлашты.

Бул оңдоп-түзөө жана кайра калыбына келтирүү иштеринен улам болгону айтылды.

Газ өчүрүлө турган аймактар:

8-9-июль — Ош шаарындагы Мамыров, Киров, Атабаев, Закиров, Фергана көчөлөрү. 9-июлда Кутсимилов көчөсүндө болбойт;

9-12-июль — Бишкектеги Күрөңкөев, Малышев көч., Беломор туюк көч.

Мындан сырткары Биринчи май районунда: Чоң-Чүй каналынын, Ала-Арча дарыясынын боюндагы аймактарда, Биримдик, Можайск, Саадаев көч., Ак-Тилек туюк көчөсүндө;

Дорожная, Карагач, Дача, Щербаков көчөлөрүндө жана "Көлмө", "Салам Алик" жаңы конуштарында;

9-10-июль — Маевка айылы. Жаш Гвардия проспектисинде Чыгыш - Тепличная көчөлөрүнүн аралыгында;

10-11-июль — Лебединовка айылы. Жеңиш проспектисинде Горький, Октябрь көчөлөрүндө жана Веселый туюк көчөсүндө;

10-12-июль — Бишкекте Жибек Жолу проспектисинде, Алма-Ата көч., Чоң-Чүй каналынын аймагында, Табачная, Авангард жана Сүйүмбаев көчөлөрүндө;

10-12-июль — Бишкек шаары, 7-кичи районунда (№28 үй).

576
Белгилер:
тизме, көчө, газ, Ош, Бишкек
Ооруканадагы дарыгерлер. Архив

COVID-19га күзүндө кабылгандар дартты оор көтөрүшү мүмкүн. Эксперттин пикири

15
SARS-CoV-2 күзүндө грипп, парагрипп жана буга чейин салыштырмалуу зыянсыз деп айтылган коронавирустар менен айкалышса кандай натыйжа болору азырынча белгисиз.

БИШКЕК, 10-авг. — Sputnik. Санкт-Петербургдагы Пастер атындагы Эпидемиология жана микробиология илим-изилдөө институтунун директору, академик Арег Тотолян коронавируска күзүндө кабылгандар буга чейин ооруп айыккандарга караганда бир топ кыйналышы мүмкүн экенин "Известия" басылмасына маек куруп жатып айтты.

Анын пикиринде, вирус жайылган маалда катуу обочолонгондор инфекцияны кандай кабыл аларын айтуу кыйын. Анын үстүнө SARS-CoV-2 күзүндө грипп, парагрипп жана буга чейин белгилүү болгон жана салыштырмалуу зыянсыз делген коронавирустар менен айкалышса кандай натыйжа болору да белгисиз.

Тыным албай көзөмөлдөгүлө. ДССУ эксперттери пандемия дагы көпкө созуларын айтты

"Сезондук инфекциялык илдеттер COVID-19 менен айкалышканда эмне болорун, абал курчуйбу, же тескерисинче антитело кадимки коронавирустан жакшы коргоно алабы, азырынча биз буга илимий негизде жооп берүүгө даяр эмеспиз", — деди академик.

Тотолян ошондой эле Роспотребнадзордун башчысы Анна Попованын сөздөрүн мисал келтирип, ал мурдагы жылдарга караганда эмдөө жүргүзүлбөгөн тумоонун башка түрлөрү таралышы мүмкүн экендигин эскертти.

Муну менен академик өлкө боюнча обочолонуу режимин киргизүү зарылдыгын айтууда. Ал илдет катталган гана аймакта жерди чектөө чарасын колдонуу жетиштүү болорун белгиледи.

15
Белгилер:
инфекциялык оору, күз, бейтап, оору, агым, коронавирус
Тема:
Дүйнөгө жайылган коронавирус
Тема боюнча
Россияга Кыргызстандан жөнөтүлгөн вирустар изилденип бүттү. Күтүүсүз жыйынтык
Ооруканадагы медицина кызматкери. Архив

Өткөн суткада коронавирустан 6 киши каза тапты

47
(жаңыланган 11:24 10.08.2020)
Бийлик вирус дагы деле кооптуу экенин айтып жатат. Ал эми күзүндө илдет күчөшү мүмкүн деген божомолдор дагы бар.

БИШКЕК, 10-авг. — Sputnik. Акыркы суткада Кыргызстан боюнча коронавирустан алты адам каза болду. Бул тууралуу Республикалык штаб билдирди.

"Бишкек шаарында үч, Ысык-Көл, Жалал-Абад жана Баткен облустарында бирден бейтап көз жумду", — деп айтылат маалыматта

Кыргызстанда 407 бейтап ооруну жеңип, үйүнө чыкты

Пандемия башталгандан бери каза болгондордун жалпы саны 1 474кө жетти.

47
Белгилер:
оору, бейтап, өлүм, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
Бүгүн өлкөдө 258 кишиден коронавирус чыкты