Нарын шаары. Архивдик сүрөт

Усубалиевдин Нарындагы сүрөтү: "Тазалыктын" жетекчиси катуу сөгүш алды

619
(жаңыланган 15:02 22.07.2019)
Социалдык тармактарда Кыргыз ССР компартиясынын Борбордук комитетинин биринчи катчысы Турдакун Усубалиевдин Нарынга илинген баннеринде башка кишинин сүрөтү түшүп калганын жазып чыгышкан.

БИШКЕК, 22-июл. — Sputnik. Нарындын негизги көчөсүнө мамлекеттик ишмер Турдакун Усубалиевдин 100 жылдык мааракесин утурлай илинген баннерге анын ордуна башка кишинин сүрөтү чапталган окуя боюнча айрым жетекчилер жоопко тартылды. Бул тууралуу Нарын мэриясынын аппаратынын жетекчиси Кубанычбек Чымылдаков Sputnik Кыргызстан агенттигинин кабарчысына билдирди.

Социалдык тармактарда Кыргыз ССР компартиясынын Борбордук комитетинин биринчи катчысы Турдакун Усубалиевдин Нарынга илинген баннеринде башка кишинин сүрөтү түшүп калганын жазып чыгышкан. Баннерде Усубалиевдин ордуна эмгектин ардагери Кыдырма Орозалиевдин сүрөтү чапталган. Орозалиевге убагында жолдордун салынышына, транспорттук инфраструктуранын өнүгүшүнө кошкон салымы үчүн "Бишкек шаарынын ардактуу атуулу" деген наам берилген. Баннердин сүрөтү "Короче" Telegram каналына жарыяланды.

Окуядан кийин бул катачылыкка жол бергендер тууралуу кызматтык териштирүү башталган.

Чымылдаковдун айтымында, бул алешемдикке жол бергени үчүн калаанын "Тазалык" ишканасынын жетекчисине катуу сөгүш берилген.

"Мэрдин буйругу менен "Тазалыктын" жетекчисине катуу сөгүш берилди. Азыр аталган ишкананын ичинде да кызматтык териштирүү жүрүп жатат. Учурда Турдакун Усубалиевдин сүрөтү коюлган жаңы баннер илинди", — деди ал.

Турдакун Усубалиев 1919-жылы Кочкор районундагы Кочкор кыштагында туулган. Ал 2015-жылы 6-сентябрда узакка созулган оорудан каза болгон. Быйыл мамлекеттик ишмердин 100 жылдыгы улуттук деңгээлде белгиленет.

619
Белгилер:
Турдакун Усубалиев, Нарын, баннер, ката, сөгүш
Тема боюнча
Усубалиевдин 100 жылдыгы мамлекеттик деңгээлде белгиленеби? Өкмөттүн жообу
Турдакун Усубалиевдин ысымын Бишкектеги Киев көчөсүнө ыйгаруу сунушталды
Олимпиада оюндарынын күмүш байге ээси Айсулуу Тыныбекова. Архив

Айсулуу Тыныбекова көпчүлүк көрө элек сүрөттөрүн жарыялады

1
Сүрөткө Айсулуу күздүн күнү түркүн түскө боелгон кайың токойдон түшкөн. Спортчунун менеджери бул кадрлар эл назарына алгачкы ирет чыгарылып жатканын билдирди.

БИШКЕК, 23-сен. — Sputnik. Олимпиада оюндарынын күмүш байге ээси Айсулуу Тыныбекова Facebook социалдык тармагы аркылуу кырызстандыктарды Мамлекеттик тил күнү менен куттуктап, улуттук кийим кийген сүрөттөрүн жарыялады.

"Баарыңыздарды бүгүнкү Мамлекеттик тил күнү менен чын жүрөктөн куттуктайм."Эне тили болбосо, аты аталбайт улуттун" дегендей, кыргыз тилинин тарыхы — бул биздин элибиздин тарыхы. Бүгүнкү күндө тил маселеси  мамлекетибиздин негизги багыттарынан болуп эсептелет. Келгиле достор, кыргыз тилинде сүйлөшүп эне тилди өнүктүрөлү!" — деп жазды спортчу кыз.
Посмотреть эту публикацию в Instagram

Публикация от Tynybekova Aisuluu (@tynybekova.aisuluu)

Сүрөткө Айсулуу күздүн күнү түркүн түскө боелгон кайың токойдун ичинен түшкөн. Спортчунун менеджери бул кадрлар эл назарына алгачкы ирет чыгарылып жатканын билдирди.

Тыныбекованын постуна бир нече мүнөт ичинде жүздөгөн колдонуучулар "лайк" басып, комментарийлерди жазып жатышат.

1
Белгилер:
Айсулуу Тыныбекова, пост, сүрөт, майрам, куттуктоо
Тема боюнча
Эч кандай акция уюштурган жокмун! Тыныбекова фейк аккаунт ачылганын айтты
Камкордук керек. Жапаров элди Мамлекеттик тил күнү менен куттуктады
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

18
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

18
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы