Ысык-Көлдүн жээгинде эс алгандар. Архивдик сүрөт

Сууга кийимчен түшпөңүз. Көл жээгинде эс алуу этикети

1546
(жаңыланган 16:04 29.07.2019)
Жай, көл, толкундун шарпылдаган үнү, көптөн күткөн эмгек өргүү... Албетте, бардык түйшүктү унутуп коюп, бутту керип эс алгың келет.

Анткен менен көл жээгиндеги мындай баалуу сааттарды өзүңдүн же өзгөнүн бир эле туура эмес аракети бузуп коюшу мүмкүн.

Эс алуудан чындап ырахат алгыңыз келсе, пляж маданияты тууралуу билип алган ашыкча болбойт. Сөз жок деңизчи, төмөндө айтылчулардын көбүн бала кезден эле билебиз. Бирок айрымдарын маанисиз деп ойлоп, аткарбай жүрүшүбүз ыктымал.

Көл жээгинде эс алуунун эрежелери тууралуу Sputnik Кыргызстан агенттигине этикет мугалими Нуржан Исмаилова айтып берди.

Тулку бойду "иреттеп" алыңыз

Көл жээгинде ыңгайсыз болуп отурбайын десеңиз, колдон келишинче ашыкча салмактан арылыңыз. Андан тышкары, педикюр, маникюр жасатып, денедеги ашыкча түктөрдү алып койгон туура. Баса, сууга түшүүчү костюмдун (купальниктин) өзүңүзгө жарашыктуу, дененин кемчиликтерин жашырып турганын алыңыз.

Кийинүүчү кабина

Пляждын ортосунда, элдин көзүнчө бирөөгө сүлгү карматып алып кийим алмаштыруу — маданиятсыздык. Ал үчүн атайын кабиналар бар.

Тазалык

Баягы эле аягына чыкпас тазалык темасы бул жерде дагы өтө актуалдуу. Желим идиш, чылымдын калдыгы, чемичкенин кабыгы кум менен суунун эң чоң душманы! Мейли бөтөлкө, баштыктарды терип кетет дейли, ал эми тиги экөөнү кумдан кантип ажыратат? Мунун баары аз келгенсип, айрым ата-энелер кичине балдарын отурган жерине заара ушаттырып койгон учурлар болот. Эртеси эле ал жерден жагымсыз жыт чыгары турган иш да. Эмнеси болсо дагы көл жээгине бир нерсе таштап кетерден мурда жакшылап ойлонолучу. Ал жердин тазалыгы өзүбүздөн башка эч кимге кереги жок.

Тынчыраак болгула!

Айланадагылар деле силер сыяктуу мээ сергители деп келген. Андыктан акырын сүйлөшүп, музыканын үнүн басаңдаталы. Жээктегилердин баары өзү каалагандай кыйкырып-өкүрүп, ызы-чуу салса эмне болорун элестетсеңиз. Эгер теңтуштар чогулуп көңүлдүү ыр-күлкү менен эс алгысы келсе, көпчүлүктөн оолагыраак барганы жакшы. Анткени достор арасында ар кандай тамаша, кептер айтылат эмеспи. Ал нерсе башкалардын кыжырын гана келтириши мүмкүн.

Бейтааныш адамды сүрөткө тартпа

Көл жээгиндеги эс алуу учурунда бейтааныш адамдарды сүрөткө тартып алуу жат көрүнүш. Жакшы таанышың болсо деле фотоаппаратты иштетерден мурун уруксат сураган туура болот. Чогуу сүрөткө түшсөңөр, аны "башка бирөөгө көрсөтсөм, же социалдык тармакка жарыяласам болобу?" деп бир ооз сурап коюңуз. Анткени ар бир эле адам эс алуу учурундагы "макияжсыз", жарым жылаңач кебетесин башкалар көрүшүн каалабайт.

Кийим-кечек

Пляждан тышкары дүкөн же кафеге чыга турган болсоңуз, купальниктин сыртынан бир нерсе кийип алууну утутпаңыз. Баса, сууга атайын костюмдан башка кийим менен түшпөй эле койгон туура. Эки күндөн бери чече элек футболкаңыз башкаларды жийиркентиши мүмкүн. Эгер классикалык купальник менен сууга түшүүгө диний ишенимиңиз, же дагы башка себептер жол бербесе, азыр дене бойду толугу менен жапкан суу костюмдары толтура.

Ичимдик трагедияга алып келиши мүмкүн

Албетте, эс алууда тамылжып, жай-баракат отуруу үчүн кичине ууртап-татып койсо болот. Бирок ашыкча ичип алуу — башкалардын тынчын гана албастан, трагедияга дагы алып келиши мүмкүн. Анткени ичип алып сууга чөгүп кеткен мисалдар аз эмес.

 

1546
Белгилер:
ден соолук, этикет, эс алуу, Ысык-Көл
Тема:
Өзүн алып жүрүүнүн эрежеси (45)
Тема боюнча
Тамак чайнаба, оройлонбо, "жомок" айтпа. Телефондо сүйлөшүү этикети
Чала тааныш адамдын мээсин чакпа! Мессенджер колдонуу этикети
Генералдык штабтын аскер кызматкерлери. Архив

Генштабды Коргоо министрлигине айлантуунун эмне зарылдыгы бар эле. Адистердин пикири

123
(жаңыланган 22:55 27.01.2021)
Жаңы бийликтин келиши менен Кыргызстандын Куралдуу күчтөрүнүн Генералдык штабы кайрадан Коргоо министрлиги болуп өзгөрүшү ыктымал.

Бүгүн Генштабдын маалымат кызматы бул ведомствонун кайра өзгөрүшү боюнча кабарды Sputnik агенттигине тастыктаган.

Мекеменин Facebook баракчасында "Жарандар министрликти түзүүгө кандай карайт?" деген сурамжылоо жүргүзүлгөн. Андагы пикирлерге таянсак, оюн калтыргандардын көбү бул идеяны колдогон.

Эске салсак, Коргоо министрлиги 2014-жылы жоюлуп, КРдин Куралдуу күчтөрүнүн бардыгы Генералдык штабдын карамагына өткөн. Министрлик өкмөткө, штаб мамлекет жетекчисине баш ийерин белгилей кетели.

КРдин Куралдуу күчтөрүнүн Генералдык штабы — аскердик башкаруунун борбордук органы. Өлкөнүн куралдуу күчтөрүн жана башка аскердик түзүмдөрдү жетектеп, аларды даярдоо менен алектенет.

Бул эки органдын аталышына жараша министр же начальник башкарса, КРдин Куралдуу күчтөрүнүн башкы командачысы кандай гана өзгөрүү болбосун Баш мыйзам боюнча президент болот.

Sputnik Кыргызстан агенттиги аскер тармагында жогоруда белгиленгендей, күтүлүп жаткан өзгөрүү боюнча эксперттердин пикирин укту.

Алымкожоев: экөөнүн тең артыкчылыгы бар, бирок кийин Генштабга кайтабыз

Генералдык штабдын биринчи начальниги, запастагы генерал-майор Асанбек Алымкожоев КМШ мамлекеттеринин бардыгында жана Кытайда куралдуу күчтөр Коргоо министрлигине гана баш ийе турганын, бул жагдай Кыргызстанга аталган өлкөлөр менен кызматташууга таасирин тийгизип жатканын белгиледи.

Экс-начальник Генерального штаба Вооруженных сил Кыргызской Республики Асанбек Алымкожоев во время беседы
© Sputnik / Табылды Кадырбеков
Генералдык штабдын биринчи начальниги, запастагы генерал-майор Асанбек Алымкожоев
"Мурдагы Советтер Союзунун Коргоо министрликтери аскердик-техникалык жактан өз ара кызматташат. Кыргызстандыкы Генералдык штаб деп аталганы үчүн иштешүүдө кыйынчылыктар жаралып жатканы айтылат. Себеби айрым мамлекеттерде Генштаб Коргоо министрлигине баш ийип, өзгөчө кырдаалдарды жөнгө сала турган орган катары иш алып барат. Биздикилер ушул максатта, тагыраагы, карым-катнаш үчүн министрлик рангына ээ болууга аракет кылып жаткан болушу мүмкүн", — деди Алымкожоев.

Ал Генералдык штабды Кыргызстан өзү ойлоп таппаганын, армиясы чоң батыш өлкөлөр ушундай аталышты алып жүрөрүн белгиледи. Ошондой эле анын министрликтен артыкчылыктары дагы бар экенин айтат.

"Убагында Генштаб бардык күч структуралары бир колдо болсун деген максатта түзүлгөн. НАТО өлкөлөрүнүн куралдуу күчтөрү Генералдык штабдын башкаруусунда. Мындай орган аскерлердин күжүрмөн даярдыгына өзгөчө көңүл бурат. Негизи, Коргоо министрлиги бюджет саясатын чечет. Бизде да Генштаб жоокерлерди даярдоо менен көбүрөөк алектенип, акча каражатын Коргоо иштери боюнча комитет караштырчу. Менимче, азыркы жол менен кете бергенибиз туура болмок. Бирок кандай болгон күндө да азыркы бийликтин чечимин сыйлайбыз", — деди генерал.

Алымкожоев Кыргызстандын Куралдуу күчтөрү 5-10 жылдан кийин кайра Генералдык штабга кайтууну ойлонушу мүмкүндүгүн кошумчалады.

Бейшенов: Коргоо министрлигинин жоюлушуна каршы чыкканбыз

КРдин мурдагы коргоо министринин экс-орун басары Мурат Бейшенов 2014-жылы Генералдык штабга өтөбүз деген демилге көтөрүлгөндө Коопсуздук кеңешине эксперт катары чакырылган экен. Ал ошондо эле кээ бир кесиптештери буга каршы чыкканын айтат.

Экс-заместитель министра обороны КР, член Совета ветеранов ВОВ, тружеников тыла и участников военных действий КР Мурат Бейшенов
© Фото / Клуб региональных экспертов "Пикир"
КРдин мурдагы коргоо министринин экс-орун басары Мурат Бейшенов
"Генералдык штаб конституциялык орган эмес, начальниги өкмөттүн мүчөсү эмес. Чоң мамлекет эмеспиз, армиябыз эбегейсиз болбогондон кийин штабдын эмне кереги бар дегенбиз. Бийлик ондогон миллион сом каражатты кетирип түзүмдү бул органга өткөргөн. Алты жыл болду, эмне өзгөрдү? Эми кайра Коргоо министрлиги болот деп жатат. Ички жана эл аралык документтерди алмаштырууга кайрадан ондогон миллион каражат кетет, бул чоң убаракерчилик да", — деди Бейшенов.

Ал убагында Коргоо министрлигин жоюп, Куралдуу күчтөрдү Генштабга өткөргөндөр жоопко тартылышы керек деген оюн кошумчалады.

Чотбаев: мурдагыдай эле Коргоо министрлиги болушу керек

Улуттук гвардиянын мурдагы генералы, афган согушунун ардагери, генерал-полковник Абдыгул Чотбаев Коргоо министрлиги менен Генералдык штабдын ишинде көп деле айырмачылык жоктугун, кеп аларды ким жетектей турганында болуп жатканын айтты.

Экс-глава Национальной гвардии КР, генерал-полковник Абдыгул Чотбаев
© Sputnik / Табылды Кадырбеков
Улуттук гвардиянын мурдагы генералы, афган согушунун ардагери, генерал-полковник Абдыгул Чотбаев
"Менимче, мурдагыдай эле Коргоо министрлиги болушу керек. Коңшу мамлекеттердин ичинен бизде эле Генштаб болгондуктан алардын жанында толук кандуу орган боло албай жатабыз. Биздики АКШ менен Түркиянын Генералдык штабынын чала варианты болуп калган", — деди генерал-подполковник.

Чотбаев Коргоо министрлигин жоюуга запастагы генералдар башында эле каршы болгонун белгиледи.

123
Белгилер:
өзгөртүүлөр, министрлик, Генералдык штаб, Куралдуу күчтөр, Кыргызстан
Тема боюнча
Курал кармаган аскерлер, тизилген техника. Кыргыз армиясынын даярдыгы видеодо
Ырчы Анжелика Кайратова. Архив

"Айламды таппай калдым". Ырчы Анжелика улуу кызынын да моюну сынганын билдирди

3381
(жаңыланган 22:39 27.01.2021)
Ырчы 23-январдын таңында Ысык-Көл облусунда жол кырсыгына кабылган. Автоунаасында өзү менен кошо үч кызы болгон.

БИШКЕК, 27-янв. — Sputnik. Жол кырсыгына кабылган ырчы Анжелика Кайратованын чоң кызы Айыманын да мойнунун омуртка сөөктөрү сынганы аныкталды. Бул тууралуу ырчы өзү Instagram баракчасына жазды.

Посмотреть эту публикацию в Instagram

Публикация от Кайратова Анжелика (@anjelika_kairatovna_official)

Ал кыргызстандыктардан кызынын батыраак айыгып кетишин тилеп, дуба кылып коюуну сурап кайрылган.

"Айламды таппай турган кезим. Кызым белим дей берип, моюндун омуртка сөөктөрү сынганын эми көрүп жатабыз. Бир капталы кыймылдабай жатат. Элим, дуба кылалы. Аллахтан жардам, сиздерден жардам сурайм! Ушундай колдоо керекте жалгызсыратпаңыздар, суранам!" — деп кайрылды ырчы.

Эске салсак, Анжелика Кайратова 23-январдын таңында Ысык-Көл облусунда жол кырсыгына кабылган. Автоунаасында өзү менен кошо үч кызы болгон. Дарыгерлер беш жаштагы кызынын эки бутунун тең кашка жиликтери сынып, ырчынын өзүнүн омурткалары жабыркаганын айткан. Экөөнө тең операция жасалган. Ал эми эки кызынын абалы туруктуу экени кабарланган болчу.

3381
Белгилер:
операция, кыз, ырчы, Анжелика Кайратова, жол кырсык
Тема боюнча
Жол кырсыгына кабылган Анжелика Кайратовага шашылыш операция жасалды
Анжелика менен кызы реанимацияда. Кичүү кызына бүгүн операция жасалат
 Россиянын президенти Владимир Путин

Путин Давос форумунда сүйлөп, ааламдын орчундуу маселелерине токтолду

0
(жаңыланган 00:59 28.01.2021)
Путин дүйнөдө болуп жаткан кырдаалды өткөн кылымдын 30-жылдары менен салыштырууга болорун белгиледи.

БИШКЕК, 28-янв. — Sputnik. Россия президенти Владимир Путин 12 жылдык тыныгуудан кийин алгачкы ирет Давос дүйнөлүк экономикалык форумунда сөз сүйлөдү. Бул тууралуу РИА Новости билдирди.

Иш-чара дүйшөмбү күнү башталып, коронавирус пандемиясына байланыштуу онлайн-форматта өтүп жатат. Россия лидери пандемия маалында дүйнө кандай өзгөргөнү боюнча айтып, бардык өлкөлөрдү болушунча бири-бирине жакын ымалада болууга чакырды.

Путин дүйнөдөгү кырдаалды өткөн кылымдын 30-жылдары менен салыштырууга болорун белгиледи.

“Мындай абал менен макул болсо да, ага көнбөсө да болот. Бирок бир топ параметрлер – масштабы, комплекстүүлүгү, чакырыктардын системалык мүнөзү, ойлондурган кооптуулук — баары бир ага кандайдыр бир окшоштук чыгып калып жатат. Биз экономикалык өнүгүүнүн мурдагы ыкмалары менен инструменттеринин каатчылыгын көрүп турабыз. Социалдык катмарга бөлүнүү күчөп кеткен. Бул ааламдык деңгээлде да, бир катар өлкөлөрдүн мисалында да көзгө дароо урунат. Бул тууралуу мурда деле айтып келгенбиз, бирок бүгүн коомдо пикирлердин арбындыгын жаратып жаткан учур. Популизмдин, оңчул жана солчул радикализмдин, дагы башка чекке жеткендиктин өсүшүнө түрткү болууда. Ички саясий абалдын курчушу менен айыгышкан тирешүүлөр бир топ алдыңкы өлкөлөрдө арбыды", — деди Путин.

Россия президенти мунун кесепети эл аралык мамилелерди дагы кыйгап өтпөй, туруксуздукка жана күтүлбөгөн окуяларга кептеп жатканын белгиледи. Эл аралык институттар алсырап, регионалдык жаңжалдар көбөйүп, глобалдык коопсуздук системасы деградацияланып жатканын айтып өттү.

Путин өзүнүн сөзүндө эл аралык мамилелерди чыңалуулар, глобалдуу чатактар, адамзаттын жашоо деңгээли, кирешелердин бөлүнүшү, жакырчылыктан чыгуу жана азыр ааламды силкинтип жаткан коронавирус пандемиясы, ага каршы туруучу вакциналардын жеткиликтүү болбой жатышы тууралуу кеп козгогон.

Россия президенти эмнеден кеп салганы боюнча бул жерден кеңири окуй аласыздар.

0
Белгилер:
Владимир Путин, Россия, форум, Давос
Тема боюнча
Путин Геленджиктеги хан сарай жана макулдашылбаган акциялар тууралуу үн катты