Кишенчен киши. Архивдик сүрөт

Адам уурдоо, рейдерлик, оффшор... Ажолордун кылмышка аралашкан балдары

1199
(жаңыланган 13:49 23.07.2019)
КМШ президенттеринин балдарынын арасында адам уурдоого, арам акчанын изин жашырууга жана баңгизат колдонууга шектелгендер бар.

Өткөн аптанын соңунда Өзбекстандын президенти Шавкат Мирзиёевдин кенже күйөө баласы Отабек Умаров автоунаасынын ылдамдыгын жогорулатып айдаганы үчүн айыпка жыгылды.

Буга чейин YouTube тармагында Ташкенттин борбордук көчөсүндө Tesla унаасын саатына 201 чакырым ылдамдыкта айдап бара жаткан кишинин видеосу тараган. Бир катар ЖМКлар ал Умаров экендигин билдирип, социалдык тармактарда катуу талкууга алынган.

Көп өтпөй өзбек лидеринин күйөө баласы жол эрежесин бузгандыгы үчүн 1 миллион 824 570 сум (15 миң сомго жакын) айып төлөй турганы белгилүү болду.

Бул окуядан улам Sputnik Кыргызстан КМШ өлкөлөрүнүн президенттеринин уул-кыздары жана күйөө балдары мыйзам менен "душмандашкан" учурларын эске салды.

Канбийке жана оффшор чуусу

Посмотреть эту публикацию в Instagram

Публикация от Leyla Aliyeva 🇦🇿 (@leylaaliyeva.999)

Илхам Алиев Азербайжанды башкарып келе жатканына 16 жылдын жүзү болду. Анын Лейла, Арзу аттуу кыздары жана Гейдар аттуу уулу бар. Алиевдердин үй-бүлөсү, анын ичинен эки кызынын ысымдары былтыркы жылы ЖМК беттеринде бир топ чуулуу макалаларда айтылып жүрдү. Британиялык The Guardian басылмасы алар Лондон шаарында Child&Child деп аталган компаниядан 60 миллионов фунттук (7,4 миллион доллар) элиталык батирди оффшордук компания аркылуу сатып алууга аракет кылганын жазган. 

Негизи эле "Панама документтери" деп аталган оффшордук компаниялар тууралуу европалык журналисттердин 2015-жылкы иликтөөсүндө Алиевдердин Улуу Британиядагы мүлкү тууралуу айтылган. Ошондой эле ал документте президенттин кыздарынын байлыгы миллиарддаган долларлап саналары жазылган. Анда журналисттердин бул жазганына Алиевдин маалымат кызматынын жетекчиси "Азербайжандын мыйзамдарына ылайык президенттин уул-кыздары коммерциялык ишканаларды башкарууга укуктуу" деп гана жооп берген.

Назарбаевдин небереси 

Отставкасына карабастан эл башчылыгы жана Коопсуздук кеңешинин төрагасы өңдүү бир топ ыйгарым укуктары сакталып калган Казакстандын  мурунку президенти Нурсултан Назарбаевдин дагы үй-бүлөсүндө жагымсыз окуялар болуп турат. Эң алгачкысы мурдагы күйөө баласы Рахат Алиев менен байланыштуу болчу. Ал улуу кызы Дариганын жолдошу эле. Алиевдин карьералык өсүшү 1993-жылы башталган. Алгач Саламаттыкты сактоо министрлигинин бөлүм башчысынын орун басары болуп, андан соң өкмөт аппаратында жана бир нече ири компанияларда эмгектенген. Андан соң Алматынын Салык полициясын жетектеп, элчи болуп, айтор тез арада баш айланткан ийгиликтерди багынткан. 

Бывший казахстанский чиновник и дипломат Рахат Алиев во время рабочего визита
© AFP 2020 / DRAGAN TATIC / HBF APA
Казакстандын биринчи президенти Нурсултан Назарбаевдин мурдагы күйөө баласы Рахат Алиев

Бирок мунун баары 2007-жылы кумга сиңгендей жок болгон. Өзү акционер болгон "Нурбанк" ишканасынын жетекчиси уурдалып, буга Алиевди айыпташкан. Көп өтпөй ал кызматын тапшырып, Европага качып кеткен. Кийин эл аралык издөөдө жүрүп, Австриядан кармалган. Бирок европалыктар аны өз өлкөсүнө экстрадициялоодон баш тарткан. Казакстанда дагы бир нече кылмыш иши козголгон. Бирок Алиев Вена шаарындагы түрмөлөрдүн биринде каза болгон.

Бул үй-бүлөдөгү андан кийинки "терс" каарман — анын уулу, 28 жаштагы Айсултан Назарбаев. Ал Лондон шаарында жүрүп баңгизаттын таасири менен полиция кызматкерине каршылык көрсөтүп, чаап жана тиштеп алгандыгы айтылууда. Баса, Айсултандын "башына мүшкүл иш түшкөн учурда баңгизатын колдонгонун, аны таятасы биринчилерден болуп билгенин" айтканы бар.

Экстердин "мураскерлери"

Акаевдин үй-бүлөсү

2001 — близкие Акаева — супруга Майрам, дочь Бермет с мужем Адилем Тойгонбаевым и сын Айдар — становятся владельцами многих прибыльных предприятий в КР, не гнушаясь рейдерских захватов
© Фото / Владимир Пирогов
Кыргызстандын биринчи президенти үй-бүлөсү менен

Кыргызстандын алгачкы президенти Аскар Акаевдин тун кызы Бермет Акаева Казакстан жараны, ишкер Адил Тойгонбаевге турмушка чыгып, бир топ жыл бирге өмүр сүргөн. Тойгонбаев “кыргыздын эрке күйөө баласы” атыгып, жубайлар эки балалуу болушкан. 2005-жылкы ыңкылаптан соң Тойгонбаев рейдерлик, жемкорлук жана алдамчылык боюнча сыртынан айыпталган. Мурдагы жылы борбор калаанын Биринчи Май райондук соту аны мүлкүн конфискациялоо, 20 миң сом өлчөмүндөгү айып менен 20 жылга эркинен ажыратуу боюнча өкүмүн сырттан угузган. Ошондой эле сот Тойгонбаевден 677 миллион сомду “Манас” эл аралык аба майданы” ААКтын пайдасына төлөтүү чечимин чыгарган. Баса, Тойгонбаев 2016-жылы Дубайдан кармалып, кайра күрөөгө бошотулгандыгы тууралуу айтылган.

© AFP 2020 / STR / RTR POOL
Айдар Акаев менен Алия Назарбаеванын үйлөнүү тою. Чолпон-Ата шаары, 1998-жыл

Ал эми Акаевдин уулу Айдар атасы бийликте турган убакта Улуттук олимпиада комитетин жетектеген, каржы министринин кеңешчиси болгон, ошондой эле Казакстандын журт башчысы Нурсултан Назарбаевдин көкүрөк күчүгү Алия менен баш кошуп, бирок никеси узакка созулган эмес. Ыңкылаптан кийин ал “Кумтөрдүн” иши боюнча келишимге кол коюудагы жемкорлукка шектелип, ага эки ирет издөө жарыяланган. 2005-жылдан бери Россияда ата-энеси менен турат, ишкерлик менен шугулданат.

Курманбек Бакиевдин балдары

Экинчи президент Курманбек Бакиевдин эки уулу дагы мыйзамды сыйлабастыгы менен элге жакпай калган. Атасынын бийлиги кулаган соң экөөнүн тең бир топ мыйзам бузганы аныкталып, сыртынан кесилген. Улуусу Марат УКМК төрагасынын мурдагы орун басары болгон. Кийин ал 27 жылга эркинен ажыратылган. Бирок учурда үй-бүлөсү менен Белоруссияда жашайт.  

Сын беглого президента Курманбека Бакиева — Максим Бакиев.
© AP Photo / Sultan Dosaliyev
Качкын президент Курманбек Бакиевдин кенже уулу Максим Бакиев

Экинчи баласы Максим Бакиев Өнүктүрүү, инвестиция жана инновациялар боюнча борбордук агенттигин (ЦАРИИ) жетектеген. Ал дагы сыртынан ар кыл иштер боюнча бир нече жылга, анын ичинде өмүр бою да эркинен ажыратылган. Далилденген айыптардын арасында келишимге кол коюуга мажбурлоо, кылмыштуу кирешелерди адалдаштыруу, опузалоо жана каражат чыгарып кетүү да бар.

Гүлнара Каримова

Дизайнер Гульнара Каримова позирует за кулисами на показе коллекции Guli Collections Spring 2011
© AFP 2020 / Amy Sussman / GETTY IMAGES NORTH AMERICA
Гүлнара Каримова алгач дизайнерлик менен алектенген

Өлкө башчынын уул-кыздарынын обу жоктугу жагынан Өзбекстан дагы артта калган эмес. Тагыраагы, раматылык Ислам Каримовдун тун кызы Гүлнара өлкө ичинде гана эмес, эл аралык деңгээлде бир топ кыңыр иштерди кылып, азыр кылмыш жоопкерчилигин өтөп жаткан кез.

Заңги-Ата районундагы аялдардын №21 колониясында отурган Каримова өткөн аптада ден соолугу кескин начарлап, ооруканага жеткирилген.

Абакка эмне болуп түшкөндүгү тууралуу айтсак, Каримова кезегинде бизнес жана мода менен алектенген. Ошондо эле анын ысымын Өзбекстандагы жемкорлук менен байланыштырышчу. 2008-жылы БУУ жана Швейцариянын борбору Женевадагы эл аралык уюмдардагы Өзбекстандын туруктуу өкүлү кызматын ээлеген. Бирок 2013-жылы аны дипломатиялык иммунитеттен ажыратып, Швейцария прокуратурасы арам акчаны адалдаштыруу шеги менен кылмыш ишин козгоп, эсептериндеги 800 миллион франкты тоңдурган.

Ислам Каримовдун башкаруусунун соңку жылдарында ал атасынын каарына калып, үй камагында кармалат деген маалымат тараган. 2015-жылдын августунда жемкорлукка аралашкандыгы үчүн Каримова Өзбекстанда беш жылга эркинен ажыратылган

1199
Белгилер:
кыз, уул, кылмыш иши, президент, КМШ
Тема боюнча
Өкмөт мүчөлөрү кайдан окуп, эмне кесипке ээ болушкан? Тизме
Жат болоруң бат беле... Ант-шерттен тайган кыргыз саясатчылары
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

607
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

607
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

49
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

49
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

0
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

0
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди