Ысык-Көл облусунда туристтик милиция. Архивдик сүрөт

Көлдө туристтик милицияга кайсы суроолор менен кайрылышат. Милициянын жообу

108
(жаңыланган 15:29 25.07.2019)
Туристтик милиция 2018-жылдын соңунда түзүлгөн. Ал Туризм департаменти менен биргеликте иштейт.

ЫСЫК-КӨЛ, 25-июл. — Sputnik. Быйыл май айынын башында Ысык-Көл облусунда туристтик милиция иштей баштады. Алар эмне иштерди жасай турганын милициядан тизмектеп беришти.

Жаңы бөлүмүндө учурда 18 киши иштеп жатат. Алардын сегизи Каракол шаарынын борборунда болсо, калгандары Ак-Суу, Жети-Өгүз жана Тоң районундагы тоолуу аймактарда. Тоо-ташка чыгып сейилдеген чет элдик туристтер көп болгондуктан, милиция кызматкерлери дал ушул аймактарды дагы күзөтүшөт.

Туристтик милицияга тандоо учурунда талапкерлердин кыргыз, орус жана англис тилин билүүсү эске алынган. Андан сырткары, Кыргызстандын тарыхын жакшы билгендерге артыкчылык берилген.

Милициянын старшинасы Самат Ибраевдин айтымында, аларга күн сайын ондогон турист түрдүү суроолор менен кайрылат. Чет элдиктер негизинен кайдан тамак ичүүгө болорун, бир жерден экинчи жерге кантип жете аларын сурашат.

"Кайрылгандар мейманкана кайда экенин көп сурашат. Андан сырткары, тоого чыккандар бул же тигил жол менен кайда барса болоруна кызыгышат. Бардык суроолорго жооп берип, жардам бергенге аракет кылабыз", — деди Ибраев.

Туристтик милициянын кызматкерлерин көк түстөгү униформасы аркылуу таанууга болот. Андан сырткары, алардын күрмөсүндө Tourist Militia деген жазуулар бар.

Белгилей кетсек, туристтик милиция 2018-жылдын соңунда түзүлгөн. Ал Туризм департаменти менен биргеликте иштейт. Негизги максаты — өлкөгө келген чет элдик туристтердин коопсуздугун камсыздап туруу.

108
Белгилер:
тартип, жардам, турист, Ысык-Көл, туристтик милиция
Тема боюнча
Ташматов: туристтик милиция жайкы сезонго даяр
Фотофакт: туристтик милициянын формасы
Саргарган дарактар. Архив

Бейшембиге карата аба ырайы

24
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

24
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

189
(жаңыланган 19:05 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда,Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

189
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды