Ашырбек Темирбаевдин архивдик сүрөтү

"Ал өзгөчөлөнүп турчу". Ашырбек Темирбаевди аткаминерлердин эскерүүсү

647
(жаңыланган 10:28 17.07.2019)
Темирбаев 16-июлда Бишкектеги ооруканалардын биринде каза болгон.

БИШКЕК, 17-июл. — Sputnik. Ашырбек Темирбаев өз өлкөсүнүн чыныгы патриоту жана үлгүлүү мамлекеттик кызматкер болгон. Мындай билдирүү президент Сооронбай Жээнбеков баштаган аткаминерлердин көңүл айтуу катында айтылат.

Темирбаев 16-июлда 67 жаш курагында оорудан улам каза болгон. Ал акыркы учурда  өкмөттүн  аппарат жетекчисинин биринчи орун басары — өкмөттүн Жогорку Кеңештеги туруктуу өкүлү болуп иштеп келген.

"Ал ак жүрөктүгү, чынчылдыгы жана боорукердиги менен өзгөчөлөнүп турчу. Анын адамдык сапаттары мамлекеттик кызматтарда ийгиликтүү иштөөнү шарттап, алдына коюлган милдеттерди ар-намыстуулук менен аткарып келген. Ал ишенимдүү дос, мыкты уюштургуч, үй-бүлөсүнө камкор инсан болгон. Анын жаркын элеси биздин эсибизде жана жүрөгүбүздө түбөлүккө сакталат", — деп айтылат көңүл айтуу катында.

Темирбаев сиңирген эмгеги үчүн "Манас-1000" жана "Даңк" медалы менен сыйланган.

647
Белгилер:
премьер-министр, президент, көңүл айтуу, өкмөт, Ашырбек Темирбаев, Кыргызстан
Тема боюнча
Опера жана балет театрын гүлдөткөн! Марклен Баялиновдун жасаган иштери
Член медицинского персонала утешает пациента в отделении интенсивной терапии COVID-19 в Объединенном мемориальном медицинском центре 2 июля 2020 года в Хьюстоне, штат Техас.

Коронавирустан өткөн суткада 10 киши өтүп кетти

19
(жаңыланган 10:54 05.07.2020)
Бүгүнкү статистиканы кошкондо, өлкөдө COVID-19 жугузуп алып каза болгон кишилердин саны 88ге жетти.

БИШКЕК, 5-июл. — Sputnik. Кыргызстанда өткөн суткада 10 бейтап коронавирустан каза болду. Бул тууралуу Республикалык штаб билдирди.

Ага ылайык, төрт бейтап Бишкектеги Республикалык инфекциялык клиникалык ооруканадан каза тапкан. Алар 64, 66, 69 жаштагы эркектер жана 64 жаштагы аял киши.

Ошондой эле Ноокат аймактык ооруканасынан 60 жаштагы эркек киши, Жайыл аймактык ооруканасынан 80 жаштагы аял, Москва аймактык ооруканасынан 35 жаштагы эркек жана Токмок аймактык ооруканасынан 59 жаштагы аял каза болгон.

Мындан тышкары, Ысык-Ата аймактык ооруканасынан 62 жаштагы аял жана Кочкор аймактык ооруканасынан 81 жаштагы эркек киши көз жумган.

Ушуну менен өлкөдө COVID-19 жугузуп алып каза болгондордун саны 88 кишиге жетти.

Өлкө аймагындагы соңку кабарлар менен биздин Telegram-каналдан таанышып туруңуз.

19
Белгилер:
бейтап, өлүм, оору, коронавирус, Кыргызстан
Ооруканадагы бейтап жана дарыгер

Коронавирустан кечээтен бери 88 адам сакайып чыкты

30
(жаңыланган 10:35 05.07.2020)
Акыркы убакта Кыргызстанда эпидемиологиялык кырдаал кескин начарлап кетти. Мындан улам бардык аймактарга чектөөлөр киргизилүүдө.

БИШКЕК, 5-июл. — Sputnik. Бир сутка ичинде коронавирустан 88 адам айыгып үйүнө чыгарылганын Респубикалык штаб билдирди. 

Бишкек шаарында 31, Чүй облусунда сегиз, Ош шаарындан 30, Ош облусунда 14, Нарын облусунда төрт, Жалал-Абадда бир киши айыкты.

Ушуну менен республика боюнча жалпы 2 802 бейтап сакайып ооруканадан чыгарылды.

30
Белгилер:
айыгуу, бейтап, Кыргызстан, коронавирус, штаб