Кылмыш иш документтери. Архив

Депутаттын уулу аралашкан кырсыкты тергөө райондон облуска өттү. Эмнеге?

523
(жаңыланган 20:59 11.07.2019)
Буга чейин ишти Ысык-Көл райондук милициянын тергөөчүлөрү териштирип жаткан.

БИШКЕК, 11-июл. — Sputnik. Ысык-Көл райондук ички иштер башкармалыгы Чолпон-Ата шаарында болгон автокырсыкты тергөө ишин облустук милицияга өткөрүп берди. Бул туурасында Ысык-Көл облустук милициянын маалымат кызматы билдирди.

Мунун себеби окуя коомчулуктун көңүл чордонунда болгондуктан, дыкат иликтөө үчүн тажрыйбалуу тергөөчүлөргө берилгени менен түшүндүрүлдү.

"Бул кырсык коомчулукта резонанс жаратууда. Райондук тергөөчүлөр жаш, тажрыйбасы аз болгондуктан иш облустук тергөө башкармалыгына өткөрүлдү. Эми бул ишти оор кылмыш иштерин ачып жүргөн тажрыйбалуу тергөөчүлөр иликтейт", — деп айтылат маалыматта.

Укук коргоо органдарындагы ишенимдүү булактар Sputnik Кыргызстан агенттигине кырсык болгон учурдун видеосун беришти.
© видео предоставлена источниками в правоохранительных органах
Эскерте кетсек, 7-июлда таңга жуук Чолпон-Ата шаарына жакын жайгашкан Бактуу-Долоноту айылында Lexus ES 330 жана BMW Х-7 автоунаалары кагышкан. Анын кесепетинен жеңил унаадагы төрт жигит каза болгон. Ал эми кроссоверде Жогорку Кеңештин депутаты Алиярбек Абжалиевдин уулу, Бишкек шаардык кеңешинин депутаты Темирлан Токобеков отурганы белгилүү болгон.

Буга чейинки маалыматтарда BMW Х-7 унаасын Элдияр Халмурзаев аттуу 23 жаштагы жаран айдап келе жатканы айтылган.

523
Белгилер:
милиция, тергөө, Чолпон-Ата
Тема:
Депутаттын уулу катышкан Ысык-Көлдөгү жол кырсыгы (20)
Тема боюнча
Чолпон-Атадагы кырсык: Абжалиевдин уулунун кафедеги жана унаага түшкөндөгү видеосу
Видео жазууларды алдык. Тергөөчү Чолпон-Атадагы кырсык боюнча маалымат берди
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

10
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

10
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео
Автобустагы жүргүнчүлөр. Архив

Оренбургдан 20 автобус кыргызстандык келди

20
(жаңыланган 17:52 06.08.2020)
Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды алып өтүү үчүн транзиттик коридор ачтырган.

БИШКЕК, 6-авг. — Sputnik. Россиянын Оренбург шаарынан мекендештерди ташыган автобустардын алгачкы 20сы Кыргызстанга келди. Бул тууралуу Тышкы иштер министрлиги кабарлады. 1100 кыргызстандык менен келген автобустар Казакстандын чек арасы аркылуу өткөн.

"Экинчи топто 23 автобуска сыйган 1356 кыргызстандык азыркы тапта Казакстандын полициясынын коштоосунда казак-кыргыз чек арасын көздөй бет алды", — деп айтылат маалыматта.

Пандемияда ЕАЭБ өлкөлөрү бири-бирине кантип колдоо көрсөтүп жатканы айтылды

Бул үчүн Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды алып өтүү үчүн транзиттик коридор ачтырган.

Министрлик Россия Федерациясынын аймагында калган кыргызстандык мигранттарды чек аралар ачылмайынча Россия-Казакстан чек арасына келүүдөн карманууга чакырат.

20
Белгилер:
Тышкы иштер министрлиги, мигранттар, Россия
Тема боюнча
Миңдеген кыргызстандыктар Россия менен каттамдын ачылышын күтүп жатат
Новосибирскидеги кыргызстандыктардан мекенине гуманитардык жардам келди