Чек арадагы фуралардан кезек. Архивдик сүрөт

Кыргыз-казак чек арасында кайрадан фуралардын узун кезеги пайда болду. Видео

228
(жаңыланган 18:47 10.07.2019)
"Ак-Тилек" көзөмөл өткөрүү пунктунда учурда 40 фура токтоп турат. Алардын баары Казакстандан чыккан.

БИШКЕК, 10-июл. — Sputnik. Кыргызстан менен Казакстандын чек арасындагы "Ак-Тилек" көзөмөл өткөрүү пунктунун эки тарабында тең бир нече чакырымга жеткен фуралардын кезеги пайда болду.

Жагдайдын видеосу Facebook социалдык тармагына жарыяланды.

Кыргызстандын Мамлекеттик чек ара кызматы Казакстандын Транспорт жана жолдор министрлиги чектөө киргизгенин билдирди. Фуралардын кезеги 2-3 күндөн бери суюлбай жатат. Көзөмөл өткөрүү бекетинде Казакстандан чыккан 40тай фура токтоп турат.

Ал эми КРдин Транспорт жана жолдор министрлигинин маалымат кызматы Кыргызстанда жайында абанын температурасы 28 градустан өткөндө жүк ташуучу автоунаалардын жүрүшүнө саат 9:00дөн 20:00гө чейин тыюу салынарын маалымдашты. Мындай тыюу жүк ташуучу автоунаалар жолдогу асфальтты талкалабоосу үчүн киргизилген.

228
Белгилер:
фура, чек ара, Казакстан, Кыргызстан
Тема боюнча
11 млн. казакстандыктын жашыруун маалыматы жайылып кеткен. Себеби айтылууда
Казакстандын билим берүү министринин орун басары соттолду