Бишкек мэриясы. Архив

Мэрия муниципалдык аймактык башкармалыктардын ишин тыкыр көзөмөлгө алды

60
(жаңыланган 10:12 12.07.2019)
Эми муниципалдык аймактык башкармалыктын башчылары мэрдин буйругу менен гана дайындалат.

БИШКЕК, 12-июл. — Sputnik. Бишкек мэриясы муниципалдык аймактык башкармалыктарды (МАБ) катуу көзөмөлдөөнү чечти. Бул тууралуу мэриянын маалымат кызматы билдирди.

Мэрияда 22 муниципалдык аймактык башкармалык иштейт, анын ар биринде 10дон адис бар.

Муниципалитеттин аппарат жетекчиси Балбак Түлөбаев мындан ары МАБдын ишин акимиаттар гана эмес, мэриянын борбордук аппараты да көзөмөлдөй турганын айтты. Башкармалыктардын жетекчилери эми мэрдин буйругу менен дайындалат.

Түлөбаев МАБ эл менен тыгыз иштебей, санитардык тазалоо, сугаруу, жашылдандыруу, жакшыртуу сыяктуу иштер ойдогудай болбой жатканын белгиледи. Бул боюнча эл да көп арызданып жатканын кошумчалады.

60
Белгилер:
Бишкек мэриясы, Балбак Түлөбаев, Бишкек, Кыргызстан
Тема боюнча
Борбор калаада пластик, кагаз жана айнек таштанды үчүн урналар орнотулду. Сүрөт