Диванда жаткан кыз. Архив

Келиниме "көңүлдөш таап ал" деп айтып, эми кайра кыжалатмын. Аялдын каты

(жаңыланган 12:05 15.07.2019)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында илдетке чалдыккан инисине жардам бергиси келген аялдын каты жарыяланды.

...Бишкектеги бейтапканалардын биринде гинеколог болуп иштейм. Азыр абдан оор абалда турам. Кеп менин бир тууганым жана анын үй-бүлөсү тууралуу болуп жатат. 40 жаштагы иним импотенция илдетине кабылды. Жаш кезинен Россияга барып, ысык-суукта  иштеп жүрүп, ден соолугун аябай  алсыз кылып алыптыр. Бөйрөгүнө суук тийгизип, көпкө дарыланып жүрдү.

30дан ашканда Кыргызстанга кайтып келип үйлөнгөн. Бир балалуу болгондон кийин эле аялы төрөбөй калды. Келиним 35 жашта. Дарыгер болгондуктан аны өзүм толугу менен кароодон өткөргөм. Ден соолугу таптаза, болуп-толуп турган кези. Инимди алып барбаган, жөнөтпөгөн врач калган жок. Кесиптештер менен сүйлөшүп, шаардын менмендеген урологдоруна көрсөттүм. Бирок эч кимиси жардам бере албады. 

Келиним токтоо, көтөрүмдүү жан. Жакшы жерде иштейт, өң-келбети да татынакай. Бирок кээде инимди чанып кетип калса эмне болот деп корком. Өткөндө сурасам, иним туптуура бир жылдан бери "жанына жолой" элек экен. Мен дарыгер катары келинимди аябай аяйм. Ден соолугу таза, төрөй турган, жыргап-куунап жашай турган кези. Көпкө ойлонуп жүрүп, бир жума мурда "эч кимге билдирбей эле жолугушуп турганга бирөөнү таап албайсыңбы" деп сунуштадым. Аны укканда байкушум көзүнүн жашын көл кылып ыйлады, бирок эч нерсе деп айткан жок.

Ошондон бери өзүм бушайман болуп жүрөм. Туура эле кылдымбы? Мен бир тууган катары инимдин үй-бүлөсүн сактап калайын деген гана ой менен айттым. Келиним ажырашып, таштап кетип калса, иним өмүр бою жалгыз калганы жатпайбы? Балким, келиндин алаксый турган адамы пайда болсо, күйөөсүн таштап кетпейби деген ой. Мунун баарын ойлосом, чийки май жегендей болом... Кеңеш бергилечи. Башкаларды дарылап, такылдап, кыйын болуп жүрсөң деле мындай учурда калдастап, эмне кыларыңды деле билбей калат экенсиң.

Саадат Сыдыкова, психолог:

— Кайрылган аялдын бир тууганына күйүп-бышып жатканы кубандырат, бирок инисинин интимдик жашоосун көзөмөлдөгөнүн токтотушу керек. Ага алы жетпесе психологго кайрылып, кеп-кеңеш алсын.

Жубайлар мындан ары кантип жашарын өздөрү чечип алат. Ал эми келинине "сырттан бирөө менен мамиле куруп ал" деп кеңеш бергени - ал үчүн өзү чечим кабыл алып койгонго барабар. Азыркы заманда аялдарга төшөктө ырахат тартуулачу жолдор көп. Мисалы, секс-дүкөндөрдө чоңдор үчүн көңүл ачуучу оюнчуктар бар. Аларды өзүнүн интимдик жашоосун көркүнө чыгаруу үчүн көптөгөн түгөйлөр колдонушат.

Каттын автору бир тууганына жардам бергиси келип жатканын түшүнөм. Бирок  биз сөз кылып жаткан маселеде эжеси эч нерсе кыла албайт, кылбашы дагы керек. Бул эрди-катындын ортосундагы көйгөй.

Бул жерде инисине психологдун жардамы керек. 

Белгилер:
тукумсуздук, үй-бүлө, импотенция, кайын, келин, психолог
Тема:
Психолог менен баарлашуу (145)
Тема боюнча
Карыганда күйөөм кызганып, балдардын ДНКсын текшертти. Айласы кеткен аялдын каты
Кош бойлуу кезимде башкага үйлөнгөн күйөөм эми кызды талашууда. Аялдын каты
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 23:26 14.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.