Сотрудница противочумной станции, которая была заложницей Ирина Лунёва

Тирүү калганыма ишенбей ыйлап келе жаттым. Көлдө барымтага алынган аялдын видеосу

6328
(жаңыланган 17:56 08.07.2019)
Изделип жаткан шектүү эмне үчүн мындай кадамга барганын бир сөз менен гана түшүндүрүп, "Ал мени тарбиялабасын" деп кыска жооп кайтарганын барымтага алынган аял айтып берди.

КАРАКОЛ, 8-июл. — Sputnik. Ысык-Көлдүн Эңилчек жайлоосундагы аңчылардын "Хан-Теңири" лагериндеги үрөй учурган кырсыктан кийин барымтага алынган Ирина Лунёва окуянын кандай болгонун Sputnik Кыргызстан агенттигинин кабарчысына баштан аяк баяндап берди.

Эске салсак, аталган лагерде 4-июлда С.С. аттуу кароолчу болуп иштеген киши эки адамды атып өлтүрүп, бирөөнү жарадар кылгандан кийин аялды барымтага алып, из жашырганы белгилүү болгон. Учурда аны күч органдары дагы деле издеп жатат.

Барымтага алынган Лунёва 5-июлда лагерге кайтып келген. Учурда Каракол шаарындагы үйүндө. 

Ал Каракол шаарындагы жугуштуу ооруларга каршы бөлүмүнүн мекемесинде үч жылдан бери иштеп келет. Быйыл Сары-Жаз жергесинде кара тумоого каршы алдын алуу багытында түзүлгөн отрядга ашпозчу болуп, аңчылардын "Хан-Теңири" лагерине 30-июнда барган.

Лунёва барымтага кантип алынганын, коркконун жана жолдо аны менен диалог курууга жетишип калганын айтып берди.

"Ошол күнү, 4-июлда, эртең мененки тамактан кийин ашканада жүрүп мылтыктын үнүн уктум. Эмне болуп жатат деп эшикти көздөй басып, Аймончокту (жылкычынын аялы) көрдүм. Ал мени чакырды. Ашкананын батыш жагынан чыгып баратсам, С.С. чыгыш жагынан келе жатыптыр. Андан эч жаман оюм жок эле эмне болуп жатканын сурадым, колунда мылтык бар экен. Ал "мылтык өзү атылды" деп жооп берди. Коркуп артка басканда "Токто!" деп буйрук берди. Мени ийинден чапчып, сыртка түртүп чыгарды. Жылкычыга атты токутуп, мени ээрге мингизип, өзү учкашты. Дароо эле тоо тарапка бет алды. Жолдон "Мени эмне кыласың? Сага эмнеге керек болуп калдым? Балдарым бар, коё берчи" деп жалынып жаттым", — деп айтып берди Лунёва.

Барымтага алынган аялды С.С. урган эмес. Жолдо Лунёва эмне себептен мындай кандуу кадамга барганын сураганга үлгүргөн.

"Менин беш балам бар. Улуу кызымдан да кичүү экен. Уулум менен сүйлөшкөндөй кепке тартууга аракет кылдым. Балдарымды, кичүүсү 9 жашта экенин, алар мени жумуштан келеримди күтөөрүн айтып жаттым. Ошол эле учурда өзүнүн ата-энеси тууралуу сурадым. Үч эжеси бар экен. Апасы алар кичине кезинде эле каза болсо, кийин атасы да өтүп кетиптир. Анын мүнөзү оор болгондугун айтып, өзү Чүй облусундагы балдар үйүндө чоңойгонун, оор балалыгы тууралуу айтып берди. Мен анын көзүнөн ата-эненин мээримине муктаж экенин көрүп турдум", — деди барымтага алынган аял.

Шектүү лагердеги кишилерди эмнеге атканынын себебин айткан эмес. Лунёванын суроосуна "ал мени тарбиялабасын" деп гана кыска жооп берген.

"Бир маалда асмандан тик учак көрдүк. "Кыйкырба, атып салам!" деди. Ооба, анын бир магазин толтура огу бар экенин көргөм. Аны милиция издээрин айтсам, "тирүү бойдон колго түшпөйм, өлүгүмдү да таптырбайм" деди. Мени таңга маал коё берди. Кетип баратканда да артымдан атат го деп коркуп жаттым. Сөзүнө турду, ал мага кол көтөргөн жок. Лагерге жетүү үчүн канча басканымды деле билбейм. Жолдо кудайга жалынып, тирүү калганыма ыйлап келе жаттым", — деди өмүрүндөгү эң коркунучтуу күндү өткөргөн Лунёва.

Бул окуяда каза болгон директордун орун басарынын тууганы окуя кандайча болгонун айтып берген болчу.

6328
Белгилер:
Хан-Теңири, Ысык-Көл, киши өлтүрүү, барымта, Эңилчек
Тема:
Көлдүн лагериндеги эки адамдын өлтүрүлүшү (16)
Тема боюнча
Эңилчекте 2 адамды атты деп изделип жаткан кароолчу тууралуу айылдаштары айтып берди
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

11
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

11
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео
Автобустагы жүргүнчүлөр. Архив

Оренбургдан 20 автобус кыргызстандык келди

21
(жаңыланган 17:52 06.08.2020)
Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды алып өтүү үчүн транзиттик коридор ачтырган.

БИШКЕК, 6-авг. — Sputnik. Россиянын Оренбург шаарынан мекендештерди ташыган автобустардын алгачкы 20сы Кыргызстанга келди. Бул тууралуу Тышкы иштер министрлиги кабарлады. 1100 кыргызстандык менен келген автобустар Казакстандын чек арасы аркылуу өткөн.

"Экинчи топто 23 автобуска сыйган 1356 кыргызстандык азыркы тапта Казакстандын полициясынын коштоосунда казак-кыргыз чек арасын көздөй бет алды", — деп айтылат маалыматта.

Пандемияда ЕАЭБ өлкөлөрү бири-бирине кантип колдоо көрсөтүп жатканы айтылды

Бул үчүн Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды алып өтүү үчүн транзиттик коридор ачтырган.

Министрлик Россия Федерациясынын аймагында калган кыргызстандык мигранттарды чек аралар ачылмайынча Россия-Казакстан чек арасына келүүдөн карманууга чакырат.

21
Белгилер:
Тышкы иштер министрлиги, мигранттар, Россия
Тема боюнча
Миңдеген кыргызстандыктар Россия менен каттамдын ачылышын күтүп жатат
Новосибирскидеги кыргызстандыктардан мекенине гуманитардык жардам келди