Кыргыз-тажик чегиндеги жаңжалдан жабыркаган Ак-Сай айылынын эли Баткен облустук администрациянын алдына митингге чыгышты

Чек арадагы жаңжалдан жабыркаган Ак-Сайдын тургундары митингге чыкты

563
(жаңыланган 16:58 24.07.2019)
Нааразы болгон эл алгач жол тосуп, андан кийин облустук администрацияга карай бет алган.

БИШКЕК, 24-июл. — Sputnik. Кыргыз-тажик чегиндеги жаңжалдан жабыркаган Ак-Сай айылынын эли Баткен облустук администрациянын алдына митингге чыгышты. Бул тууралуу аймактык кабарчы жеринен билдирди.

  • Митинг жителей села Ак-Сай баткенской области с требованием в скорейшем времени решить конфликт на кыргызско-таджикской границе
    Кыргыз-тажик чегиндеги жаңжалдан жабыркаган Ак-Сай айылынын эли Баткен облустук администрациянын алдына митингге чыгышты
    © Sputnik / Зульфия Тургунова
  • Митинг жителей села Ак-Сай баткенской области с требованием в скорейшем времени решить конфликт на кыргызско-таджикской границе
    Алгач нааразы болгон 50гө чукул адам Тургунбай Садыков көчөсүн тосуп, андан кийин облустук администрацияга карай бет алган
    © Sputnik / Зульфия Тургунова
  • Митинг жителей села Ак-Сай баткенской области с требованием в скорейшем времени решить конфликт на кыргызско-таджикской границе
    Нааразычылык акциясына 200дөй киши чыккан.
    © Sputnik / Зульфия Тургунова
1 / 3
© Sputnik / Зульфия Тургунова
Кыргыз-тажик чегиндеги жаңжалдан жабыркаган Ак-Сай айылынын эли Баткен облустук администрациянын алдына митингге чыгышты

Анын айтымында, алгач нааразы болгон 50гө чукул адам Тургунбай Садыков көчөсүн тосуп, андан кийин облустук администрацияга карай бет алган. Нааразычылык акциясына 100дөй киши чыккан.

Алар бийликтен кыргыз-тажик чек арасындагы кырдаалды тез арада жөнгө салууну талап кылышууда.

"Өз жерибизде тынч уктай албай калдык. Өкмөт тез арада тажик тарап менен сүйлөшүп, маселени чечип берсин. Мындан сырткары, милиция элге күч колдонбошун талап кылып жатабыз", — деди акциянын катышуучусу Нурийла Батырова.

Өкмөттүн облустагы өкүлчүлүгүнүн маалымат катчысы Чолпон Бердигулова акцияга чогулгандар менен облус башчысынын орун басары Чынара Саттарова жолугуп, түшүндүрүү иштерин жүргүзүп жаткандыгын билдирди.

Эске салсак, 22-июлда Ак-Сай (Кыргызстан) менен Ворух (Тажикстан) айылдарынын жашоочуларынын ортосунда чыр чыккан. Ворухтун тургундары кыштактын кире беришине флагшток орнотмокчу болушканда аксайлыктар каршы чыккан. Кайым айтышуу учурунда бири-бирин ташка алып, ок атылган. Мунун кесепетинен 14 кыргызстандык жаракат алган болчу.

Ал эми 23-июлда тажик тараптан эки ирет ок атылып, кыргызстандык чек арачылардын бирөө жарадар болгон.

563
Белгилер:
Баткен облусу, эл, Митинг, нааразычылык акциясы, чек ара
Тема:
Кыргыз-тажик чек арасындагы жаңжал (23)
Тема боюнча
Чек ара чырынан жабыркагандарга реанимобиль жана хирургдар жөнөтүлдү
Кыргыз-тажик чек арасына аскер техникасы жөнөтүлдүбү? Чек ара кызматынын жообу
Тышкы иштер министр Чыңгыз Айдарбеков мекендеш-дарыгерлерле сыйлык тапшыруу учурунда

ТИМ Россия жана Түркиядан келген мекендеш дарыгерлерди сыйлады

30
(жаңыланган 22:46 07.08.2020)
Сыйлыктарды тапшырган тышкы иштер министри Чыңгыз Айдарбеков дарыгерлердин COVID-19 эпидемиясына каршы күрөшүүдөгү эмгегин жогору баалады.

БИШКЕК, 7-авг. — Sputnik. Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады. Бул тууралуу мекеменин маалымат кызматы билдирди.

  • МИД КР вручил награды врачам-соотечественникам, прибывшим из России и Турции
    Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады
    © Фото / пресс-служба МИД КР
  • МИД КР вручил награды врачам-соотечественникам, прибывшим из России и Турции
    Салтанат министрликте өтүп, сыйлыктарды министр Чыңгыз Айдарбеков тапшырды
    © Фото / пресс-служба МИД КР
  • МИД КР вручил награды врачам-соотечественникам, прибывшим из России и Турции
    Өз сөзүндө ал пандемияга каршы күрөштө медицина кызматкерлеринин кесипкөй эмгегин жогору баалаган.
    © Фото / пресс-служба МИД КР
1 / 3
© Фото / пресс-служба МИД КР
Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады

Салтанат министрликте өтүп, сыйлыктарды министр Чыңгыз Айдарбеков тапшырды. Өз сөзүндө ал пандемияга каршы күрөштө медицина кызматкерлеринин кесипкөй эмгегин жогору баалаган.

“Пандемия күч алган тушта сиздер үч миңдей адамга медициналык жардам көрсөтүп, абалы оор жана өтө оор бейтаптардын өмүрүн сактап, эң оор шарттарда иш алып бардыңыздар. Баарыңыздар “кызыл зонада” иштедиңиздер, ошол эле маалда семинарларда, лекцияларда жергиликтүү дарыгерлерди окутуп, тажрыйба, билимиңиздер менен бөлүштүңүздөр. Сиздер учурдун баатыры экени талашсыз”, — деди Айдарбеков.

Маалымат кызматынын билдиришинче, саламаттык сактоодо ак ниет эмгеги, жогорку кесипкөйлүгү жана жетишкендиги үчүн Тышкы иштер министрлигинин 75 жылдыгынын юбилейлик медалы менен жети дарыгер сыйланды. 31 медицина кызматкерине “Күжүрмөн эмгеги жана COVID-19 пандемиясына каршы күрөштө кошкон салымы үчүн” ыраазычылык айтылды.

Эскерте кетсек, өкмөт да буга чейин өзгөчөлөнгөн дарыгерлерди Ардак грамота менен сыйлаган болчу.

30
Белгилер:
дарыгерлер, коронавирус, Тышкы иштер министрлиги, сыйлоо
Тема:
Коронавируска байланыштуу Кыргызстандагы кырдаал
Тема боюнча
Өкмөт өзгөчөлөнгөн дарыгерлерди Ардак грамота менен сыйлады. Тизме
Баткен облусунун башчысы медиктерди эс алууга жиберип, 5000 сомдон берди

Кой-Таш, атышуу, Атамбаевдин кармалышы. Былтыркы окуянын архивдик видеосу

35
Бир жыл мурун, так ушул күнү — 2019-жылы 7-августта Кой-Таштагы окуя ЖМКлардын бетинен түшпөй жаткан. Мурдагы ажо Алмазбек Атамбаевди кармоо операциясы эки күнгө созулуп кеткен. Окуя өнүгүшүн Sputnik агенттигинин архивдик видеосунан көрүңүз.

Июлдун ортосунда Жогорку Кеңеш атайын комиссия түзүп, Атамбаев алты кылмышка шектүү экендигин айтып чыгышкан. Парламент аны жактыргандан кийин Башкы прокуратурага жөнөтүп, натыйжада депутаттык комиссия койгон алты күнөөнүн бешөө негиздүү экени ырасталган.

Мындан сырткары, Жогорку Кеңеш Алмазбек Атамбаевди кол тийбестигинен ажыраткан.

Ошол кезде Атамбаев жашаган Кой-Таш айылындагы үйүндө тарапташтары тарабынан "Элдик штаб" уюштурулган. Ал жерге тарапташтарынын, саясаттагы үзөңгүлөштөрүнүн, партиялаштарынын жана элдин аягы үзүлбөй келген.

Атамбаевдин Кой-Таштагы үйүнө жасалган чабуул. Ойлонткон 25 сүрөт

Бул убакта кримтөбөл Азиз Батукаевдин өлкөдөн мыйзамсыз чыгып кетиши боюнча козголгон иштин алкагында Алмазбек Атамбаев күбө катары үч жолу суракка чакырылган, бирок экс-президент "бийлик алгач укуктук талаага келсин" деп барбай койгон. Кийинчерээк ал адвокаты аркылуу кат түрүндө жооп берүүгө даяр экенин билдирген.

Атамбаевди кармоону Улуттук коопсуздук мамлекеттик комитетинин атайын даярдыктагы "Альфа" кызматы колго алып, 7-август күнү кечинде ишин баштаган. Бирок атайын операция ишке ашпай калып, эртеси мурдагы президентти ИИМ багынууга көндүргөн.

Кой-Таш окуясынан жүздөн ашык адам жабыркап, "Альфанын" командиринин орун басары Үсөнбек Ниязбеков көз жумган. Ошондой эле Чүй облустук милициясынын башчысы Самат Курманкулов башынан катуу жаракат алган.

Атамбаевди кармоо ушул күнү башталган. Былтыркы Кой-Таш окуясын эске салабыз

Окуя боюнча бир нече кишиге иш козголуп, суракка алынып, соттук иштер дале уланууда.

35
Белгилер:
видео, операция, президент, Алмазбек Атамбаев, УКМК, ИИМ, Кой-Таш
Тема:
Атамбаевдин Кой-Таштагы үйүндөгү атайын операция
Тема боюнча
Кой-Таш окуясы боюнча соттун онлайн-отуруму жылдырылды. Себеби
Индиядагы Кожикоде шаарында учак конуп жатканда жерге катуу тийген

14 киши көз жумду. Индияда учак экиге бөлүнүп кетип, кырсыктаган видео

0
(жаңыланган 23:55 07.08.2020)
Алдын ала маалыматка ылайык, Boeing 737 учагы Дубайдан келген. Анын бортунда 170тен ашык жүргүнчү болушу мүмкүн экени айтылган.

БИШКЕК, 7-авг. — Sputnik. Индиядагы Кожикоде шаарында учак конуп жатканда жерге катуу тийип, 14 адам каза таап, 123ү жарадар болду. Бул туурасында РИА Новости ANI агенттигине шилтеме берип кабарлады.

Алдын ала берилген маалыматта, Дубайдан келген Boeing 737 учуп-конуучу тилкеден чыгып кетип, андан кийин экиге бөлүнүп калган.

Индиянын Авиация министрлигинен учактагы 174 жүргүнчүнүн ону балдар, бешөө экипаж мүчөсү болгонун кабарлады.

Кырсык болгон жерге Тез жардамдын 24 бригадасы жиберилген. Учактын алдыңкы бөлүгү үзүлүп түшкөндөн кийин, бардык жүргүнчүлөр эвакуацияланган.

"Бактыга жараша учак өрттөнүп кеткен жок", — деген маданият жана туризм министри Альфонс Каннантанам Twitter баракчасына маалымат чыгарып.

NDTV телеканалы кырсыктан улам 30 киши ооруканага жеткирилгенин айтат.

​Учактын алдыңкы бөлүгү толук бойдон талкаланып, учуу тилкесине жана анын чет жактарына сыныктар чачыраган.

Кералынын башкы министри Пинарайи Виджаян полиция, өрт өчүрүүчүлөргө жана тийиштүү чиновниктерге авиакырсыкка карата куткаруу жана медициналык жардам көрсөтүү боюнча чукул чараларды көрүүнү тапшырган.

0
Белгилер:
куткаруу, кырсык, учак, Индия
Тема боюнча
Бразилияда учак автожолго кулап, талкаланып калды. Видео