Иса Ахунбаев атындагы Кыргыз мамлекеттик медициналык академиясы. Архив

Медакадемиянын оңдоп берген дипломунан кайра ката чыкты. Сүрөт

1594
(жаңыланган 17:32 23.07.2019)
Эки ирет ката жазылган диплом тапшырган КММАнын окуу бөлүмүнүн проректору "флешканы басмаканага бергенде тамгалар алмашып калууда" деди.

БИШКЕК, 23-июл. — Sputnik. Иса Ахунбаев атындагы Кыргыз мамлекеттик медициналык академиясынын (КММА) оңдоп берген дипломдорунан кайра ката чыкты. Бул туурасында Sputnik Кыргызстан агенттигине окуу жайдын бүтүрүүчүлөрүнүн бири кабарлады.

Анын айтымында, "легализациялоо" деген сөздү "легализациАялоо" деп ката жазып коюшкан. Ал эми предметтердин аталышын кыргызча жазууда "Чоңдордун курч респиратордук дистресс-синдрому" "Курч респиратордук дистресс - чоңдордун синдрому" деп жазылып калган.

Ошибка в дипломе выпускника Кыргызской государственной медицинской академии
© фото очевидца, отправленное по WhatsApp-каналу
Дипломдо "легализациялоо" деген сөздү "легализациАялоо" деп ката жазып коюшкан.

Буга чейин ушул эле дипломдордон "окууга кирди" деген сөз "окуугу кирди" деп ката жазылып, бүтүрүүчүлөр документти кайра тапшырышкан болчу.

Ошибка в дипломе выпускника Кыргызской государственной медицинской академии
© фото очевидца, отправленное по WhatsApp-каналу
Предметтердин аталышынын кыргызчасында "Чоңдордун курч респиратордук дистресс-синдрому" дегендин ордуна "Курч респиратордук дистресс - чоңдордун синдрому" деп жазылып калган.

"Бүгүн дипломумдун оңдолгондон кийинки вариантын алдым. Айтсам ишенбейсиздер, мында да ката бар экен. Эми эмне кылам, билбейм. Бул — шермендечилик, уят! Канчадан бери бир дипломду тууралап бере алышпайт", — деп нааразы болду бүтүрүүчүлөрдүн бири.

КММАнын окуу бөлүмүнүн проректору Эркин Алымбаев муну техникалык мүчүлүштүк деп сыпаттады. Дипломдорду "Учкун" мамлекеттик ишканасы басып чыгарган.

"Басмаканага флешканы берип жатканда тамгалар алмашып кетүүдө. Азыр ар бир бала арыз жазып жатат, бат эле алмаштырып беребиз. Биринчи барактагы "Легализация" менен "окууга" деген катаны оңдогонбуз. Эми экинчи барактан предметтин аттарынан ката кетүүдө. Шарт боюнча тендерге мамлекеттик ишканалар катышышы керек. "Учкун" басмаканасы уткан, алардын тажрыйбасы жок экен. Мурда жеке басмаканаларда мындай көйгөй болгон эмес. Анын үстүнө өзүбүз да шашып калдык. Макетти Билим берүү жана илим министрлиги бекитип берет", — деди проректор.

Ал эми билим берүү жана илим министринин орун басары Кудайберди Кожобеков "Эмнеге мындай мүчүлүштүктөргө жол берилип жатат?" деген суроодон буйтап өтүп, дипломдор убагында алмаштырылып жатканына көбүрөөк токтолду.

"Бүгүн жогорку окуу жайдын жетекчилеринин баарын чогултуп ушул боюнча жыйын өттүк. Бул жалпылап карай турган маселе болуп жатат. Кысталышта калбаш үчүн тендерди эрте баштоо, басмакананы туура тандоо сыяктуу комплекстүү чечим кабыл алынды. Эми баарын убагында жасоо механизмин иштеп чыгабыз", — деди Кожобеков.

Эскерте кетсек, буга чейин мектеп бүтүрүүчүлөрүнө ката жазылган 95 миң аттестат тапшырылганы ачыкталып, кылмыш иши козголгон.

1594
Белгилер:
Бишкек, Кыргыз мамлекеттик медициналык академиясы, диплом, ката, Билим берүү министрлиги, ЖОЖ
Тема боюнча
Аттестатты ката менен баскандардын кандай жаза алгандыгы айтылды
Эми дипломдордон ката чыгууда. Буга ким күнөөлүү?
Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев. Архив

КР президентинин администрация өкүлү: интернационализмге шарт түзөлү

15
Кудайберген Базарбаев Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясына катышып, элди тилектештикке чакырды.

БИШКЕК, 23-сен. — Sputnik. Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев интернационализмге шарт түзүп берүүгө чакырды.

Ал Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясында сөз сүйлөдү.

"Мындай иш-чаралар өтө пайдалуу. Башка улуттагы мекендештердин кызыкчылыгын коргоп гана тим болбой, аларга эч кандай тоскоолдук жаралбагыдай шарттарды түзүп берүүгө аракет кылалы. Башкысы, интернационализм, достук, тилектештикти күчөтүүгө жан үрөйлү", — деди Базарбаев.

Анын айтымында, дал ушул нерселер бизге чейинки муунга күч берип, алар бири-бирин дос жана бир туугандай кабыл алышкан.

15
Белгилер:
Кыргызстан, Россия, ынтымак
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды
Тюмень шаарындагы Биримдик кыргыз диаспорасынын төрайымы Канзада Сманова

Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен

7
Тюмень шаарындагы "Биримдик" кыргыз диаспорасынын төрайымы Канзада Сманова Россия Федерациясынын жогорку окуу жайлары борбор азиялык абитуриенттерге көп мүмкүнчүлүктөрдү берип жаткандыгын айтты.

Тюмень шаарын эле айта турган болсом, учурда төрт ЖОЖ кыргызстандык студенттерди бюджеттик негизде кабыл алууга даяр. Бирок тапшыргандар аз болууда. Бул тууралуу Канзада Сманова Sputnik Кыргызстан радиосуна маек куруп жатып билдирди.

Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен

Анын айтымында, Россиянын университеттерине окууну каалагандардын аз болушу маалыматтын жеткиликсиздигенен улам болууда.

"2012-жылы биринчи жолу Тюмень мамлекеттик архитектура-курулуш университети менен келишим түзгөнбүз. Алар Кыргызстан, Казакстан, Армения, Азербайжан, Тажикстан жана Өзбекстандан барган абитуриенттерге белгилүү өлчөмдө бюджеттик орундар берилерин айтышкан. Ошол жылдан тарта коңшу мамлекеттерден абитуриенттер келип активдүү тапшырып, билим алып жатышат. Кыргызстандыктар азыраак болууда. Мындан кийин Тюмень мамлекеттик университети, Тюмень мамлекеттик айыл чарба академиясы жана Тюмень индустриялык университети менен келишимдерибиз бар. Бул окуу жайларга кыргызстандыктар барып тапшыра алышат. Ал үчүн мектепти аяктаган аттестаты гана жетиштүү. ЖРТнын жыйынтыгынын кереги жок, бул ЖОЖдор өздөрү экзамен алат. Болгону ушул сынактарга мыкты даярданып барса бюджеттик негизде окуп калуу мүмкүнчүлүгү чоң болот. Россия берген бул шарттарды Казакстан жана Тажикстан абдан жакшы пайдаланып жатат. Биздин жаштар да барып окуп алышса деп аракет кылабыз. Бул окуу жайлар Кыргызстандын Билим берүү жана илим министрлиги менен иштешпейт. Абитуриенттерди түз чакырышат. Ар жылы март, апрель айларында өлкөдөгү ири шаарларда ачык эшик күнүн өткөрүп маалымат беришет. WhatsApp, Тelegram-группаларды ачып, белгилүү бир мугалимдер ошол жактан каалоочулардын суроолоруна жооп берип турат. Андыктан мына ушул маалыматтык кампания учурунда ата-энелер пайдаланып калса болот. Мындай мүмкүнчүлүк бир эле Тюменде эмес Россиянын бардык шаарларындагы окуу жайларында бар", — деди Сманова.

Ал каалагандар Россиядагы кыргыз диаспораларынын жетекчилерине социалдык тармактар аркылуу кайрылып, окуу тууралуу маалымат алса болорун кошумчалады.

Подкасттын толук вариантын видеодон көрүңүз:

7
Белгилер:
Россия, ЖОЖ, окуу, Кыргызстан, Канзада Сманова
Тема боюнча
Сманова: Россиядагы кыргыздар мыйзамды сактаса көйгөй жаралбайт
Бүткүл дүйнөлүк жаш мекендештер оюндарынын жеңүүчүлөрүн сыйлоо аземи. Архив

Мекендештер оюндарында кыргызстандыктар алдыңкы орундарды ээлешет

0
(жаңыланган 14:23 23.09.2021)
"Росскызматташтык" уюмунун башчысынын кеңешчиси аталган мекеме жаштар менен кандай иштерди алып барганын белгиледи. Ал Кыргызстандан барган катышуучулардын спорттук ийгиликтери тууралуу айтып берди.

БИШКЕК, 23-сен. — Sputnik. "Росскызматташтык" уюмунун башчысынын кеңешчиси Дмитрий Федотов "Бүткүл дүйнөлүк жаш мекендештер оюндары" мелдешинде Кыргызстандын спортчуларынын ийгиликтери тууралуу айтып берди.

Ал Жакынкы чет өлкөлөрдөн келген россиялык мекендештердин аймактык жаштар конференциясында сөз сүйлөдү.

Федотов белгилегендей, жаштар менен иштөөгө өзгөчө көңүл бурулуп келет, тогуз жаштан баштап бардык курактагы топтор камтылган.

"Бизде кичинекей балдар үчүн "Бүткүл дүйнөлүк жаш мекендештер оюндары" сыяктуу чоң программа бар. Ал мелдешке ар кайсы өлкөлөрдүн балдары күчүн сыноо үчүн келишет. Кечээ "Русский дом" мекемесине кирип, Кыргызстан дээрлик дайыма биринчи орунду алып келгенин көрдүм", — деген ал.

Ырасында анын "дайыма" деген сөзүн көпчүлүк учурда деп оңдошкон.

0
Белгилер:
мелдеш, орун, спорт, Кыргызстан, Россия
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды