Шаар тургундары. Архив

Кыргызстандыктар ысыктан улам иш күндүн кыскарышын каалайт. Сурамжылоо

164
(жаңыланган 09:32 22.07.2019)
Сурамжылоого 2400 адам катышты.

БИШКЕК, 21-июл. — Sputnik. Добуш бергендердин 80 пайызы Кыргызстанда күндүн ысыгынан улам иш күнүн кыскартууну каалашат. Бул маалыматты Sputnik агенттигинин онлайн-сурамжылоосунун жыйынтыгынан улам билсе болот.

Окурмандарга "Күндүн ысыгынан улам Кыргызстанда иш күнүн кыскартыш керекпи?" деген суроо берилген. Суроого 2400 жаран жооп берди.

"Албетте. Мындай ысыкта иштөө мүмкүн эмес" деген вариантка 83,7 пайыз добуш берилген. Андан кийинки орунда "Жумуштан качпагыла, азыр бардык жерде кондиционерлер коюлган" (10,5 пайыз) деген жооп турат.

Иш күнү качан кыскарат?

Иш күнүн кыскартуу боюнча маселе былтыркы жайда да көтөрүлгөн. Анда аба температурасы ачык жерлерде 60 градуска чейин ысый турганын айткан эле.

Анда Эмгек жана социалдык өнүктүрүү министрлиги абанын табы беш күн катары менен 40 градустун тегерегинде болсо, жарандар кызматынан эртерээк кете аларын айткан.

КРдин Эмгек кодексинде күндүн ысыгынан иш күндүн кыскарышы боюнча айтылган эмес. Бирок жумуш берүүчү кызматкерлеринин коопсуз эмгектенүүсү үчүн шарт түзүп берүүгө милдеттүү экени айтылган.

Синоптиктердин маалыматына караганда, бул аптада Кыргызстанда абанын табы +38 градуска чейин көтөрүлөт.

164
Белгилер:
сурамжылоо, иш күнү, аба ырайы, Кыргызстан
Тема боюнча
Жайдын акыркы айы кандай болот? Августка карата аба ырайы
Ысык-Көл. Архив

Ишембиге карата аба ырайы

26
(жаңыланган 21:32 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта, күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Баткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

26
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

34
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

34
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт