Ымыркай. Архив

Ошто өз ымыркайын 30 миң сомго сатканы жаткан киши кармалды

394
(жаңыланган 14:55 19.07.2019)
Ымыркай Ош облустук төрөт үйүндө 25-июнь күнү саат 09.30да төрөлгөн.

БИШКЕК, 19-июл. — Sputnik. Ош шаарында бир айлык кызын 30 миң сомго баалап сатып жаткан жеринен 22 жаштагы ата колго түштү. Бул тууралуу шаардык милициянын маалымат кызматынын өкүлү Абсатар Тавакалов Sputnik Кыргызстан агенттигине билдирди.

Ага ылайык, шаардык милицияга калаанын Манас-Ата аймактык кеңешинин Касымбеков көчөсүндө ымыркайын сатууга кардар издеп жүргөн жигит тууралуу ыкчам маалымат түшкөн.

Ыкчам-тергөө тобу Өзгөн районунун 22 жаштагы жашоочусун бир айлык кызын 30 миң сомго сатып жаткан жеринен колго түшүрдү. Окуя 15-июль күнү болгон.

Ымыркай учурда Ош шаардык реабилитациялык борборго өткөрүлүп берилген. Анын учурда эч кандай документи жок.

Алдын ала маалыматка караганда, ымыркайдын энеси 24 жашта, Кызыл-Кыя шаарынын жашоочусу. Ал 22 жаштагы жигит менен жарандык никеде жашап жүргөн.

Ош шаардык соту шектүүнүн баш коргоо чарасын карап, аны эки айга үй камагына чыгарды.

Бул факты Кылмыштардын жана жоруктардын бирдиктүү реестрине Жазык кодексинин 171-беренеси ("Адам сатуу") боюнча катталып, учурда тергөө амалдары жүргүзүлүп жатат.

394
Белгилер:
кылмыш, милиция, ата, адам сатуу, кыз, ымыркай, Ош шаарынын мэриясы
Тема боюнча
Бала сатты делген гинекологдор. Ымыркайлар кантип соодаланган?
Гречка. Архив

Арыктоого жардам берип, организмди тазалаган акшактын беш түрү аталды

12
Дарыгердин айтымында, салмак таштайм деген киши ачык түстөгү акшакты өңү буурулга алмаштырышы керек.

БИШКЕК, 4-мар. — Sputnik. Диетолог Ольга Деккер ашыкча салмактан жеңил арылууга жардам берген акшактын түрлөрүн санады. Бул тууралуу РИА Новости кабарлады.

Дарыгердин айтымында, салмак таштайм деген киши ачык түстөгү акшакты өңү буурулга алмаштырышы керек. Тагыраагы, экинчисине өтүшү шарт. Өңү буурул акшакка булгур, гречка, буудай, жүгөрү жана арпа кирет. Ошондой эле полба деп аталган буудайдын бир түрү, спельта жана күрөң күрүч да кара акшак болуп саналат.

"Гречка B1, B2, B6, PP, P сыяктуу витаминдерге бай. Бирок бир күн кечке гречка менен эле чектелген болбойт. Мындай ыкма колдонгон учурда организм кайра көп запас топтойт", — деди адис.

Деккер буудай акшагы иммунитетти бекемдеп, тери, чач, тырмакты жакшырта турганын айткан. Ошондой эле картаюу процессин жайлатат.

"Арпанын артыкчылыгы — ал организмден аллергендерди чыгарууга жардам берет. Бул дандын акшагы начар холестериндин деңгээлин азайтып, кан тамырды тазалайт", — деген Деккер.

Булгур болсо уйкуну жакшыртып, стрессти жөнгө салат.

"Анын курамындагы магний диабеттин экинчи тибинин пайда болушун алдын алат. Ал эми калий менен фосфор сөөктү бекемдеп, булчуңду азыктандырып, мээни кычкылтекке толтурат", — деди ал.

Жүгөрү акшагы зат алмашууну тездетери белгиленди. Анын жыйынтыгы менен ашыкча салмак тезирээк кетет. Жүгөрү ичегинин ишин да жөнгө салып, калий, каротин, темир жана магнийге бай экени аныкталган.

12
Белгилер:
гречка, организм, арыктоо, дан, азык, диетолог
Тема боюнча
Ден соолукка пайдалуу шорпо аталды
Адам бир күндө жашылча менен жемишти канча көлөмдө жеш керек
Партктагы гүлдөр. Архив

Бейшембиге карата аба ырайы

86
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

86
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео