Кайгуул милиция кызматкерлери. Архив

Жетекчи жана 512 кызматкер керек. Милиция дагы сынак жарыялады

908
(жаңыланган 10:28 29.07.2019)
Конкурска катышуу үчүн документтер 24-августка чейин ИИМге караштуу ЖКККББнын кадрлар бөлүмүндө кабыл алынат.

БИШКЕК, 27-июл. — Sputnik. Бишкек шаардык ички иштер башкы башкармалыгы жаңы түзүлчү Кайгуул кызматы башкармалыгына жарыяланган биринчи сынактын жыйынтыгы боюнча дагы 513 киши жетпей калды. Бул тууралуу ИИМдин Жол коопсуздугун камсыздоо боюнча башкы башкармалыгынын маалымат кызматынан билдиришти.

Милиция кызматкерлери. Архив
© Пресс-служба президента КР / Султан Досалиев
Ведомстводон Кайгуул кызматынын башкармалыгына жетекчи, орун басар жана улуу, орто, кенже бөлүктөгү башчылыктарга кызматкерлер керек экендигин белгилешти. Кененирээк маалыматты ЖКККББнын сайтынан алууга болот.

Конкурска катышуу үчүн документтер 24-августка чейин ИИМге караштуу ЖКККББнын кадрлар бөлүмүндө кабыл алынат. Дареги: Бишкек, Валиханов көчөсү, 1а. Маалымат алуу үчүн телефон номерлер: (0312) 63-09-01 жана (0312) 63-02-53.

Эске сала кетсек, Бишкек ЖКККББнын башчысы менен орун басары жаңы түзүлгөн Кайгуул кызматынын башкармалыгына сынак тапшырып өтпөй калган.

908
Белгилер:
сынак, кызмат, милиция, Бишкек
Тема боюнча
Бишкек ЖКККББнын башчысы менен орун басары сынактан кулап калды
Бишкектеги аялдамаларда маршрутка күткөн эл

Бишкектеги аялдамаларда маршрутка күткөн эл адаттагыдан көппү? Сүрөт, видео

17
(жаңыланган 20:00 18.01.2021)
Мэриянын маалыматы боюнча, автобустар менен троллейбустар штаттык режимде иштеп жатат. Анткен менен аялдамаларда жүргүнчүлөр көп экени айтылды.

БИШКЕК, 18-янв. — Sputnik. Sputnik Кыргызстан агенттигинин кабарчысы маршрутка айдоочуларынын иш таштайбыз дегенине байланыштуу кечки абалды байкаш үчүн Чүй проспектин, Киев жана Абдрахманов көчөлөрүн көрүп келди.

Аялдамада маршрутка күтүп турган айрым шаардыктардын айтымында, бүгүн транспортту күткөндөрдүн саны башка күндөргө салыштырмалуу көп болууда. Киев менен Абдрахманов көчөлөрүнүн кесилишиндеги аялдамада турган жүргүнчүлөрдүн саны 100гө жакындаган.

  • Sputnik Кыргызстан агенттигинин кабарчысы маршуртка айдоочуларынын иш таштайбыз дегенине байланыштуу кечки абалды байкаш үчүн Чүй проспектиси, Киев жана Абдрахманов көчөлөрүн карап келди
    Sputnik Кыргызстан агенттигинин кабарчысы маршуртка айдоочуларынын иш таштайбыз дегенине байланыштуу кечки абалды байкаш үчүн Чүй проспектиси, Киев жана Абдрахманов көчөлөрүн карап келди
    © Sputnik / Эркин Садыков
  • Аялдамада маршрутка күтүп турган айрым шаардыктардын айтымында, бүгүн транспортту күткөндөрдүн саны башка күндөргө салыштырмалуу көп болууда
    Аялдамада маршрутка күтүп турган айрым шаардыктардын айтымында, бүгүн транспортту күткөндөрдүн саны башка күндөргө салыштырмалуу көп болууда
    © Sputnik / Эркин Садыков
  • Киев менен Абдрахманов көчөлөрүнүн кесилишиндеги аялдамада турган жүргүнчүлөрдүн саны 100гө жакындаган
    Киев менен Абдрахманов көчөлөрүнүн кесилишиндеги аялдамада турган жүргүнчүлөрдүн саны 100гө жакындаган
    © Sputnik / Эркин Садыков
1 / 3
© Sputnik / Эркин Садыков
Sputnik Кыргызстан агенттигинин кабарчысы маршуртка айдоочуларынын иш таштайбыз дегенине байланыштуу кечки абалды байкаш үчүн Чүй проспектиси, Киев жана Абдрахманов көчөлөрүн карап келди

Бирок мэриянын маалыматы боюнча, автобустар менен троллейбустар штаттык режимде иштеп жатат. Коомдук транспорт башкармалыгынын жетекчисинин милдетин аткаруучу Улан Бейшенбаев дагы маршрутка айдоочуларына байланыштуу окуя турукташканын билдирди.

"Бүгүн жумушка чыкпай койгон №117, 204, 128, 102 жана 139 линиясындагы айдоочулар менен сүйлөштүк. Алар ишке эртеңден тарта кайтмай болушту", — деди аткаминер.

Бейшенбаев аялдамадагы элдин көптүгү кечки жол тыгынга байланыштуу болушу мүмкүн экенин кошумчалады.

Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда.

17
Белгилер:
каттам, маршрутка, Бишкек
Тема боюнча
Каттамга чыкпай койгон маршруткалар. Шаардагы абалды көрсөткөн видео
Лабораториянын кызматкери. Архив

КР калкынын канчасында коронавируска каршы антитело бар? Изилдөөнүн жыйынтыгы

29
(жаңыланган 19:46 18.01.2021)
Июнь айынын аягынан августтун башына чейин адистер изилдөө жүргүзгөн. Февралда изилдөөнүн экинчи этабы башталат.

БИШКЕК, 18-янв. — Sputnik. Кыргызстандын калкынын 50 пайыздан ашыгы коронавирус менен ооруп айыкты деген божомол бар. Бул тууралуу Sputnik Кыргызстан агенттигине Вирустарды көзөмөлдөө боюнча республикалык илимий-практикалык борбордун жетекчиси Зуридин Нурматов билдирди.

Адистин айтымында, июнь айынын аягынан тарта августтун башына чейин адистер изилдөө жүргүзгөн. Натыйжада Кыргызстандын калкынын 30,8 пайызында антитело бар экени аныкталган.

"Бул деген калктын 31 пайызы коронавирус жуктуруп айыкты, эми оорубайт дегенди түшүндүрөт. Февралдан тарта ушул эле изилдөөнүн экинчи этабын жүргүзөбүз. Анын жыйынтыгы апрель айларында чыгып калат. Биздин божомол боюнча, августтан бери калктын 50 пайызынан көбүндө антитело пайда болсо керек. Элдин жарымынан көбүндө антитело пайда болгон учурда оору мурдагыдай көп катталбай калат, — деди Нурматов.

Адис изилдөө кандай тартип менен жүргөнүн түшүндүрүп берди.

"Изилдөөнүн биринчи этабында бардык облустар камтылган. Анда ар бир облустан бирден районду алып, ал жактын эли антителого тест тапшырган. Анализдердин жыйынтыгын алган соң башка аймактарда дагы ушундай эле деңгээлде адам ооруган болуш керек деп божомолдогонбуз. Мындай илимий ыкма дүйнө жүзү боюнча колдонулат. Жалпы элден анализ алуу өтө кымбат турат. Ошол себептен бул ыкманы колдонгонбуз. Экинчи тур дагы ушундай эле тартип менен жүрөт", — деди Нурматов.

Белгилей кетсек, буга чейин саламаттык сактоо министри Алымкадыр Бейшеналиев дагы Кыргызстандын калкынын басымдуу бөлүгү коронавирус менен ооруп айыкканын айтып, муну ооругандардын саны азайып калгандыгы менен түшүндүргөн.

29
Белгилер:
изилдөө, адис, айыккандар, аныктоо, оору, антитело, коронавирус
Тема:
Коронавируска байланыштуу Кыргызстандагы кырдаал
Тема боюнча
Штаб: коронавирустун жайылуу темпи боюнча Кыргызстан жашыл зона
"Россия акчанын артынан куубайт". Европадагы ЖМКлар "Спутник V" тууралуу