Токтогул суу сактагычы

Токтогул суу сактагычындагы суунун көлөмү 2 млрд. куб метрге азайды

174
Буга чейин окурмандар «Токтогул ГЭСинде суунун көлөмү өтө азайып кетти» деп коңгуроо кагышкан.

БИШКЕК , 16-июл. — Sputnik. Үстүбүздөгү жылдын 16-июлуна карата Токтогул суу сактагычындагы суунун көлөмү 16 миллиард 75 миллион куб метрди түздү. Бул туурасында "Электр станциялары" ишканасынын маалымат кытчысы Фатима Төрөканова билдирди.

Буга чейин окурмандар Sputnik Кыргызстан агенттигинин WhatsApp каналына Токтогул ГЭСинде суунун көлөмү азайып кеткенин айтып, сүрөтүн жиберишкен. Мындан улам алар кышкысын электр жарыгына чектөө коюлуп калабы деп чочулашууда.

"Электр станциялары" ишканасынын маалымат кызматы азыркы тапта өткөн жылга салыштырмалуу суунун көлөмү 2 миллиард 2 миллион куб метрге аз экенин билдиришти.

"Суунун азайышы - Кыргызстанда суунун тартыштыгы жаралганына байланыштуу. Суунун агып киришинин орточо көлөмү секундасына 890 куб метр, чыгышы 412 куб метрди түзөт. Ал эми өткөн суткада саатына 39 миллион 626 миң киловатт электр энергиясын өндүрдү. Салыштыруу үчүн айтсак, 12-июлда суунун көлөмү 15 миллиард 895 миллион куб метрди түзгөн. Башкача айтканда, беш күндө көлөмү 180 миллион куб метрге көбөйгөн", — деди Төрөканова.

Маалымат катчынын айтымында, энергетиктер күз-кыш мезгилдерине чейин сууну 16,7 миллиард куб метрге чейин чогултууну пландап жатат. Мындай абал күз-кыш мезгилин ийгиликтүү өткөрүүгө тоскоол болбойт.

174
Белгилер:
жарык берүү, электр энергиясы, көлөм, Суу, Токтогул суу сактагычы
Тема боюнча
Токтогул суу сактагычындагы абалдан улам электр энергиясын үнөмдөөгө чакырышты
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

125
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

125
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп
Каракол шаарынын санитардык эпидемиологиялык көзөмөлдөө кызматына берилген Toyota Land Cruiser Prado

Ысык-Көл: медиктерге берилген жолтандабас президенттин иш башкармалыгында жүрөт 

91
(жаңыланган 22:57 26.01.2021)
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

БИШКЕК, 26-янв. — Sputnik. Каракол шаарынын Санитардык эпидемиологиялык көзөмөлдөө кызматы өткөн жылдын сентябрь айында берилген Toyota Land Cruiser Prado үлгүсүндөгү жолтандабасты башка автоунаага КР президентинин иш башкармалыгы менен алмашып алды. Бул тууралуу кызматтын жетекчиси Нуркамел Бектуров билдирди.

Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

Мындан улам Sputnik Кыргызстан агенттигинин кабарчысы Санитардык эпидемиологиялык көзөмөлдөө кызматынын жетекчиси менен байланышты. Ал автоунааны алмашып алышканын тастыктап, жолтандабастын ордуна Volkswagen Polo үлгүсүндөгү машина алышканын билдирди.

Ал эми президенттин маалымат кызматы окуянын чоо-жайын тактап берүүнү убадалашты.

Эске салсак, өткөн жылдын июль айында өкмөттүн Ысык-Көл облусундагы өкүлчүлүгүнө тиешелүү автоунаага башка автонун номери тагылып жүргөн жерден кармалып, чуу чыккан. Кийин ал авто эл аралык долбоордун негизинде сатып алынганы айтылган. Көп өтпөй автокөлүк Каракол шаарынын Санитардык эпидемиологиялык көзөмөлдөө кызматына белекке берилген.

91
Белгилер:
белек, автоунаа, Каракол
Тема боюнча
Элчи Удовиченко россиялык ишкердин чуулуу бизнеси боюнча окуяга көңүл бурду
Коррупцияга айыпталган мурдагы жетекчи 11 млн. сом төлөп үй камагына чыкты