МГУнун филиалы Кыргызстанда качан ачылары айтылды

© Sputnik / Евгений Биятов / Медиабанкка өтүүМосква мамлекеттик университети. Архив
Москва мамлекеттик университети. Архив - Sputnik Кыргызстан
Жазылуу
Окуу жайдын филиалын ачуу демилгеси буга чейин алты жолу сунушталып, бирок ал кыргыз тараптан эч кандай колдоо тапкан эмес.

БИШКЕК, 22-июл. — Sputnik. Кыргызстандын билим берүү жана илим министри Гүлмира Кудайбердиева Москва мамлекеттик университетинин ректору Виктор Садовничий менен окуу жайдын филиалын ачуу боюнча сүйлөштү. Бул тууралуу министрликтин маалымат кызматы билдирди.

Университеттин филиалын ачуу боюнча жол картасын талкуулоого Кыргызстандын Россиядагы элчиси Аликбек Жекшенкулов да катышты.

"Кыргызстан менен Россиянын мамлекет башчылары 2020-жылды кыргыз-орус кызматташтыгынын жылы деп жарыялады. КРдин Билим берүү жана илим министрлиги бул маселени өкмөттөр аралык жолугушуулардын күн тартибине киргизүү боюнча аракеттерди баштады", — деди Кудайбердиева.

Среднее общее образование в Кыргызстане - Sputnik Кыргызстан
Аттестатты ката менен баскандардын кандай жаза алгандыгы айтылды
Жол картасын талкуулоо учурунда филиалды ачуу 2020-жылга пландалганы айтылат.

Эске салсак, 27-мартта Бишкекте өткөн ректорлордун форумунда МГУнун башчысы Виктор Садовничий университеттин филиалын Кыргызстанда ачуу үчүн алты жолу макулдугун бергенин билдирген.

Бирок сунуш кыргыз тараптан колдоо тапкан эмес. Коомдо бул маселе талкууга алына баштаганда президент Сооронбай Жээнбеков аны жеке көзөмөлүнө алганын айткан.

Виджет news
Жаңылыктар түрмөгү
0