Милиция кызматкерлери. Архив

Белгисиз милиционер эмгек шарты боюнча президентке даттандыбы? ИИМдин жообу

718
(жаңыланган 09:24 22.07.2019)
Интернетке чыккан кат анонимдик негизде жазылган.

БИШКЕК, 21-июл. — Sputnik. Кыргызстандын Ички иштер министрлиги Аламүдүн райондук ички иштер бөлүмүнүн кызматкерлеринен деп интернетке жарыяланган кат боюнча кызматтык иликтөөсүн баштады. Бул тууралуу Sputnik агенттигине ИИМдин маалымат кызматы кабарлады.

Катта "Жээнбеков күзөттөн баш тартты деп айтылганы менен милиция аны "Манас" аэропортунан "Ала-Арча" мамлекеттик резиденциясына чейин кайтарууну улантып жатканы" айтылган.

"Биздин аймак абдан чоң. Зарыл болгон жерге өз каражатыңды жумшап жетишиң керек. Көпчүлүк учурда такси менен барууга туура келет. Биз көчөдө күн-түнүнө карабай 5-6 сааттап тамак-аш, суубуз жок турабыз. Негизгиси сиздин көзүңүзгө көрүнбөшүбүз керек. Курчоого алууга расмий уруксат жок болгондуктан, жумушта жүргөнүбүз же жүрбөгөнүбүз билинбейт. Анын үстүнө кылмыштуулук менен күрөшүү боюнча негизги милдеттерибиз экинчи планга калып калууда. Эл керек болгон учурда милицияны таппай калып жаткандыктан, бизге болгон ишеним жоголуп бара жатат", — деп жазылган катта.

Автор президентке кайрылуусунда, бул ишмердүүлүккө расмий ишке ашырууга шарт түзүп, же таптакыр алып салууну суранган.

Кат социалдык тармактарда жана "Короче" Telegram-каналында жарыяланган.

ИИМ кат боюнча кызматтык иликтөө жүргүзүп, андан соң маалымат берилерин билдирди.

718
Белгилер:
кайрылуу, кат, милиция, ИИМ, Сооронбай Жээнбеков
Тема боюнча
Кечинде такси айдайм. Мэриянын портрет менен ойногон кызматкерлеринин маеги
Биринчи-вице Артем Новиков. Архивдик сүрөт

Өкмөткө чек ара маселесин чечүү үчүн "Кытайга жүгүнүп баруу" сунушталды

1
(жаңыланган 17:56 23.10.2020)
Дамира Дооталиеванын айтымында, буга чейин "Торугарт" жана "Эркечтам" өткөрүү пункттарында суткасына 300дөй жүк ташуучу унаа өтчү. Учурда бештен ашпаган авто араң өтүп жатат, себеби түшүнүксүз.

БИШКЕК, 23-окт. — Sputnik. Базарлар, соода ишканалары жана кызмат көрсөтүү тармактары ассоциациясынын президенти Дамира Дооталиева өкмөттү Кытайдан товар ташуу боюнча көйгөйдү тез арада чечип берүүгө чакырды.

Анын айтымында, буга чейин "Торугарт" жана "Эркечтам" өткөрүү пункттарында суткасына 300дөй жүк ташуучу унаа өтчү. Учурда бештен ашпаган авто араң өтүп жатат, себеби түшүнүксүз. Ошол эле учурда "Торугарт" жабык, ал эми "Эркечтам" жарым-жартылай гана иштөөдө. Товарлар жарым жылдык кечигүү менен келип, өкмөт дагы салык каникулун жарыялабай жатат.

"Абал оор, төртүнчү сезон кыйраганы турат. Каражатты кайдан аларыбызды билбей калдык. Комиссия түзүлсүн, катуу айтып алышым мүмкүн, бирок Кытайга жүгүнүп барса дагы эмнеге чектөөлөр болуп жатканын билишсин", — деди Дооталиева.

Алтын камтылган кенди казуу жана сатууда киреше салыгы жогорулады

Анын мындай сунушуна биринчи-вице Артем Новиков "биз жүгүнүп барышыбыз керек деп айтуу туура эмес. Азыр Тышкы иштер министрлиги, Чек ара кызматы, Нарын облусундагы өкүлчүлүк тарабынан сүйлөшүүлөр жүрүп жатат" деп жооп берди.

Анын айтымында, жакында бетме-бет сүйлөшүүлөр күтүлүүдө. Ошол учурда бардыгы белгилүү болот.

 

1
Белгилер:
экономика, чек ара, Артем Новиков, Кытай, Кыргызстан
Ноутбук кармаган киши. Архивдик сүрөт

35 жашка чыкпай жогорку кызматты ээлеген аткаминерлер. Тизме

285
(жаңыланган 17:28 23.10.2020)
Sputnik Кыргызстан агенттиги 35 жашка чыга электе жогорку кызматка барган жаштардын тизмесин топтоду. Арасында 30 жашында министрдин креслосуна отургандар бар.

Азыркы маалда көпчүлүк бийликке, өкмөткө, жогорку кызматка жаштардын келишин талап кылып, аларга мүмкүнчүлүк берүүнү суранууда. Жаңы өкмөттүн курамы түзүлгөн, бирок чекесинен кайра жаңыланып, арасына жаштар кошула баштады. Алсак, айыл чарба, тамак-аш өнөр жайы жана мелиорация министри Эркинбек Чодуев кызматтан кетип, ордуна 30 жаштагы Тилек Токтогазиев келди.

Бул учурду эске алып Sputnik Кыргызстан агенттиги 35 жашка чыга электе мамлекеттин жетекчилик кызматтарында иштеген уул-кыздарын чогултту.

Белгилей кетсек, КР мыйзамындагы 2009-жылкы "Мамлекеттик жаштар саясатынын негиздери жөнүндө" жобо боюнча 14-28 жашка чейинкилер жаш деп эсептелет. Бирок документтин эски редакциясында бул категорияга 35 жашка чейинкилер да кирчү. Мындан улам 35 жашка чейинки аткаминерлерди чогулттук. Тизме жаш куракка карап түзүлдү.

Тилек Токтогазиев, 30 жашта

Бизнесмен Тилек Токтогазиев на заседании президента КР Сооронбая Жээнбекова с представителями бизнес-сообществ Кыргызстана
© Пресс-служба президента КР / Султан Досалиев
Тилек Токтогазиев, 30 жашта

Тилек Токтогазиев 30 жашында айыл чарба, тамак-аш өнөр жайы жана мелиорация министри болду. Ал 1990-жылдын 26-декабрында Бишкек шаарында туулган. Кыргыз-Россия Славян университетин эл аралык мамилелер адистиги боюнча бүтүргөн. Алгач сүт коктейлдерин сатып, кийин медициналык жабдууларды ташыган "Лависта" ишканасын негиздеген. Жаш ишкерлер ассоциациясынын, Кыргызстандын социалдык ишкерлер ассоциациясынын жана Бишкек ишкердик клубунун мүчөсү. 2019-жылы "Бир Бол" фракциясынын атынан айыл чарба, тамак-аш өнөр жайы жана мелиорация министрине талапкер болгон, бирок кызмат буюрган эмес. 2020-жылдын 4-октябрында өткөн парламенттик шайлоого "Ата Мекен" саясий партиясы менен аттанган. Тилекке каршы, партия парламентке өтпөй, элдик толкундоонун натыйжасында шайлоонун жыйынтыгы расмий жокко чыгарылган. 2020-жылдын 22-октябрында айыл чарба, тамак-аш өнөр жайы жана мелиорация министри болуп дайындалды.

Кыргыз өкмөтүнүн курамы кантип өзгөрдү

Акылбек Жамангулов, 32 жашта

Директор ЗАО Альфа Телеком Акылбек Жамангулов на первом телекоммуникационном форуме Цифровой Кыргызстан: развитие регионов в Оше
© Пресс-служба президента КР / Султан Досалиев
Акылбек Жамангулов, 32 жашта

Акылбек Жамангулов 30 жашында "Альфа Телеком" компаниясынын (MegaCom бренди) башкы директору болгон. Ал 1988-жылы 24-октябрда Чүй облусунун Кемин шаарында туулган. Кыргыз-Россия Славян университетинин каржы жана насыя адистиги, КР Тышкы иштер министрлигинин Казы Дикамбаев атындагы Дипломатиялык академиясында эл аралык мамилелер адистиги боюнча билим алган. Ошондой эле Кыргыз мамлекеттик юридикалык академиясынан юриспруденция адистигин бүтүргөн. Жамангулов 27 жашында (2015-жыл) Жогорку Кеңештин VI чакырылышына депутат болгон. Ал эми 30 жашында "Альфа Телеком" компаниясын (MegaCom бренди) жетектей баштаган.

Жаныбек Абиров, 32 жашта

В Бишкеке состоялся чемпионат Кыргызстана по шахматам среди лиц с ограниченными возможностями здоровья
© Sputnik / Табылды Кадырбеков
Жаныбек Абиров, 32 жашта

Жаныбек Абиров 1988-жылы 22-декабрда төрөлгөн. Кыргыз-Россия Славян университетин жана Президенттин алдындагы башкаруу академиясын юриспруденция, мамлекеттик жана жергиликтүү башкаруу менеджементи адистиги боюнча аяктаган. 2018-жылдын 20-сентябрында 30 жашында Бишкек шаардык кеңешинин төрагасы болуп шайланган.

Артем Новиков, 33 жашта

Артем Новиков во время заседания Жогорку Кенеша в госрезиденции Ала-Арча. 14 октября 2020 года
© Sputnik / Табылды Кадырбеков
Артем Новиков, 33 жашта

35 жашка чыга элек жатып Новиков бир катар жетекчилик кызматтарды аркалаган. Новиков 1987-жылы Фрунзе шаарында төрөлгөн. Балтика мамлекеттик техникалык университетин экономист-менеджер адистиги боюнча аяктаган.

2011-жылы 24 жашында ошол кездеги премьер-министр Өмүрбек Бабановдун кеңешчиси болгон. 27 жашында премьер-министр Жоомарт Оторбаевдин, 28 жашында биринчи вице-премьер Аалы Карашевдин кеңешчиси катары иштеген. 30га чыкканда Новиков экономика министри болсо, эми Садыр Жапаров баштаган өкмөттүн жаңы түзүмүнө кирип, биринчи вице-премьер болуп дайындалды. Ошондой эле Кыргызстандын ЕЭКтеги өкүлү.

Бийлик кантип алмашты? Соңку окуялардагы урунттуу учурлар

Азамат Жаманкулов, 33 жашта

Министр культуры, информации и туризма КР Азамат Жаманкулов на открытии Центра российской литературы и культуры в Нацбиблиотеке в Бишкеке
© Sputnik / Бакыт Смаилов
Азамат Жаманкулов, 33 жашта

Азамат Жаманкулов 1987-жылы туулган. Кыргыз-түрк "Манас" университетин ишканадагы менеджмент, 2011-жылы Кыргызстан эл аралык университетин финансы адистиги боюнча аяктаган. 2015-жылы 27 жашында Маданият, маалымат жана туризм министрлигинин Туризм департаментинин жетекчиси болуп дайындалса, 31 жашында маданият министринин креслосун ээлеген. Бул кызматта эки жыл эмгектенген соң 2020-жылдын октябрь айында жумуштан бошотулду. Кыргыз, казак, орус, түрк, англис тилдеринде сүйлөйт.

Алтынбек Исмаилов, 34 жашта

Председатель Государственного комитета информационных технологий и связи КР Алтынбек Исмаилов на брифинге 10 июля 2020 года
© Фото / Республиканский штаб КР по борьбе с COVID-19
Алтынбек Исмаилов, 34 жашта

Алтынбек Исмаилов 2020-жылы июнда Маалыматтык технологиялар жана байланыш мамлекеттик комитетинин төрагасы болуп дайындалган. Азыр да бул кызматты жетектейт. 1986-жылы 12-февралда Жалал-Абад облусунун Ноокен районунда туулган. Борбор Азиядагы Америка университетинин банк иштери, Колумбия университетинде экономикалык өнүгүү адистигин аяктаган.

Шайлоо мыйзамдарына өзгөртүү киргизүү долбоору биринчи окуудан өттү. Эрежелери

Дастан Догоев, 34 жашта

Советник президента КР на общественных началах Дастан Догоев
© Пресс-служба президента КР / Султан Досалиев
Дастан Догоев, 34 жашта

35 жашка чыга электе жогорку кызматка келгендердин арасында Дастан Догоев дагы бар. Ал 1986-жылы 3-августта Ысык-Көл облусунун Каракол шаарында төрөлгөн. Лондондогу Кавендиш колледжинде бизнести башкаруу адистигин жана Кингстон университетинде бизнести башкаруу адистиктерин аяктаган. 2012-жылы 26 жашында Каржы министрлигинин алдындагы "Инфо-система" мамлекеттик ишканасынын мекемени өнүктүрүү жетекчисинин орун басары болуп иштеген. 28 жашында Мамлекеттик каттоо кызматынын жетекчисинин орун басары, 31 жашында аталган кызматтын жетекчиси болгон.

33 жашында Маалыматтык технологиялар жана байланыш мамлекеттик комитетинин төрагасы болуп бир жыл иштеп, андан кийин кызматты өз каалоосу менен тапшырып кеткен. Бирок ал санариптештирүү маселелери боюнча КР президентинин кеңешчиси бойдон калган.

Мирлан Парханов, 34 жашта

Заместитель директора Государственного агентства по делам молодежи, физической культуры и спорта Мирлан Парханов во время интервью Sputnik Кыргызстан
© Sputnik / Табылды Кадырбеков
Мирлан Парханов, 34 жашта

Мирлан Парханов 1986-жылы туулган. 2016-жылдын ноябрь айынан бери Жаштар иши, дене тарбия жана спорт агенттигинин директорунун орун басары болуп эмгектенет. Ал убакта 30 жашта болчу. Ага чейин вице-премьердин жардамчысы, президенттин аппаратында референт, социалдык саясат бөлүмүндө эксперт, мындан сырткары, бир нече уюмда жетекчилик кызматтарды аркалаган.

В.С.Черномырдин атындагы Москва мамлекеттик университетин уюмдун менеджменти адистиги боюнча аяктаган. 2018-жылы ал Россия президенти Владимир Путинден медаль алган. Аткаминер мындай сыйга 2017-жылы Сочи шаарында өткөн Бүткүл дүйнөлүк жаштар жана студенттер фестивалын уюштурууга кошкон салымы үчүн татыган.

Элдар Алишеров, 35 жашта

Заместитель министра экономики КР Эльдар Алишеров на рассмотрении закона в Жогоку Кенеше. 30 октября 2018 год
© Фото / Пресс-служба ЖК
Элдар Алишеров, 35 жашта

Элдар Алишеров 1985-жылы 18-сентябрда Бишкек шаарында туулган. Санкт-Петербург мамлекеттик университетинде экономика факультетин аяктаган. Ал 2018-жылдын 23-июлунда 33 жашында экономика министринин орун басары болуп дайындалган. Ага чейин өкмөттүн аппаратында бир катар кызматтарды аркалаган. Жеке менчик уюмдарда жана банктарда иш тажрыйбасы бар.

285
Белгилер:
аткаминер, министр, мамлекеттик кызматкер, жаштар
Тема боюнча
Канат Исаев ТТМККнын баш катчысы менен жолугуп кызматташтыкты талкуулады
Түлеев мэрияда кырдаал тынчыбаса кайра кызматка келип аларын эскертти